2022-08-28 23:26:35
#اربعين_الحسين
قصيدة لسان حال مولاتنا زينب ع لاخيها الحسين ع عند رجوعها في الأربعين
*تقرأ بألحان مختلفة*
*لاگوني برگص يحسين أهل الشام فرحانین*
*عدهم عید ویصیحون ألف مبروك مات إحسين*
*لاگوني ابهلاهلهم*
*وسبو والدي کلهم*
*رحمه ماشفت منهم*
*آ يحسين آ يحسين*
_-_-_-_-_-_-_-_-_-_-_-_-_-_-_-
إگعد خل اسولفلك ظيم الشافته اعيوني
ابنص الناس يبن امي فرجه اهناك خلوني
عالناگه الصبح طبیت وأهل الشام شافوني
نسوان وزلم يحسين بالطابوگ جابوني
ميته ولانفس بيه
الناس التمت إعليه
گالولي يمسبيه
*آ يحسين آ يحسين*
_-_-_-_-_-_-_-_-_-_-_-_-_-_-_-
خلونه ثلث ساعات بس يردون ذلتنه
عالنوگ الهزل بالباب ومتانین طبتنه
یتعمد یخویه ايزيد ابابه اتطول وگفتنه
تلعب بلدفوف الناس واحنه اتسيل دمعتنه
امگابل گابلوني ابدف
وابنك دنگ امچتف
وراسك بالهوى امكشف
*آ يحسين آ يحسين*
_-_-_-_-_-_-_-_-_-_-_-_-_-_-_-
للديوان طبينه رگبه انربطت ابرگبه
ذبحنا المستحى يحسين يبن امي اشكثر صعبه
اول ما نظرنا ايزيد هز ايده وثنى الركبه
صاح اليوم احلى ايام عمري حفله خنگلبه
صَفِّگ وابتشر فرحان
ومن امچانه فز سکران
یخزر گام بالنسوان
*آ يحسين آ يحسين*
_-_-_-_-_-_-_-_-_-_-_-_-_-_-_-
جاب إسمي يخويه إحسين ومني انگطعت
الانفاس
زینب وین دلوني خل انشوف اخت عباس
گامت عنّي اتدور مذهوله اعيون الناس
واحد گال اذا تردون زينب بس نطگ الراس
شمرو راسك إگبالي
صحت اسم الله يالوالي
سمعو صوتي يالغالي
*آ يحسين آ يحسين*
_-_-_-_-_-_-_-_-_-_-_-_-_-_-_-
ساعه ايگلي اهلچ وین واخوانچ بطو عنچ
اذا بالسوط يبت حيدر اتیبس بيدي ایبسنچ
فنچ من تزمطیني بفزعة كافلچ فنچ
شوفي آنه الادگ اعلیچ وينچ خل اسمعنچ
طگني ایزید موطگه
حيل ایطگني ابحرگه
وأختك تنحب امدنگه
*آ يحسين آ يحسين*
_-_-_-_-_-_-_-_-_-_-_-_-_-_-_-
*تمت*
العمل مهدى إلى مولاتي فاطمة الزهراء ومولاتي زينب الحوراء عليهما السلام نظرة يافاطمة نسأل الله تعالى القبول والتوفيق وحسن العاقبة
*ام علي رضا الشريفي الحسيني*
https://t.me/umaliridashrify
نسألكم الدعاء
791 views20:26
ا
