ازورك من ازورك ما اكدر ازورك هايم وبهيامي اهيـم بسر حضورك اح | 🌹تجمّع الزهراء ع للموالد🌹

ازورك من ازورك ما اكدر ازورك
هايم وبهيامي اهيـم بسر حضورك
احضرني دخيلك
هـايم ارد اجيـلك
......
يالحـبك نهـار يضـوي ليلي
ميـت بالعـشـك ارحـم دلـيلي
يمـك يا عــلي بلـكي يجـيلي
وفراكـك امامي هدلي حيلي
احضرني دخيلك
هـايم ارد اجيـلك
......
يا قبـلة عشك كـل اليحبـون
يا مالك عقول ومالك عيون
ابحبكم فقت مرحـله الجنون
وبعمري الك سيـدي مديون
احضرني دخيلك
هـايم ارد اجيـلك
.....
يا اول عـشك مـا منه ثــاني
يومـية العـصـراكـعـد وتاني
ما معقـوله محبـوبي نساني
ادفع عـمري لو يمه خذاني
احضرني دخيلك
هـايم ارد اجيـلك
.......
يا جرح العـلل يشفيه غيرك
وكـل جنه تـشم منك عبيرك
كلبي العاشكـك باقي اسيرك
جبريل الوحي صاير وزيرك
احضرني دخيلك
هـايم ارد اجيـلك
.........
يا ثـامـن امـام انـته امـامي
مـن بيتي الك ارسل سلامي
وارسلك عشك حب وهيامي
مـا اعــرف ارتـبـلك كـلامي
احضرني دخيلك
هـايم ارد اجيـلك
.......
الشاعر
اياد الفرح التميمي