Top Pharmacist Online

2022-07-18 02:18:09  
المسدج دا احفظه عندك وحافظ عليه كويس لان دا هو الكنز الحقيقي الي هيفيدك ف حياتك...
دول حوالي 44 كتاب بجانب  كتب (pharma و drug interaction و dermaو otcو Clinical و Atlas )يعني كل اللي محتاجة هتلاقيه هناا
بس مش عاوزك تمل ،وان شاء الله هتستفيدوا منها ..!
الجزء الاول
هبدأ ب ملفات ودي اتعملت بطريقة روووعه في الPDF وسهله ان شاء الله
أولا:
ده ملف #حوارات_صيدلانية
انا جمعتلكم ال16 او 17 حلقة هنااا في ملف واحد .

https://www.mediafire.com/download/b72dq9xas6mvl6i
ثااانيا :
ده ملف #تجميعة_Supp_من_A_Z .
اهوووم
https://www.mediafire.com/download/40arhhr9659j7tj
ثالثا :
ده ملف #تجميعة_Drops وعباره عن حلقتين ولميت فيها الحاجات اللي شبه بعضها وايه الفرق بينهم
اهووو
https://www.mediafire.com/download/m55sb2xjr5a0f1n
رابعا :
و دة ملف اسمة #خلي_بالك الموسم الاول
هيفيدك جدا دا باذن الله .
https://www.mediafire.com/download/pm9204o4wlg7098
دا ملف خلى بالك #الجزء_التانى
https://www.mediafire.com/download/yintziunn4expfb
#خلي_بالك الجزء التالت
https://www.mediafire.com/download/e2am24ia2ahazz7
خاامسا :
ملف #فروقات_عشوائية
دي حاجات كنت منزلها زمان وحبيت اجمعها عشان حضراتكم
يعني مثلا الفرق بين ميوبان وميوبان بلس والحاجات اللي شبه بعضها .
https://www.mediafire.com/download/o7uqrf1yfbh34eu
سادسا
ملف #أنواع_التنيا
جمعت بوستات لانواع التنيا اللي ممكن تقابلك فى الصيدلية
https://www.mediafire.com/download/u86zdtppqn76rgb
زتونة الانتي بيوتك ودول حوالي 13 ورقة فيهم زتونة ال antibiotic وبالتقسيمه بتاعتهم وبيشتغلوا ازاي والجرعة لكل عيلة والtrade name كمان ،
https://www.mediafire.com/download/t7th8h0nl967kwv
___
صل على حبيبك محمد
#الجزء_التاااني
دي شويه ملفات otc بقا وكتب كويسه خالص فارما وكلينكال وديرما واطلس وتحاليل تقدر تذاكر منها وتراجع منها معلوماتك وتطور من نفسك
* الاب الروحي للفارما #ليبنكوت_فارماكولوجي الاصدار ال5
طبعا ده لازم يكون اساسي مع حضرتك كمرجع كويس .
https://drive.google.com/0B8BnbWEQpcAdTi1UWGRqLUdIU…/view…
*كتاب Pharmacotherapy
https://www.mediafire.com/download/sxsb75fcffr9skr
*كتاب Oxford Handbook of clinical pharmacy
https://www.mediafire.com/download/h4h2tftbtxaso8w
*كتاب Principles of Clinical Pharmacology
https://drive.google.com/…/0B-4rKjBgNUrBcXJ0Rkd5T2tZR…/view…
*كتاب clinical drug therapy
https://drive.google.com/…/0B-4rKjBgNUrBMEtJZWtmYU5GO…/view…
*كتابAtlas of clinical diagnosis
https://drive.google.com/…/0B-4rKjBgNUrBTHZyWmtUVV9NM…/view…
_______
(Books of drug interaction)
* دة كتاب Handbook of drug _drug_interaction
اللي ناس كتير سألتني علية
https://www.mediafire.com/download/l5fyu1a55356952
ودا كتاب Stockley's drug interaction
https://www.mediafire.com/download/btcmq32gu3sd274
كتاب drug interaction with infectious disease
https://www.mediafire.com/download/hh5ewxwnocwfy9u
كتاب Handbook of food and drud interaction
https://drive.google.com/…/0B-4rKjBgNUrBNERpV2dySVI3b…/view…
______
كتاب clinical dermatology
https://www.mediafire.com/download/b4e9abpew5izabi
_______
(OTC Books)
و دي تجميعة OTC منوعة 
http://www.mediafire.com/?9s52m1c5s90mc8u
* دة كتاب #Symptoms_in_the_pharmacy .
رااااائع والممتع
https://www.mediafire.com/download/o2ce6zl20dk3yry
*دة كتاب Community_pharmacy
جميل جدا ورائع
https://www.mediafire.com/download/22ntjurzrc8709f
*كتاب non prescription drug
https://www.mediafire.com/download/s8537s99735aj45
*كتاب Clinical drug data
https://www.mediafire.com/download/adtdhhjurw08fl1
*كتاب OTC during pregnancy
http://www.mediafire.com/?7xttl6c8a3a4kes
*كتاب Handbook of drug and pregnancy
https://drive.google.com/…/0B-4rKjBgNUrBOWhkLTZpMmM3N…/view…
______
دي تقسمه لانواع الانتي_بيوتك بالاستخدم والاسماء التجاريه وكمان حساب الجرعة
https://www.mediafire.com/download/fa5vueug04n94p5
______ باز کردن / نظر دهید

