س/ ينفع في العيد اتجمع مع ولاد خالتي وولاد عمتي وأختي وجوزها و | ميديا تعليمي
س/ ينفع في العيد اتجمع مع ولاد خالتي وولاد عمتي وأختي وجوزها وقرايبي كلهم ونقعد ونهزر مع بعض ؟؟ * ج/ بالنسبة للتجمعات العائلية وصلة الأرحام..فدي حاجه جميلة بس اللي مش جميل هو التجاوزات اللي بتحصل بين الرجالة والستات الأقارب غير المحارم.. _يعني للرجال.... أخت زوجتك وزوجة أخوك وبنت عمك وبنت خالك وبنت عمتك وبنت خالتك.. دول أقارب مش محارم _وللبنات....جوز أختك الكبير اللي في مقام بابا وأخو جوزك الصغير اللي زي أخوكي وجوز خالتك وجوز عمتك اللي ربوكي وكمان ابن خالتك وابن عمتك وابن عمك وابن خالك.. كل دول اه أقارب.. لكن مش محارم.. فمينفعش نشيل الحواجز ونرفع التكليف بيننا... السلام بالايد.. والهزار المبتذل والهزار بالايد.. والضحك والقهقهة .. والفضفضة.. كل ده ماينفعش _ولا ينفع تقعدي مع جوز أختك في البيت لوحدكم على ما أختك تجيب حاجة من السوق.. _ولا مع ابن عمك فالبيت على ما عمك يرجع من الشغل.. _ ولا مع أخو جوزك قال رسول اللهﷺ *الحمو الموت* والحمو هم أقارب الزوج أو الزوجة من غير المحارم والنبيﷺ قال الموت لشدة التأكيد على عدم التساهل والتجاوز معهم.. مهما كان فرق السن أو قوة العلاقة أو الثقة اللي بينكم وسلامة النية .. الحرام هيفضل حرام
