لو طفل ماشي ع واحد من نظائر الانسولين سريعة المفعول Rapid acti | Top Pharmacist Online
لو طفل ماشي ع واحد من نظائر الانسولين سريعة المفعول Rapid acting insulin analogues اللي هما موجودين تحت 3 أسماء تجارية ، بالترتيب Humalog , Novorapid and Apidra وسكره مظبوط عليه ، لكن المشكلة أيام المدرسة بيرجع البيت سكره عالي ، وده نتيجة ال Snakes اللي بياخدها ف المدرسة- وطبعاً صعب جداً يحقن نفسه انسولين ف المدرسة وبرضو صعب تمنعه ما ياخدش مصروفه - المهم قبل ما نقول الحل أفكرك الأول بالانسولين قصير المفعول Short acting insulin أو ما يعرف عند عامة الناس بالانسولين المائي تجارياً زي Actrapid, Insuman rapid , Humulin R......etc اللي كان من ضمن عيوبه إنه ليه قمة عمل بعد ساعتين لأربع ساعات وبيغطي من 5 ل 8 ساعات ، فكانت فرص الهبوط فيه عالية ، وعشان العيوب دي كان لابد من ظهور مجموعة أخرى ألا وهي نظائر الانسولين سريعة المفعول [مميزاتها إنها بتبدأ عملها بسرعة ، وقمة العمل أخف ف شدتها من قمة عمل الانسولين المائي ، وبينتهي مفعولها بسرعة] المهم إن العيوب بتاعة المائي ممكن تستغلها وتعتبرها ميزة وده لما تستخدمه قبل وجبة الفطار أيام المدرسة ، لإنها هتغطي ال Snakes اللي هياكلها ف المدرسة وهيرجع البيت سكره مش عالي .... يعني خلاصة الموضوع :- إنك ممكن تخليه ف وجبة الغدا و العشا يكمل زي ما هو على ال Rapid acting insulin analogue لكن قبل الفطار أيام المدرسة تخليه ياخد انسولين مائي..... الشاهد إنك لازم تفهم آلية عمل كل نوع من الانسولين ، وبعد كده تفصله تفصيل ع كل حالة -------------------------------------------------------------------------- ملحوظة :- ف ال ISPAD guidelines كاتبين حاجة شبيهة بكده ، كاتبين إنك ممكن تستخدم ال NPH insulin Intermidiate acting insulin may be tailored as a part of a twice daily basal insulin regimen to allow coverage for snacks for children who are not prepared to inject at school -------------------------------------------------------------------------- #دمتم_بصحة_بصحة #Dr_Khaled_Shabon (Dr.KH.SH)