2022-07-03 15:57:58 جامعه القاهره باز کردن / نظر دهید

2022-07-02 04:17:52 سؤال و اجابه
هو اعلان الرسمي هينزل في الجرايد امتي
بعد 15/7
ليه
عشان الوزاره محدده من ١/٧ لحد ١٥/٧ دا وقت للناس اللي مش عايزه التكليف تبلغ انها مش عايزاه
______
طب بعد ما ينزل الاعلان ف الجرايد هيفتح امتي
هيفتح بعد ١٥ يوم
ليه
عشااان ال١٥ يوم دول الغرض منهم ان كل الصيادله يعرفو خبر الاعلان
-----------------
هو المرتبات كام
اولا مرتبات الهيئات الصحيه
(يومين او ٣ ف الاسبوع)
وحدات صحيه (قري) مرتباتها ٣٠٠٠ او اكتر
مستشفيات مركزيه(مدن) ٣٥٠٠
-----------------
مستشفيات متخصصه زي (رمد -قلب -كبد) ٤٠٠٠ بالحوافز و البدلات (بتتعامل مع فئه فوق متوسطه من المجتمع)
مستشفيات الجامعه و دي تبع وزاره التعليم العالي هتبقض في حدود ٤٠٠٠ او اكتر..(ضغط شغل)
--------------------------------
ثانيا التأمين الصحي
شغل ٦ ايام ف الاسبوع
اقل راتب ٤٥٠٠ (ضغط شغل)
عشان تنقل منه عاوزلك وسطه مش اقل من عضو مجلس شعب يجبلك امضا بالنقل من وزير الصحه
-------------------------
ثالثا
التأمين الصحي الشامل
اقل مرتب ٩٠٠٠ جنيه و في وجبات و سكن
و دا في محافظات معينه تتعد ع الصوابع
يا تشتغل ١٥ او ١٦ يوم ١٢ ساعه
يا تشتغل الشهر كله ٨ ساعات
حسب ما تظبط مع الناس اللي هناك
هناك التقييم كفريق عمل يعني ممكن واحد زميل متخازل يأثر عليك
هناك الربع غلطه بخصم
هناك لو بتكح بس ..بخصم
لو مش لابس الid بتاعك بخصم
و الحضور الانصراف ببصمه
#ملحوظه
اي رقم قولته هو تقريبي
لو رحت مكان بعيد زي سينا و حلايب و شلاتين هتزيد ١٥٠٠ او ٢٠٠٠ جنيه علي المرتب بدل اغتراب باز کردن / نظر دهید

2022-07-02 03:50:47 الأمر التالت ان الوحدات الصحية شغلها سهل وسلس مافيش فيه صرف كتير ولا تذاكر كتير ..بعض الوحدات الصحية احيانا مابيكونش فيها شغل خالص لعدم توفر طبيب ، فأنت ممكن تروح من أول اليوم لآخر اليوم معاك مصحف تقرأ فيه أو كتاب تذاكر فيه أو أي عمل مفيد تنشغل بيه لحد ما يجي ميعاد انصرافك وتروح بدون مشاكل..

طيب ايه اللي بيعيب الوحدات الصحية ؟
عيبها الاول نقطة الفلوس..مافيش فلوس أكتر من المرتب المرصود لك ..بل احيانا ممكن يجيلك جزاءات وخصومات وما شابه لاسباب مختلفة ...تاني نقطة وهيا أكبر مشكلة بتخنق الصيدلي وتؤرق

ه في شغل الوحدات الصحية هي التفتيشات ..زى ما قولنا ان من مميزات أمانة المراكز المتخصصة إن التفتيشات فيها قليلة ، هتلاقي العكس في الوحدات الصحية ودا لأن الوحدات الصحية بيفتش عليها طوب الأرض حرفيا ..عد ورايا كدا ..ممكن يجيلك وزارة الصحة من القاهرة لو نزلوا يفتشوا في المحافظة بتاعتك واختاروا وحدات عشوائية يفتشوا عليها ..رقم اتنين بيفتش عليك المديرية الصحية بالمحافظة اللي حضرتك تابع ليها ..طاب مين فيها بالظبط؟ كل المديرية بتفتش عليك..ممكن يجيلك النهارده وكيل الوزارة يفتش عليك ، ممكن تاني يوم تجيلك ادارة الصيدلة ، ممكن تالت يوم يجيلك ادارة الرعاية الاساسية ، ممكن رابع يوم يجيلك ادارة الطب الوقائي ، اللي بعده يجيلك ادارة الطب العلاجي ...كل دول ينزلوا يفتشوا عليك في اوقات مختلفة ، وكل واحد مستقل مع نفسه ، تقوله امبارح كان عندي فلان موجود انت ليه جاي النهارده، يقولك ماليش دعوة بفلان هو بيفتش علي حاجة وانا بفتش علي حاجة تانية ..رقم تلاته من اللي ممكن ينزلو يفتشوا عليك هي الادارة الصحية اللي حضرتك تابع ليها ودي برضو ليها اقسام برضو رعاية اساسية وادارة صيدلة وطب وقائي وعلاجي ومدير الادارة ، دا غير التفتيش المالي والاداري اللي في مديرية الصحة او في الادارة الصحية ودول برضو بيفتشوا عليك ..رقم اربعه بيفتش عليك كمان رئيس الوحدة المحلية اللي حضرتك تابع ليها ، كل مجموعة قري بيرأسها وحدة محلية ورئيس الوحدة دي بينزل يفتش علي حضرتك ..رقم خمسة ممكن ينزل يفتش عليك رئيس مجلس مدينة المركز اللي انت تابع ليه ..يفتش عليك مين تاني؟ ممكن يجيلك تفتيش من مكتب المحافظة اللي حضرتك تابع ليها ..مين تاني؟ يفتش عليك برضو الجهاز المركزي للمحاسبات ..تفتيشات كتير ومتنوعة ..لدرجة ممكن ما يعديش عليك يوم الا لما تلاقي فيه تفتيش عليه ودا يعتبر العيب الاساسي والرئيسي اللي بيؤرق الصيدلي في شغل الوحدات الصحية بخلاف النقطة دي بتلاقي باقي الامور حلوة وشغلها بسيط ومافيش load وفيها مرونة وكمان لو وحدة صحية متطرفة او بعيدة عن المرك باز کردن / نظر دهید

