يا نهار الشوق على اجمل ناس الصوره دي من تصوير اعلان جديد ليا بس تعنيلي كتير اوي ، عشان كدا حبيت اكلمكم عليها وبعد ما اخلص كلام هتتأكدوا انها تعنيلكوا انتوا كمان ،،،. هحاول اختصر
من سنين كنت مكان الاطفال الجميله دول بدرس الموسيقى هنا في الكونسير ڤاتوار و لما كان يدخل علينا فنان مشهور كنا بنفرح اوي و بيبقى عندنا حالة ذهول و كنت بقول يارب في يوم من الأيام أكبر وأنجح و ادخل نفس الدخله دي و انا فنان مشهور و اشوف نفس النظرة الجميلة دي في عيون التلاميذ و الأستاذة..
الحقيقه اني لما دخلت عليهم شفت نظره أكبر بمليون مره من اللي حلمت بيها ، نظرة حب و بكاء و مثل اعلى و اسأله كتير منهم عن مشواري و فضلت يوم كامل اثناء التصوير بحكيلهم و بشجعهم ، و اتمشينا في كل مكان جوه المعهد درست فيه ولعبت فيه
هقول حاجه و كل واحد يقيسها على مجاله ،،، اكتر حد فيكوا هيحب النظره و المعنى اللي في الصوره و هيتمناه و هيتعب له، هو اول واحد هيوصله بس كدا .. نهاركم جميل زيكم
