قصائد تراث وحديث

2021-07-21 20:06:26 يا ابا عبدالله ... يا ابا عبدالله
حُــــــــســـين

-------///-------

حسين خليني اعله بابك غير بابك ما ادگ
انه بس وياک احسن ينعرف معنى العشگ
كون مو لجلک عليمن گلي گلبي يحترگ
اه يا دگات گلبي حسين اسمعه من يدگ

يا ابا عبدالله ... يا ابا عبدالله
حُــــــــســـين

من ادگن باب غيرك واعتنيله بحاجتي
انه اعرف ما يردني لون يسمع قصتي
ماابيعن ماي وجهي ولا اصبن دمعتي
اله يحسين اعله بابک كون اطلع حرگتي

يا ابا عبدالله ... يا ابا عبدالله
حُــــــــســـين

حسين كلي ذنوب اجيت ابمجلسک خليني اطب
كون ما تلزمني ايدک يعني اضيعن با الدرب
حسين دليني اعله بيتك وين مجلس منصب
ارد اطهر گلبي يمك بيدگ اطهر الگلب

يا ابا عبدالله ... يا ابا عبدالله
حُــــــــســـين

يا حبيب الماكو مثلک ساعة الوحشة ونس
من اجيبن طاري اسمك والله ترتاح النفس
يلچم كالساع گلبي بكربلاء لمن يحس
انته عرش الله مچانک ليش نايم بالشمس

يا ابا عبدالله ... يا ابا عبدالله
حُــــــــســـين

حسين بالفطره عرفته لا دراسه ولا علم
وانختم اسمه اعله گلبي وگلي شيزيح الختم
حسين منطيني كرامه وجاه منطيني واسم
يقدروني بالمجالس من اطبن وانخدم

يا ابا عبدالله ... يا ابا عبدالله
حُــــــــســـين

------///------

الرادود : مرتضى حرب
الشاعر علاء شهيد الحچامي



باز کردن / نظر دهید

2021-07-21 20:06:02 يليله...يرمله...تعالن نقعد بخيمه الوحدنه
نقرر...نفكر...تره ضيف الزلم هالليله عدنه
نتفق من تحترق خيمنه...هالعبي بيهن شرف زلمنه
يليله...يليله

تعالن اقعدن نسولف وحده وحده ابهالمسيه...يرمله دصيحي رباب و خل تجي سكنه ورقيه
نخلي احتمالات لكلشي و خل نفكر بيه سويه...خواتي بناتي الأرض هذي اسمها الغاضريه
حجت لي عليها جناب الزهره من طفو نجمها...تقلي ييمه دخيلج لا تذكريني بإسمها
جانت اتسولف لي عن ألمنه...هالعبي بيهن شرف زلمنه
يليله...يليله

يرمله يليله احسبن جم قمر باجر نفقده...و الأكبر ويه جاسم تره باجر نزفهم زفه وحده
حقيقه أكيده أبد سيف العطش ميخلي ورده...لكل أم و ابنها تشبكه و ينطبع خدها اعله خده
لهم حق علينه نوج اشموعهم و انحني ايديهم...و الجروح هلاهل نطش ادموعنه املبس عليهم
يا دهر ليش انذبح حلمنه...هالعبي بيهن شرف زلمنه
يليله...يليله

ربابه شقلج كلام المختصر بس باجر اهواي...رضيعج وسافه يذبحه حرمله و يذبحج بهاي
أريدج تقبلين أريد أنعه اعله طفلج و انعي وياي...يمدللول دلِلول و عدوك مانع الماي
و الحسين يرد بيه يناديني يزينب بأضعف الصوت...أبعدي تره أمه إذا شافت طفلها اتشبكه و اتموت
هالطفل بس هالمسيه يمنه...هالعبي بيهن شرف زلمنه
يليله...يليله