2022-07-02 03:50:46 عليك عهدة فقط مجرد عمل ادارى حلو وظريف ..والمديريات الصحية العمل فيها في الغالب بيكون عمل مريح وعشان كدا البعض بيرشحه ..المرتب فيه يعتبر مافيهوش زيادات ولا بدلات ولا صناديق بصفة عامة غير مبلغ بسيط اسمه بدل اشراف ما بيكونش كبير، والحضور والانصراف فيه بيكون علي حسب المكان والمديرية ... وبصفة عامة الحضور والانصراف في المديريات والادارات الصحية احيانا بيكون فيه نفسنة بين الموظفين بسبب عدد الموظفين الضخم فلو فرضنا مثلا ان الموظف اللي ماسك دفتر الحضور والانصراف بيمضي لدكتور

او صيدلي فالدكاترة التانيين بيقولو اشمعنه تمضي ليه واحنا لأ وتحصل مشاكل فيبدأ الدفتر دا يتبعت للنيابة ويبدأ يبقا الحضور والانصراف ميري 8 بالدقيقة واللي يتأخر ثانية ولا اتنين يتشطب عليه وتوصل بالكتير لـ 5 دقايق ..وأمور وحاجات من دي كتير بتحصل في المديريات الصحية ودي عيوبها، لكن مميزاتها انها عمل سهل وسلس وظريف وعمل اداري في أغلبه ومريح ، بالعكس انت بتبقا مفتش وتنزل تفتيش علي وحدات صحية ..وأحسن مكان عمل في المديريات الصحية هو التفتيش الصيدلي ودا عشان توصل له بيبقا صعب جدا جدا ..وبيكون في الغالب لازم تقدير عالي وكذلك بمسابقات بتنزل بتقدم عليها ، وطبعا كونك تبقا مفتش صيدلي دا منصب كبير يعتبر ومعاك ضبطية قضائية تنزل تفتش علي الصيدليات وكدا ..دا كدا اللي فات لو اشتغلت فيه في مديرية الصحة هيبقا مريح بالنسبالك ، ما عدا الطعوم والأمصال لان دي بيكون فيها قصص ومشاكل كتير عشان فيها عهدة وفيها منتهي الصلاحية ومشاكل من دي..
الشغل في المستشفيات العامة والمركزية عبارة عن شغل صيدلي بيصرف دوا للمواطن أو صيدلي ماسك مخزن دواا جوه المستشفي ، شغل وارد ومنصرف وعهدة وجرد وقصص من دي اللي هو العادي بتاع الصيدلي في اي مكان ودا الشغل التقليدي بتاع الصيدلي عادةً ما بيبقاش فيه مشاكل علي حسب المستشفي وادارتها فيه مستشفي مريحة وفيه مستشفي غير مريحة مع الاخذ في الاعتبار الجو العام لشغل المستشفيات دي بصفة عامة من عدم النظام في المكان وسوء المكان وعدم النضافة فيه والأمور دي كلها ..
طيب أنا في وجهة نظري أفضل مكان تشتغل فيه هو الوحدات الصحية مع احترامي لوجهات النظر اللي بتقول ان الافضل هو شغل المديريات الصحية وأنا كواحد اشتغلت في مديرية صحية وفي الرعاية الأساسية زي ما قلت واشتغلت كذلك في المراكز المتخصصة وجالي تكليف في مستشفي مركزي روحتها يوم واحد وما كملتش بسبب سوء الإدارة وعدم نظافة المكان وعدم النظام اللي فيه ، واشتغلت في وحدة صحية وأنا حاليا في وحدة صحية ..أفضل مكان للعمل الحكومي للصيدلي هو الوحدة الصحية للمميزات اللي هقولها ودي من وجهة نظري الشخصية :
الوحدة الصحية حضرتك بيكون موضعك في الوحدة الصحية إما مدير أو نائب المدير، لو فيه طبيب هيبقا هو المدير وحضرتك نايب المدير ولو مافيش طبيب حضرتك هتكون المدير المباشر في المكان ومعني انك تكون مدير المكان ممكن البعض يقول يعني ايه مدير على 3-4 موظفين بالمكان؟ المقصود مش كدا ، إنما معني انك مدير للمكان إن مافيش حد فوقك ودا معناه انك لو مثلا مش مدير للمكان ومديرك انسان مش كويس هيقرفك ودي أكتر حاجة بتؤرق الموظف الحكومي ان يكون مديره متعب وقارفه في حياته ، بينما لو مديرك محترم وكويس هتقضي حياتك العملية في الحكومة مرتاح ومبسوط بشكل كبير بدون ضغوط أو منغصات لاسيما لو فيه تبادل احترام وود بين المدير للمكان والمرؤوسين اللي شغالين تحته ، لكن لو كان بقا مدير مش كويس دا بيكرهك في حياتك ، أنا عايز اقولك ان فيه ناس بتقدم استقالتها وهما عدد غير قليل ، ودا بسبب المدير بتاعه اللي شغال معاه في المكان ومطلع عينه وبيحاول انه ينقل نفسه لأي مكان تاني ، ولما ما بيعرفش ينقل بيحاول ياخد اجازة فمايعرفش ففي الاخر بيستقيل من الحكومة ...الشاهد يعني ان المدير دا أمر هام جدا لو كان هيتعبك انت مش هتستحمل الشغل في المكان دا ...بينما لو انت في المكان بتاعك انت المدير خلاص انت مافيش حد فوقك يكدرك أو ينفسن عليه ويديك أوامر او نواهي فوق طاقتك الاستيعابية ..
فأنت هنا في الوحدة الصحية في أسوأ الأحوال بيكون مسماك الوظيفي هو نايب المدير وفي الغالب العلاقة بين الطبيب والصيدلي في الواحدات الصحية بيسودها الود والاحترام إلا فيما ندر، خاصة أنت بتقدره وهو بيقدرك وأنت بتشيله وهو بيشيلك ، فأنتو الاتنين بتكونو مرتاحين مع بعض والدنيا بتبقا كويسة خالص..
الأمر التاني بالنسبة للحضور والانصراف في الوحدات الصحية في غالبها الأعم بيكون كويس وفيه مرونة ، إلا لو كان الكاتب بتاع الوحدة الصحية مش كويس ، فغالبا في شغل الوحدات الصحية الموضوع بيبقا أهون ولو عندك ظرف ما وجيت متأخرمثلا 8:15 أو 8:30 أو 9 بتمضي عادي والدنيا بتعدي تمام ، مافيش بقا يتحسب عليك تأخيرات أو يتشطب عليك والكلام دا ، إلا فيما ندر زي ما قولت وإن مايكونش الكاتب بتاع الوحدة كاتب مقرف أو متعب أو شخصيته مش كويسة .. باز کردن / نظر دهید

