السلام عليكم ورحمة اللّٰه وبركاته. وجود أبلكيشن زي Googal Pod | إغدرَاسيل
السلام عليكم ورحمة اللّٰه وبركاته.
وجود أبلكيشن زي Googal Podcasts شيء عظيم وخاصةً للبنات. ليه؟ لأن توافر محتوى صوتي زي كدا هيساعد جدًا في غض البصر، يعني لو بنت سمعت حلقة من حلقات "وعـي" على اليوتيوب ممكن تلقائيًا متقدرش تغض بصرها.
النهاردة وقبل ما أشوف التاسك كنت بسمع في الصبح بودكاست وعي حلقة عن الاستعداد لرمضان (حلقة لازم تسمعها)، وحقيقي بودكاست وعي من أجمد البودكاستس اللي ممكن تشوفها، ٣ شباب بيتكلموا بتلقائية، وكأنه نقاش لذيذ عن موضوع ما بتطلع منه باستفادة كبيرة جدًا، تحس إنهم بتكلموا معاك ويوصفوك أنت، خلاصةً هم بيتكلموا بصوتنا، بواقعنا اللي بنعيشه، بشوف إن بودكاست "وعـي" صحبة لأي حد مُفتقد للصحبة.
وفي أكتر من برنامج وبودكاست على الأبلكيشن، ومن أجمدهم بودكاست أحمد السيد، وبودكاست إنه القرآن. (وسلسلة سوية المؤمن للشيخ أحمد السيد مهمة جدًا، أنصح بيها).
بودكاست HazCast دا بقى الجمدان كله، مقدم البودكاست هو م. حازم الصديق (واحد من مقدمين بودكاست وعي برضو). ومن أهم الحلقات اللي -أعتقد- لازم يتسمعوا الفترة دي من HazCast، هو الحلقة اللي مستضيف فيها دكتور أحمد عبد المُنعم، وحلقة الدكتور محمد الغليظ، بما إن رمضان قرّب فـ لازم تسمع الحلقتين دول. بس كدا، سلام.
