قصيده للموعظه اللهم نسألك الهدايه بحق الحسين ع سُفرة حسين جبي | الشاعرة ام زينب كربلاء
قصيده للموعظه اللهم نسألك الهدايه بحق الحسين ع
سُفرة حسين جبيره سُفرة حسين سفرة حسين جبيرة سفرة حسين لاتكول حسين إليه/حسين رحمه للبريه سُفرة حسين جبيره سُفرة حسين ........... هوه باب الله ورحمته هوه للضايع دليل مايرد البيه تعلك وماكو يمه المستحيل هوه مصباح الهدايه وكرمه ربنه الجليل تنطفي النار بدمعته وتربته تشافي العليل
افهم افهم هالقضيه / حسين رحمه للبريه سفرة حسين .............. كون تعرف هالقضيه وتفتهم منها المعاني من تكول حسين إليه تصبح بشخصك اناني والي غارك بالمعاصي سولف وحرك كياني يكول بالشده ندبته حسين جاني وخلصاني
وقِبلّ دمعاتي الجريه / حسين رحمه للبريه
سفرة حسين جبيرة سفرة حسين .............. مايضيع بوجه كل شي بيه معروفه الصفات حسين يانهج الهدايه حسين ياباب النجاة هوه سيد الكون كله وبيه نحس طعم الحياة حسين حب الناس كلها خادمه والخادمات
صفي يبن ادم النيه / حسين رحمه للبريه سفرة حسين جبيره سفرة حسين .............. يريد منك صافي نيه وتبتعد عن الغرور لاتأمن هاي دنيه دوم دواره وتدور ناجي الباري بضريحه لورحت يمه و تزور ياحسين دخيل عندك البجه ودك الصدور
اتذلل ابابه شويه / حسين رحمه للبريه سفرة حسين جبيره سفرة حسين ................ من بحر جوده غرفنه ومانشف هذا البحر الله ماخص بيه واحد هوه رحمه للبشر هذا باب الله ورسوله وبيه عطف فارس مضر اتوكل عله حسين واهله ولاتزامط بالدهر
خدمه بالروح السخيه / حسين رحمه للبريه سفرة حسين جبيره سفرة حسين
. ام زينب كربلاء غير مبري الذمه من ياخذ الكلام وينسبه له او يحذف الاسم https://telegram.me/um_zainab_kar