2022-07-02 03:50:46 فيها إنما بيجيلك تفتيش من الامانة اللي انت تابع ليها في القاهرة ، يعنى مثلا انت تبع مستشفيات الصحة النفسية، يجيلك تفتيش من أمانة الصحة النفسية بالقاهرة وينزلولك من القاهرة يفتشوا عليك..تبع مستشفيات الأورام يجيلك تفتيش من القاهرة..وهكذا...انما مديريات الصحة اللي انت فيها في محافظتك مالهمش دعوة بيك، ودا بيقلل معدل التفتيشات عليك وقد يكون مرة او مرتين تلاته سنويا ..ودا أمر بيكون مريح بالنسبالك..
طيب الاماكن دي قولنا مميزاتها..فيها عيوب؟ اه فيها عيوب طبعا ..
اول العيوب

ان حضرتك طالما استلمت في مركز متخصص وارتبطت بيه فغالبا هتفضل مرتبط بيه باقي حياتك مش هتعرف تسيبه ..فيه مشكلة حاليا في النقل والانتداب في الحكومة وهي انك عشان تنقل وتنتدب لازم يكون دا جوه المكان او الجهة اللي انت ارتبطت بيها ..يعني انت مثلا ارتبطت بوزارة التربية والتعليم ما ينفعش تتنقل او يتم انتدابك لوزارة الصحة او الرياضة مثلا ..كذلك المراكز المتخصصة دي ما تعرف تنقل منها او تعمل انتداب مثلا لمديرية الصحة ودا في منتهي الصعوبة بل يكاد يقترب من المستحيل ويحتاج وسايط أقل واسطة فيها هي عضو مجلس شعب يروح يجيب لك امضاء من الوزير عشان تعرف تنقل من أمانة مراكز متخصصة الي مديرية الصحة ..فالنقل من الاماكن دي لأي سبب كان في منتهي الصعوبة...يعني لو انت شغال مثلا في مركز قلب والمكان تاعبك ومضغوط جدا فيه وعايز تنتقل..عشان ينقلوك ودا بشق الانفس برضو، هينقلوك فين؟ لمركز قلب في مكان تاني وممكن يكون المكان التاني دا في محافظة تانية خاصة لو مركز القلب اللي انت شغال فيه مافيش غيره في محافظتك مثلا..وليكن انت في مستشفي القلب في المنوفية ووافقوا علي نقلك يقولك مثلا فيه مستشفي القلب في القاهرة او اسيوط او اسكندرية اختر لك واحد منهم ننقلك عليه..لكن انك عايز تنقل لمستشفي تبع وزارة الصحة او ادارة صحية او وحدة صحية الكلام دا من ضرب المستحيلات..
من العيوب في المراكز المتخصصة كذلك للصيادلة ان بعض الاماكن دي العهدة فيها بتكون ضخمة زي مثلا مستشفيات الأورام بتكون العهدة عليك غالية تقترب من ملايين وبتكون عهدة تضامنية أنت و 4 صيادلة معاك وليكن ماسكين صيدلية صرف معينة فيها كمية أدوية وليكن 2 مليون واماكن تانية بتبقا اكتر والعهدة دي بتاعتك ، لو اتسرق منها حاجة او ضاع منها او تلف حاجة او حصل غلط في الجرد او غلط في الصرف وجه تفتيش عليك بيحملك كل دا وممكن تتحول بسببه لنيابة ادارية يتحقق معاك وممكن الأشد منه تتحول لنيابة اموال عامة وفي الاخر هتدفع تمن العجز وتاخد جزا ، وحاجات من النوع دا ..والحاجات دي بتحصل كتير ، وأسوأ الحاجات دي هي السرقات..أحيانا بيكون موظفين شغالين معاك بيسرقوا بعض هذه الأدوية وبناءً علي كدا حضرتك اللي بتتحمل العجز لانه عهدتك ، وأنا أعرف أماكن حصل فيها نقوصات في العهدة من كذا سنة بمبالغ تقترب من النص مليون وتحملها ودفع تمنها الصيادلة حاليا تمن الادوية دي يقترب من 3 مليون ، فللأسف الصيدلي بيمضي علي العهدة ولو نقصت فهو بيتحملها ..
كذلك من عيوب المراكز المتخصصة ان اغلبها ان لم يكن كلها تحول للحضور والانصراف بالبصمة سواء بصمة صباع او بصمة عين او وجه الخ فالنهارده مثلا ميعاد حضورك الساعة 8 ومن 8:15 تبدأ تتحسب التأخيرات ولو اتأخرت خمس دقايق كمان بيتشطب عليك اليوم الخ..
فالحضور والانصراف في الاماكن دي بيكون في غاية الصعوبة ..انا مش بكلمك في نقطة انت هتروح ولا مش هتروح ، انت كدا كدا هتروح ، أنا بكلم حضرتك في نقطة انك لو اتأخرت هيحصل معاك ايه ..إما يتحسب لك تأخيرات أو يتشطب عليك وقصص من النوع دا ..
دي كدا المراكز المتخصصة من حيث عيوبها ومميزاتها بشكل إجمالي وفيه تفاصيل تانية خاصة بكل مكان لم تذكر لان الكلام يطول فيها وأكيد عند البعض منكم تفاصيل عنها زي ضغط الشغل الكبير في الاماكن دي مثلا..
ننتقل للقسم التاني وهو العمل في مديريات الشئون الصحية
زي ما قولنا فيه مديريات صحية ثم ادارات صحية ثم وحدات صحية ، وفيه مستشفيات عامة ومركزية
المديريات الصحية والادارات الصحية في الغالب بيكون العمل فيها في صورة عمل ادارى إلا لو مسكت حاجة اسمها العمل في الطعوم والأمصال ودي بتكون عهدة ، أو مسكت مثلا مخزن أدوية ودي عهدة برضو ، وشغلهم زي شغل المستشفيات صرف ووارد ومنصرف وحاجات زي كدا ، إنما لو اشتغلت في اماكن تانية جوه المديريات الصحية زي مثلا الطب الوقائي والطب العلاجي والرعاية الأساسية وما شابهها داخل المديريات الصحية = دي بتكون شغلها أعمال إدارية ، أغلبها بتكون أعمال تفتيش..بيدوك مثلا check list كدا ويقولك انزل فتش..مثلا لو مسكنا ادارة زي ادارة الرعاية الاساسية ودا مكان انا اشتغلت فيه في مديرية الصحية واشتغلت عمل ادارى وظيفته ان حضرتك بتنزل تفتش علي الوحدات الصحية بـ check list وتعلم ايه موجود وايه مش موجود والدنيا ماشيه صح ولا غلط وما الي ذلك ، وفي الاخر بتكتب تقرير وترفعه ..فأنت مش عليك مسئوليات ولا باز کردن / نظر دهید

