ازاي تحل قطعة الفهم اولا اسمها قطعة فهم فالمفروض تقيس ال | 💥الصف الثالث الثانوي💥

ازاي تحل قطعة الفهم

اولا اسمها قطعة فهم فالمفروض تقيس الفهم
ودا مش دايما بيكون المقياس في الواقع فخد بالك
ممكن بيكون بيختبر قوة ملاحظتك وقدراتك الخارقة في حل الالغاز


ثانيًا اجابة السؤال
ازاي وكيف نجاوب على قطعة ال(فهم) دي
لازم تعرف ان علشان تحلها كويس وتفهم مضمون القطعة بتقوم الاول

تقرأ الاسئلة

اينعم زمبئولك كدا
تقرأها وتفصصها بالاختيارات
تعرف كل سؤال طالب ايه وايه الاختيارات المكتوبة
احيانا هتلاقي الاجابة منطقية
حطها في اعتبارك تحسبًا لاي خدعة
خلص وهتلاقي نفسك تلقائيا عرفت موضوع القطعة ايه
وايه هي النقط الي هتركز عليها
وايه هي التفاصيل الي مش هتوقفك وانت بتقرا

خلصت؟
روح للقطعة
ابدا قراءة
هتلاقي الاسئلة بتنط قدامك تاخد الاجابة
كانك بتفضي عصير في كوباية (غالبًا)
طيب

في احيانا كتير كلمات بتبق صعبة
ومش مفهومة
نعمل ايه

زي ما اتفقنا مش كل الكلمات هتبق مطالب بمعرفتها
ولو حصل وكانت مهمة
هيبق قدامك اكتر من طريقة تعرف بيها المعنى
كيف؟
ممكن الكاتب يكتب تعريفها بعدها مباشرة
حرفيًا
او يدي مثال يعرفك ايه هي
او يدي العكس او المرادف

ولو محصلش اي حاجة من دول
حضرتك بتلجأ للسياق وتفهم منه المعنى
@TALTASANWY1