خد هنا تعالى مش هاخد من وقتك غير ثوانى بسيطه كده نسمع الحديث ك | طلاب الثانوية الأزهرية
خد هنا تعالى مش هاخد من وقتك غير ثوانى بسيطه كده نسمع الحديث كده عن أنس رضي الله عنه قال : (( إنَّكُمْ لَتَعْمَلُونَ أعْمالًا، هي أدَقُّ في أعْيُنِكُمْ مِنَ الشَّعَرِ، إنْ كُنَّا لَنَعُدُّها علَى عَهْدِ النَّبيِّ صلَّى اللهُ عليه وسلَّم مِنَ المُوبِقاتِ. )) . رواه البخارى . وقال : الموبقات : هي المهلكات تخيل يا أخي معايا وتمعّن في معنى الحديث المهم جدا ده كده واحده واحده كده أول حاجه الكلام ده سيدنا أنس كان موجهه لمين ؟! الكلام ده سيدنا أنس كان موجهه للتابعين اللى هما أبناء الصحابه والعهد اللى جه بعدهم علطول تخيل إن التابعين دول يامعلم كانوا بيعملوا حاجات بالنسبة لهم ذنوب بسيطه جدا و بالنسبة للصحابه من المهلكات ياترى إحنا وصلنا لإيه ؟؟ الحديث ده كان ف باب مراقبة الله تعالى في كتاب رياض الصالحين ،متخيل يا أخي الصحابه كانوا بيراقبوا الله تعالى وبيعظموا أىْ ذنب بيعملوه ازاى؟ فالخلاصه لازم لازم متستهونش بأى ذنب بتعمله خالص وجدد توبتك لله تعالى وراقب الله تكن في حفظه وأدعو الله أن يأتى كلامى هذا في قلبي وأعمل به كما كتبته وأن يأتي في قلوبكم كما قرأتموه. #مؤمن_مدحت #G_MM