2022-07-02 03:50:46 دي مجموعة مستشفيات اختاروها (مستشفي من كل محافظة يعني ٢٩ مستشفي هكتبهم تحت ) كانت مستشفيات عادية جدا بس اتغير مسماها لمستشفيات نموذجية يعني زودو الامكانيات والأجهزة والاستاف اللي فيها علشان تقدم أعلى مستويات الخدمة الطبية للمواطنين، من غير أى زيادة فى الأسعار الحالية
ودي اللي هيكتبها يبقي عارف ان النقل منها صعب جدا جدا شغلها مش تقيل عن باقي المستشفيات لكن هو موضوع النقل ده لانها كانت بتوجيه من رئيس الجمهورية مباشرة فمفيهاش تهريج يعني .

ثانيا

شريف فايد تكليف:
(منقول)دكتور اتنقل في اكتر من مكان عمل بأماكن شغل التكليف المختلفة بينقل خبرته كالتالي:
الحدوته بتنقسم الي 3 اقسام رئيسية
(بعيدا عن شغل الهيئات الجديدة)
القسم الاول
التأمين الصحي
القسم التاني:
المراكز المتخصصة ودي مجموعة من المراكز المتخصصة والمستشفيات بتكون متخصصة فى علاج امور معينة زي مثلا مستشفيات او مراكز القلب او مراكز الجهاز الهضمي والكبد، المستشفيات التعليمية، ومستشفيات الأورام وبنوك الدم ومجموعة أخري من المستشفيات والمراكز المتخصصة زي مستشفيات النفسية والعصبية، وهكذا…ودي كلها بتتبع ما يسمى بأمانة المراكز المتخصصة
القسم التالت:
المديريات الصحية وما يتبعها من مستشفيات عامة أو مركزية كمستشفي بنها العام او المركزي مثلا وما يتبع المديريات الصحية من إدارات المراكز ثم ما يتبع هذه الإدارات من وحدات صحية بالقري
في بداية تكليفي اتعينت فى مستشفي تعليمي ودي تتبع أمانة المراكز المتخصصة والمكان اللي كنت فيه كان حوالينا مركز القلب وجنبنا مركز الاورام ومركز الجهاز الهضمي وبنك الدم فى المحافظة اللي احنا فيها، فكان حوالينا كل الاماكن بحيث ان خبرتي دي بناء علي المكان اللى كنت فيه والاماكن المحيطة
امانة المراكز المتخصصة بتتميز بأربع أمور رئيسية:
1- الوجاهة الاجتماعية ..دايما اللي شغال في اماكن زي مراكز القلب والاورام والكبد الخ بيكون له قدر معين من الوجاهة الاجتماعية أعلي شوية من المستشفيات العامة والمركزية اللي الجمهور والناس بتنظر للي شغال فيها بصورة أدني شوية مما لو كنت في المراكز المتخصصة
2- النقطة التانية ان الاماكن دي بيكون فيها قدر شوية زيادة في المرتبات علي صورة حاجات اسمها (حوافز وبدلات وصندوق) ..طيب الفلوس دي بتيجى منين؟ الفلوس الزيادة دي- في بعض المراكز المتخصصة وليس كلها – بتيجي من انه المراكز دي بيكون فيها بعض العلاجات الغير مجانية او مدفوعة الأجر وبالتالي الفلوس دي بتتحط فى حاجة اسمها الصندوق وبتتوزع علي الموظفين مع مصادر تانية من التمويل
3- النقطة التالتة ان الاماكن دي فى الغالب بتكون اماكن نضيفة علي عكس المستشفيات المركزية والعامة اللي جزء كبير منها للاسف مافيهوش نظام او آدمية في التعامل وكل هذه الاشياء اللي كلنا عارفينها مش للمريض بس انما للدكتور والصيدلي اللي شغال بداخلها اللي بيكون قاعد علي كرسي مكسر ومكتب مكسر ومكان مش نضيف ولمض مش منورة وقصص كدا اللي داخل المستشفيات يعرفها لكن المراكز المتخصصة اغلبها بتكون عكس كدا في بعضها اماكن مكيفة ومكاتب وكراسي حديثة ولو تكييف باظ او كرسي اتكسر بيغيروه بشكل محترم ودا بحكيه عن ما رأيته في عملي فى المراكز المتخصصة وممكن يكون مش كلها كدا لكن دي تجربتي ودا المشهور عنها واللي زمايلنا نقلوه لينا من خلال شغلهم فيها ، فهيا مراكز فيها وجاهة ونضيفة وقدر زائد في بند المرتبات
4- النقطة الرابعة وهي التفتيشات .. الموظف الحكومي خاصةً الصيدلي يعرف قد ايه كلمة تفتيش بتكهربه، لانه بيبقا في رقبته عهدة ومعروف ان العهدة دي من الحاجات اللي صعب ظبطها بالذات في الادوية ..لما تبقا صيدلي وتصرفلك في اليوم مثلا 20-30 لحد 50 و 100 تذكرة وفي اماكن 300-400 تذكرة يوميا ، هتعرف قد ايه ان انت تظبط العهدة دي حاجة بتبقا أمنية بالنسبالك ، صعبة المنال وتحقيقها بيكون غاية فى الصعوبة وممكن ما تعرفش تظبطها الا في اخر يوم من الشهر واحيانا في اخر ساعة من الشهر!، فبيبقا ظبط العهدة بالنسبالك مشكلة ..عشان كدا التفتيش بالنسبالك بيبقا زي البعبع أول ما تسمع ان فيه تفتيش ركبك بتسيب ..ليه؟ لان انت لو في مكان كمية الادوية اللي فيه مثلا كبيرة فبناءً علي كدا العهدة بتاعتك هتكون كبيرة وانا اشتغلت في مكان العهدة بتاعتي كانت تقترب من المليون ماسك علاج علي نفقة الدولة ، فلو جالك تفتيش مثلا ولقا 3-4 علب دواا ناقصين لو هو تفتيش حب يرخم عليك شوية هيدفعك تمنهم ، ممكن علب الدوا دول يقع عليك تمنهم بـ 5-6 آلاف جنيه لو تمنهم غالي، اللي هو بالنسبالك مرتب شهرين مثلا..فالشاهد في الموضوع ان التفتيش دا بيبقا تقيل علي أي موظف حكومي خصوصا الصيدلي...في المراكز والامانات المتخصصة بقا يعتبر هي اقل الاماكن اللي بينزل عليها تفتيش..ايه السبب؟ ان المراكز دي زي ما قلت لحضرتك هي فرع مستقل من وزارة الصحة لا تتبع مديريات الصحة اللي في المحافظات، بمعني انه ما بيجيش ليك تفتيش من المحافظة اللي انت باز کردن / نظر دهید

