2022-06-13 21:39:39
داخل بعض عوائلنا الكريمة،
لما أحد الزوجين ينبه الآخر على مسألة معينة،
ويحاول يغيرها بيه،
يتواجه من الطرف الثاني بهاي العبارة:
"إذا جنت تحبني، تقبلني مثلما اني ولاتحاول تغيرني"
ليش؟!
لأن أكو ملازمة "وهمية" صنعتها بعض منصات التواصل والمدونين اللي يتحدثون بالشؤون الأسرية،
ملازمة "وهمية" بين حب الآخر وقبوله كما هو بسلبياته وإيجابياته،
ملازمة "وهمية" مفادها مادامك تحاول تغير خصلة أو طبع أو صفة بشريك حياتك إذن ماتحبه،
وجاي تتجاوز على خصوصيته وشخصيته،
وماتشوفه كافي إلك...
والواقع أن الحب المتبادل بين الزوجين يقتضي أنه كل واحد يحب للثاني أفضل صفات وأحلى أطباع،
هاي العبارة تزرع بداخل الزوجين نوع من اللامبالاة تجاه بعضهم،
في حين الزواج مسؤولية متبادلة،
ومساحة للتكامل المتبادل بين الطرفين،
طبيعي جدا كل واحد يكون مرآة الثاني ويعكس للآخر الزينه والشينه،
كل طرف عنده ايجابيات وسلبيات،
وكل واحد حب بالثاني إيجابياته،
فمن المنطقي جدا يتعاون وياه على تغيير السلبيات حتى يزيد الانجذاب والمودة...
المسألة بهذه البساطة مو أكثر، ماتتطلب تعقيد ولا سوء ظن...
.
.
@ali_maneea
1.2K views18:39