نتخيل كده أخر يوم امتحانات مع بعض - تيجي من الامتحان تلاقي ع | 💥الصف الثالث الثانوي💥
نتخيل كده أخر يوم امتحانات مع بعض
- تيجي من الامتحان تلاقي ع غير العاده اوضتك مترتبه مفيهاش ولا ورقه، ومنظرها اتغير تماما.
- متبقاش عارف تعمل ايه و تروح فين و تيجي منين من الفرحة اللي انت هتبقى فيها لانك خلصت من اصعب سنة ممكن تعدي عليك و حاسس انك شيلت جبل هموم من على كتفك.
- وتخش تاخد دش إزالة الهموم والأحزان وتفوق من الكابوس اللي كنت فيه.
- تخش تشغل تكييف أو مروحه وتنام نوم عميق مريح من غير ما حد يقولك يلا قوم ذاكر .. اصحي انزل الدرس .. يلا الامتحان هيفوتك!
- بعديها تنزل تاني يوم تخرج مع حد مشفتهوش بقالك كتير .. بلاش صحابك دول انت مزهقتش منهم 12 شهر مبتشوفش غيرهم.. اعرف وشوش جديده يا أخي !
و ربنا يوفقكم جميعاً وتفرحوا اهاليكم