2022-07-02 03:50:46 مستشفيات تعليمية ١٠
مستشفي أحمد ماهر التعليمي – مستشفي المطرية التعليمي – مستشفي الجلاء التعليمي – مستشفي الساحل التعليمي – مستشفي سوهاج التعليمي – مستشفي أسوان التعليمي – مستشفي شبين الكوم التعليمي – مستشفي بنها التعليمي – مستشفي دمنهور التعليمي
معاهد تعليمية ٩ :
معهد جراحة القلب والصدر – معهد السكر – معهد التغذية – معهد شلل الأطفال – معهد بحوث الحشرات – معهد السمع والكلام – معهد الرمد التذكاري – معهد الأبحاث لطب المناطق الحارة – المعهد القومي للكلي والمسالك البولية
معهد الاورام
المميــــــــزات-1 دي أحسن جهة بعد الجامعة ممكن تلاقي فيها تعليم كويس وبتعمل فيها علاقات مع ناس كتير لان بيبقي فيه سيستم ونظام
العيــــــــــوب
1- فيه مستشفيات فيها مش كويسة إلي حد ما بس اغلبها كويس وأهم حاجة انك تدخل الهيئة بعد كده الانتداب من مستشفي للتانية سهل مادام دخلت الهيئة التعليمية
2– المستشفيات والمعاهد التعيلمية بتقبل من مجموع عالي يعني فيهنيابات فيها بتاخد من مجموع زي نيابات الجامعة
-3 ماديا زيها زي وزارة الصحة لأنك بتاخد مرتبك من وزارة الصحة لانك انتداب
رابعا امانة المراكز المتخصصة ٤٢ مستشفي مقسمة كالاتي
أ‌-متعددة التخصصات وتشمل:١٥
معهد ناصر – الهرم – الهلال – العجوزة – السلام – دار الشفاء – الشيخ
زايد – شرق المدينة – القباري – المواساة – المنصورة الدولي – الأقصر
الدولي – أبوسمبل الدولي – شرم الشيخ الدولي
ب‌-أحادية التخصصات وتشمل :١٠
المركز القومي للرمد بروض الفرج – مركز الرمد الأزهر – مركز الصدر والحساسية بإمبابة – مركز تأهيل وعلاج المسنين بحلوان – المركز القومي
لخدمات نقل الدم– مركز الإسعاف الطائر – مستشفي الأطفال التخصصي ببنها – مركز القلب بالمحلة – مركز القلب والكبد بكفر الشيخ – مركز كفر الدوار
ج – جراحات اليوم الواحد وتشمل :٨
بمدينة نصر – البساتين – المرج – روض الفرج – الزاوية الحمراء – التبين – راس البر – وادي النطرون – سمالوط – قنا – مرسي علم – كفر الزيات – اشمون
د- مراكز الأورام وتشمل :٩
أورام السلام – أورام معهد ناصر – أورام طنطا – أورام البحيرة – أورام دمياط – أورام المنيا – أورام سوهاج – أورام أسوان
المميــــــــــزات
دي تعتبر الجزء الخاص في وزراة الصحة ...يعني العلاج فيه بيبقي بفلوس و فلوس مش قليلة ...فبتلاقي الوزارة صارفة عليها كويس و مستشفيات نضيفة و مش بتتعامل مع ناس بتبقي الي حد ما ارقي من المستشفيات التعليمي و الضرب و كدة اقل هناك ..يعني هتنضرب ممكن بس ريت الضرب اقل شوية
2- ممكن من خلالها تتعرف علي شخصيات ليهاوضعها وممكن من خلالها تشتغل برايفت كويس مع ناس برة
3- فيه مستشفيات فيها التردد بتاعها قليل وده مش بيديك فرصة انك تشتغل كتير
العيـــــــــــــوب
- عاوزة واسطة في الغالب علشان تروح مكان نضيف
خامسا التامين الصحي :٣٧ مستشفي: ومنها
مستشفي مدينة نصر – مستشفي صيدناوي – مستشفي المقطم – مستشفي
6 أكتوبر – مستشفي الفيوم – مستشفي النيل – مستشفي جمال عبدالناصر
مستشفي كرموز – مستشفي الطلبة سبورتنج – مستشفي الهلال سوهاج
المميـــــــــزات
-1
والفترة اللي جاية هايكون للتأمين الصحي مستقبل وممكن ماديا حتي كتير خصوصا بعد ما يفصلوا الخدمة عن التمويل وذلك بإنشاء صندوق خاص يتولي إدارة التأمين الصحي لأنه معايير الجودة بتتطبق دلوقتي في مستشفيات كتير من مستشفيات التأمين يعني مستقبلا التأمين هايكون له وضع مميز
-3 بيقبل من مجموع متوسط يعني مش صعب انك تلحقها في التنسيق لان الحد الأدنى بتاعها مش كبير
طبعا مشكلتها ان النقل منها صعب وشغلها تقيل والناس اللي داخلينها عاوزين ياخدو علاج بالتامين ويعني عندهم مشاكل دايما مع الصيادلة وكدة
سادسا
الوقـــــــــــائي
بمعني انك تاخد تكليفك في الهيئات الآتية
1 – الإدارة المركزية للشئون الوقائية ودي تحتوي علي الآتي :
** مكافحة الأمراض المعدية :
المميزات
· إمكانية التسجيل المبكر للدراسات العليا.
· الاشتراك فى الدورات التدريبية المتخصصة.
· الحصول على بدلات التفتيش الميدانى.
العيوب
انك هاتشتغل شغل إداري إلي حد ما في هذه الهيئات وغالبا مش كل التخصصات هاتقدر تلتحق بيها
** الحجر الصحى :
المميزات·
· الاشتراك فى الدورات التدريبية المتخصصة.
· الحصول على 150%من أساسي المرتب كمكافأة شهرية من حصيلة التوكيلات الملاحية
العيوب
انك برده هاتشتغل شغل إداري وكمان ممكن تتحدف في أي مطار او أي علي مستوي الجمهورية
الإدارة المركزية للمعامل مميزاتها ان لو حابب تعمل دراسات عليا بيبقي اسهل هناك شوية :
المشروع القومى للمستشفيات النموذجية باز کردن / نظر دهید

