يلا دايمًا بقول إنو في العلاقة اتعامل مع الزول دا بنفسك ، يعني | عن .. عَطَشِ قَلب 🥀🌧
يلا دايمًا بقول إنو في العلاقة اتعامل مع الزول دا بنفسك ، يعني ما تخلي زول يوريك تتصرف كيف في علاقتك مع زولك ، ما تتصرف برأي أصحابك و ما تعاند و تحاول ترُد نفس تعامل زولك ، مدام التعامل دا ما طبعك ما تعملو خالص لأنو دا غلط كبير عارف لي ؟ عشان زولك دا حيحس نفسو بيتعامل مع مليون شخص ماحيفهمك و ماحيعرف طبعك شنو ولا حيعرف يتصرف كيف معاك ولا حيقدر يفهمك لأنو دا ما انت البتتصرف + انو مافي زول فاهم علاقتكم قدك انت و زولك لأنو انتو العايشين فيها فما تدخلو طرف تاني ، و بالنسبة لموضوعنا .. قصة العناد لمن تحصل مشكلة وانت تعاند و تعامل زولك بالمثل طيب الحيحل الموضوع دا منو ؟ دي صفة غلط في زولك المفروض انت توجهو وتحلها و تبعدو عن الصفة دي ، العلاقة يعني توازن واحد يخطئ في موضوع معين و واحد يصيب و كدا حتمشي العلاقة ، بس لو هو أخطأ و انت قلدتو ف نفس الحركة دي العلاقة حتفقد توازنها ، و بالنسبة لعنادك و اصرارك على انك ما تسأل لأنو هو ما سأل .. يا جماعة الدنيا دي فيها شنو و بنعيشها كم مرة ؟ مشتاق لزول رسل .. فاقدو اتصل .. ما تتعامل مع العلاقة كمنافسة ، كدا انت حتخت لنفسك صفة ما فيك .. و اللي هي انك تجافي و ما تسأل ، عمرو العناد ما كان حل العلاقة دي طرفين بس انت و زولك لو الاتنين عاندتو الحيبادر مين
