في كتير أشخاص بعانوا من انتفاخ البطن وهو شي مزعج كتير ومؤلم لهيك حنخبركن عن الأكلات يلي بتسبب الانتفاخ والغازات لتتجنبوها وشو تعملوا لتخففوا من تأثيرها المزعج أو شو ممكن تاكلوا بدالها ︎الفاصوليا بتسبب انتفاخ بالبطن فيكن تنقعوها وتغيروا المي يلي بتنقعوها فيها عدة مرات أو ممكن تستبدلوها باللحوم أو الفاصوليا السودة ︎العدس بساوي تراكم للغازات بالأمعاء وإذا نقعناه قبل ما نطبخه منخفف من تراكم الغازات وبصير ألطف عالجهاز الهضمي ︎الكولا والمشروبات الغازية معباية غازات بتنفخ البطن شربوا بدالها مي متل ما عمل رونالدو أو قهوة أو شاي ︎القمح ومنتجاته لأنه فيه غلوتين اللي بساوي نفخة عند بعض الأشخاص وفيكن تاكلوا المنتجات الخالية من الغلوتين بداله ︎البروكلي والخضار الصليبية التانية بتساوي غازات لهيك طبخوها منيح أو كلوا سبانخ وكوسا وخيار وبطاطا وخس بدالها ︎البصل وخصوصي البصل الني لهيك طبخوه أو حكوا بداله بهارات بالأكل ︎الشعير فيكن تستبدلوه بالشوفان أو الرز البني ︎الألبان ومنتجاتها ︎التفاح فيكن تاكلوا بداله الموز أو الغريفون أو التوت أو البرتقال أو الفريز ︎التوم طبخوه لتنخفض تأثيراته المزعجة وفيكن تستبدلوه بالتوابل ︎السكر الصناعي ︎البيرة بتساوي غازات وانتفاخ بطن شربوا بدالها مي إعداد #الصيدلانية_ريم_الكور خاص بشبكة الأدوية السورية Up To Date اعـرف أكثـر.. خليـك UpToDate منصة • صحيّة • سورية 141 views21:29
