2020-07-20 11:09:34
رسالة تحفيزية لطيفة من البوت
شكرا جزيلا لمرسل الرسالة
كل شيء تتعلمه اليوم هو بمثابة ركيزة
تجعلها لحياتك، أنت بهيچ عمر في مرحلة بناء وتشكيل شخصيتك إلي راح تبقى في تشكيل مستمر إلى أن توصل للمرحلة إلي راح تمثل كيانك وكنت مخططلها.
كل موقف وتجربة وألم وخبرة تمر بيها اليوم، كل موقع مسؤولية أنت بي بهذه اللحظة راح يكون جزء منك بدون لا تحس مستقبلاً وشاهد على تجاربك بالحياة، الناس إلي تبني نفسها على القراءة والكتابة أو الناس إلي تبني نفسها على التجارب لازم أول شي يحفروا بداخلهم هو " نية التعلم " لإنك بدون نية راح تنسى ما تتعلم، كون جُل اهتمامك متمحور حول الحياة المنطيها جدية بينما المفروض يكون اهتمامك على ما تريد تغيره بداخلك أو إلي تريد تكتسبه.
هاي نصيحة لكل شاب وشابة يريد يكون الشخص إلي يريده : تأكد أن سر التغيير والنجاح هو الثبات على استمرار التعلم، فكل ما تتعلمه اليوم راح يشكلك باچر، لا تستعجل النتائج لان رؤيتك للمستقبل مو للحاضر، ولا تقارن نفسك بأحد، لان غيرك بنى نفسه بطريقته الخاصة، وطريقتك الخاصة إلي دتطورها كل يوم هي إلي راح تصنع شخص مميز ومحترف مستقبلاً، هل سمعت بحياتك مقلد تفوق على الأصل ؟!
من يعرف نفسه منو ويعرف بواطن القوة بداخله راح يتميز، لا تظن إنك عادي بسبب تأثير المجتمع الخافي بريقك حتى عن نفسك، وتذكر أن قراءة الكتب والإطلاع على المهارة التريد تتعلمها مثل اكل حبة تمر كل يوم، ما راح يبين تأثيرها، لكنها صارت جزء من دمك ولحمك، وبتكرارها راح تكبر وبداخلك هذه الفائدة العظيمة.
ماكو شخص يحجمك، سوى إعتقادك عن نفسك، وبس .
ساجد العكيلي
2.5K viewsأحمد حربي شيااع, 08:09