2022-07-02 03:50:45 انا هكتب تقسيمة للقطاع الصحي في مصر بناءا علي الاحتياجات وبعدها هحاول في البوست ده او بوست بعده اكتب مميزات كل قطاع وايه الفرق بين الصحة والجامعة والوحدات والإدارات وايه الفرق بين مستشفيات الأمانة والمؤسسة العلاجية والجامعة والتامين وكدة
أولا الاحتياجات متقسمة حاجتين حاجات تبع الجامعة وحاجات تبع وزارة الصحة
أولا الحاجات اللي تبع الجامعة اللي هي تحت وزارة التعليم العالي والبحث العلمي بتشمل المستشفيات الجامعية + (معاهد الأورام ،مستشفي الطلبة وبعض المعاهد زي الكبد و المسالك ،معهد الكبد المنوفية بس هو اللي تبع الجامعة ، معهد الكبد في القاهرة تبعد وزارة الصحة )
طيب ايه يميز المستشفيات دي ان مفيهاش هزار وشغلها صعب وتقيل و التزام ومفيش تقسيم وفيه نبطشيات و عهد وشغل تقيل يعني بيبقي صعب شوية تتثبت في شغل تاني معاه
والحاجات اللي تبع الصحة ( وحدات صحية و مستشفيات )
ايه الفرق بينهم : ان الوحدات الصحية دي قطاع وقائي يعني وظيفتها الأساسية التطعيمات وحملات للوقاية من الامراض زي الضغط والسكر والتوعية زي حملات التوعية ضد سرطان الثدي وكدة
الفرق الأساسي في الشغل هو ان شغل المستشفيات اصعب شوية والحضور اكتر والتزام وتفتيشات اكتر ،شغل الوحدات احسن وبيبقي حسب الدكتور اللي ماسك الوحدة وسهل تقسمو يعني شغل اخف عموما
1 ) الوحدات الصحية :
طيب الوحدات دي بتتقسم ازاي : خلينا ناخدها من فوق كدة
فيه في مصر ٢٧ محافظة كل محافظة فيها مدن وكل مدينة بتتقسم زي مثلا الغربية بتتمثل بمديرية الغربية والغربية فيها مدن زي طنطا والمحلة فالمديرية بتتقسم لادارات إدارة طنطا وإدارة المحلة وهكذا ، وطنطا متقسمة طنطا اول وطنطا ثان فهتلاقي وحدة طنطا اول وطنطا ثان وهكذا
ــــــــــــ> هحط في اول كومنت لينك فيه معلومات عن معظم الوحدات في المحافظات ..ممكن يبقي فيه حاجات قديمة شوية وممكن يبقي فيه حاجات خاص بشغل البشري كمان
٢)المستشفيات:
اولا المستشفيات بتتقسم بطريقتين :
التقسيم حسب التخصص (احادية التخصص و متعددة التخصصات)
و نفس المستشفيات بتتقسم اداريا ل٦ هيئات : القطاع العلاجي عددها ٤٠٩ مستشفي
المؤسسات العلاجية ١١ مستشفي الهيئة القومية التعليمية ٢٠
امانة المراكز المتخصصة٤٢
التامين الصحي٣٧
النفسية٢٠
اولا التقسيم حسب التخصص
مستشفيات متعددة التخصصات:
مستشفيات عام ٦٠ مستشفي
مستشفيات مركزي ٨٢
التامين الصحي ٣٧
مستشفيات تخصصي٢
الامانة١٥
مستشفيات تعليمي٩
مؤسسات علاجية١٠
