نعي للخوان الزينب ع عندما خرجت من المدينه شحلات الاخت تمشي ويالخوان ويفيي عله راس اخته بالاردان الرفكت باخوها شلون تنهان ............ الرفكت ولي تمشي بجلاله كلما يميل الحمل شاله محلاه الاخو ومحله دلاله .............. يمشي الاخو ويتاني اشويه براضه ويرض الجدم ليه وانسه الحزن لوصد عليه ............. كولي يعمت ابني شتريدين ما طول سالم لا تهمين حملج عله الراس وعله العين ............. الوالي الخواته محزم احزام هيهات عمت الولد تنضام لمن تغفه العيون وعالثره تنام ............ لاوحك عينج عيب اهدج ولاالعايل اليوصل الحدج عزيزه وخال ابنج يودج .......... يعزيزتي وماكو بغلاتج بحمايتي انتي واخواتج يا ركبتي فدو العباتج ............ خال الولد بروح اخليه يابين سومه وانه الاشريه خال ابنج بماي العين بدليه ............ غالي الاخو وللاخت هيبه حنين وايجيبه حليبه لوراح امج ما تجيبه منين اجيبه الجابته امي أم زينب كربلاء غير مبري الذمه من ياخذ الكلام وينسبه له اويحذف الإسم مطبوع النعي بكتاب المآسي الفاطميه جزء الحادي عشر https://telegram.me/um_zainab_kar telgram 3.8K viewsedited 22:52
