اسعد الله ايامكم بميلاد مولاي الرضا عليه السلام .. يلايم گلبي | 🌹تجمّع الزهراء ع للموالد🌹
اسعد الله ايامكم بميلاد مولاي الرضا عليه السلام ..
يلايم گلبي جوز وعوف لوما عطشت لبشر مدري بشر لو ما لمشهد ما يطب الخير لو ما ضريحك يالرضا بهاي الثنيه ... من ثگلك جبال الگاع ماديت ولفضلك عشر معشار ما ديت انه مجدي اعله بابك ايد مديت لخاطر فاطمه اتصدق عليه ... بمسره الدم جمر حبك وج ادماي ايدي من الكبر ترجف وجدماي مثل عطشان بالصحره وجد ماي من اطب صحنك عطش ما يظل بيه ... لگينه دروب خدمتكم نظيفه إمام و شنهو البمدحك نظيفه مضيفك عامر بمشهد نظيفه بزادك والهله نشبع سويه ... بضريحك يالرضا نشتم هوانه الدهر وياك ما ضگنه هوانه بحقك لو اكو مقصر هو آنه ورغم تقصيري خيرك مالي اديه ... بغرب خلاك دهرك من هوانه وانت العدنه اغله من هوانه شسولف منهو انت و منهو آنه الثره ما تگدر توصف الثريه
... خادم الحسين عليه السلام كرار حسين الكربلائي ( ابو كميل)