جراحات اليوم الواحد٨
ثانيا مستشفيات احادية التخصص :
معاهد تعليمية٩
اطفال ٦
نساء وتوليد١٢
مخ واعصاب١
نفسية١٧
جلدية٤
حميات٤
رمد
صدر
كلي
وبيندرج تحت مستشفيات احادية التخصص حاجة اسمها مراكز طبية تخصصية ودي تحتها
اورام ١٠
مسنين ٤
خدمات نقل دم ١
طب طبيعي ١
قلب٣
طب و جراحة العيون ٢
ابحاث كبد١
مركز غسيل كلي ١
علاج ادمان ٣
تاني حاجة التقسيم الإداري
يعني ايه تقسم اداري يعني زي المديرية كدة بالنسبة للتكليف تقريبا ..لما تيجي تستلم بتروح تستلم من الوزارة و بعدين تروح الهيئة دي تستلم منها و بعدين تروح تاخد في المستشفي علطول بقي �
مثلا عاوز تحول من مستشفي لمستشفي لو الاتنين تبع هيئة واحدة زي احمد ماهر والساحل مثلا تبع الهيئة التعليمية بتجيب موافقة المستشفيتين والهيئة بتوافقلك علطول مش لازم ترجع لوزارة الصحة
لو عاوز تقدم شكوي ..اجازة اي حاجة انت بتروح للهيئة دي
اولا القطاع العلاجي الي هو مديرية الصحة
المميــــــــــزات
القبول بيكون من مجموع قليل مش زي التعليمي ولا أي مكان تاني
يعني أصحاب المجاميع العادية ممكن اسهل يتوزعو هناك علي مستوي باقي هيئات وزارة الصحة وبيقبل أعداد كبيرة
فيه مديريات فيها مستشفيات كويسة مستشفي أم المصريين
العيـــــــــــوب
ماديا مش حلوة أوي يعني فيه جهات بتدي فلوس أكتر منها زي الامانة بتاخد فيها حوافز زيادة شوية
3- ممكن تتوزع علي مستشفي بعيدة عن محل إقامتك لأنه التوزيع بيكون علي من خلال تنسيق علي مستوي الجمهورية
ثانيا المؤسسات العلاجية عددها ١١ مستشفي
٦ في القاهرة :
مبرة المعادي
هليوبيليس دي اشهرهم
مبرة مصر القديمة
القبطي
الجمهورية
الاصلاح الاسلامي
٥ في اسكندرية :
القبطي
احمد ماهر
مبرة الاسكندرية
دار الولادة
القليوبية : مستشفي قليوب الجديدة
المميــــــــــزات
ماديا كويسة لانك بتاخد فيها بدلات كتير زي بدل طبيعة العمل و بدل العدوي و نسبة من قيمة حصيلة رسم الخدمة شهريا و الحوافز المقررة مقابل النوبتجيات
العيـــــــــــــــوب
1- -فيه مستشفيات فيها مش كويسة عاوزة واسطة علشان تقدر تلتحق بمستشفي نضيفة
ثالثا الهيئة القومية التعليمية : ٢٠ مستشفي باز کردن / نظر دهید

2022-07-02 03:48:54 دفعه 2020 البوست دا طوويل اووي بس فيه كل المعلومات اللي عاوز تعرفها عن اماكن التكليف و مفصصها حته حته و مميزات و عيوب و حضور و مسؤليات و مش سايب حاجه الا و قايلها
اقرأه كذا مره عشان تثبت في دماغك و تعرف تحط رغبات التكليف باز کردن / نظر دهید