صباح الخير قصة المسمى الوظيفي ( عنترة ) عنترة كان الtitle بتاع | مهندسون

صباح الخير قصة المسمى الوظيفي ( عنترة ) عنترة كان الtitle بتاعه ( المسمى الوظيفي ) في القبيلة أنه "خادم" وبالتالي كانت الresponsibilities ( مسئولياته ) هي رعي الغنم وحلبها وخدمة القبيلة في اي شغلانة مالهاش حد يعملها . لكن عنترة طول الوقت كان بيشتغل في الدفاع عن القبيلة ومحاربة أعدائها رغم ان الشغل ده مش شغله وكان بيحلم أنه ياخد title ( لقب )"فارس" إدارة القبيلة عمرها ما فكرت ترقى عنترة للمنصب اللي هو شغال شغله بالفعل وفضلت تستغله وتعطيه benefits ( مميزات ) الخادم بالرغم من قيامه ب Responsibilities ( المسئوليات ) الخاصه بالفرسان. لما حصل هجوم على القبيلة رفض عنترة انه يدافع عنها إضطرت إدارة القبيلة أنها تدخل ل negotiations ( مفاوضات ) معاه ووعدوه أنه لو أنقذ القبيلة أنهم يعملوا له promotion ( ترقية ) ويتحول من خادم لفارس، فعنترة طلب كمان أنه يتزوج عبلة extra bonus ( حافز اضافي ) والإدارة وافقت تحت الضغط. عنترة قام بالدور المطالب به وانقذ القبيلة من الأعداء والعار وراح للإدارة علشان يوفوا بالوعد .. لكن الإدارة لم توفي بالوعد ورفضت تزوجه عبلة وطلبت منه task ( مهمة ) جديدة طلب تعجيزي وهو أنه يجيب ألف ناقة حمراء، عنترة علشان ياخد ال bonus ( المكافأة ) ويحقق حلمه اضطر أنه يشتغل overtime ( عمل اضافي ) ويعرض حياته للخطر وكان احتمال أنه يموت وبالرغم من ذلك إدارة القبيلة لم تقدر هذا المجهود والعناء الشديد . الدروس المستفادة: ١.التزم بال Job Responsibilities ( مسئوليات وظيفتك ) فقط لغاية الإدارة ما ترقيك وبعد الترقية فقط تبدأ تشيل مسؤلياتك الجديدة. ٢.معظم الشركات بتستخسر ترقي الموظف، ف لو انت موظف مجتهد في مكان وبتشتغل شغل فارس والوعود كتير على الفاضي ف نصيحه متستناش promotion ( الترقية ) لانهم لو عايزينك تترقى كانوا خدوا القرار .... أخرج بسرعة وأشتغل فارس في مكان جديد. ٣.الإدارة اللي تطلب منك task ( مهام ) وتوعدك بالترقية وما تصدقش معاك، ماتكملش معاهم أهرب ... بسرعة .