رقية يعمه بصعوبه اشلون أخبرج و الله حيره...العزيزة الحنينة زغيره انتي و مصيبتنه جبيره
يشمعه يدمعه عباتج تشبه اسنينج قصيره...كأني أشوفج تموتين بخرابتهم أسيره
أخبرج دسمعي يطيرة جنه يملح المحاجي...أنصحج و أحذرج من أذانج هسه شيليها التراجي
تنسلب والله وتزيدي همنه...هالعبي بيهن شرف زلمنه
يليله...يليله

يسكنه الحبيبه هله يمدلـله و مصابج ايطول...يعمه اشتقولين المهر خالي يجي و من يصهل ايقول
الهضيمه الظليمه يسكنه عفت أبوج اتسحقه الخيول...اركضي و اسرعي تره راس الأبو عن جسمه مفصول
أوضح تريدين شفت راسه اعله رمح العالي مرفوع...مصيبه رزية و أخبرج خنصره من جفه مقطوع
ناده يا سكنه الخدر يهمنه...هالعبي بيهن شرف زلمنه
يليله...يليله

من اتطيح خيامي تظل ترمي عليه اسهام العيون...خيالي مثل جان بلا عباس أجيهم ما يصدقون
أنا أدري يباجر مثل طيحت علمنه اتطيح المتون...يسلبون يضربون المهم بالزهره أمي ما يشتمون
أعاتب و أنادي أويلي وين أخويه الدق لي صدره...كأنه و لا شاف و أنا اسياط الشمر ظهري تكسره
يا ضوه غير القمر يلمنه...هالعبي بيهن شرف زلمنه
يليله...يليله

حراير وحدنه فريسه انصير و اعيون الشمر ناب...صعوبه عليه و لا عمري مشيت ابين الأجناب
وصيتي إذا أطيح عليّ طيحن يعمه و صيرن احجاب...بالعيون دمعتين أكو دمعة تعالي ودمعة اعتاب
أتاني يجي الليل و أروحن للكفيل و جدمي عافي...أبجيه و أحاجيه أطق وجهي لحد ميقلي كافي
خل أطمنك يالشلت علمنه...هالعبي بيهن شرف زلمنه
يليله...يليله

يميمون أقله أخويه المنذبح لازم أحضره...و أجي له و أجر سيف و أطبر راسي مثله اثنعش طبره
و أنادي يهالخيل اسحقن صدري بس عوفن لي صدره...و أخسفك يصدري أريد اشكم ضلع يمه أكسره
يسكنه الحوافر يظل بيها جلد من صدر الحسين...تطشر و ألم بيه أدور خنصره و امطيعه جفين
ما أقولن بعدك انهزمنه...هالعبي بيهن شرف زلمنه
يليله...يليله باز کردن / نظر دهید

2021-07-21 20:05:55 يصهل ميمون. يصهل ميمون
بطيحتك يل ولي. يصهل ميمون

مخطوف الون. مخطوف الون
يصهل من كبل. مخطوف الون
----------------*-------*--------------*-----------*--------
عفت الجثث فوك الوطيه ومحد الهن
راحن سبايه الخدر. بطيحه علمهن
عكب الكمر طشت حرم ياهو ليلمهن
والمشكله رماد وجمر صارت خيمهن

كون تردون. كون تردون
بضعون الحرم. كون تردون
------------------*----------*------------*----------*-----
حمل ضعنه ضيوف اجينه اعلى المنيه
شوف الضيافه شلون اشد وكبر رزيه
فوك المصايب والضمه الدارن عليه
كامت تلكتنه بسيوف الغاضريه

والملكه شلون. والملكه شلون
بسيوف الحقد. والملكه شلون
-----------*------------*--------------*------------*------
شفت العاجايب بطفوف الي خذلني
طيحت جفيلي اعلى نهر كلش هضمني
غير العده. ولا شوف ابد محد. رحمني
لاحوله لا قوه الحسين. وضهره محني

راح يعيدون. راح يعيدون
عدوان الكفل. راح يعيدون
-------------*----------*---------------*------------*---
نسألكم الدعاء
الشاعر سجاد الركابي
__________________ باز کردن / نظر دهید

2021-07-21 20:03:31 https://t.me/rnSE2RglWykx باز کردن / نظر دهید