الشاب السوداني بتولد و بتربى و بقضي حياتو كلها و هو مُطَالب و | صوت الجامعة
الشاب السوداني بتولد و بتربى و بقضي حياتو كلها و هو مُطَالب و مُطَارد من كل نواحي الحياة ،
من يتولد بعيش في ضغوطات لا اول لها ولا اخر ،
الواحد فيهم اذا عاش طفولتو بعيداً عن طواحين الحياة ف دا انجاز ،
الشاب السوداني هو الشاب الوحيد المراحل حياتو البعيشها في وقتها مختزلة في الطفولة بس ،
لا في مراهقة لا شباب لا كهولة ،
بقضي فترة مراهقتو وهو بفتش في شغل يسند بيهو أهلو ،
و فترة شبابو وهو بفتش في شغل عشان الشهادة بتاعتو صعب يتوظف بيها ،
بيوتنا السودانية مليانة بكمية قصص عن اخوان ضحوا بي حياتهم الجامعية ومستقبلهم عشان اخواتهم البنات يقروا ،
شغال شغال شغال ولسسه م كفاية،
بعيش حياتو كلها في سباق يسافر عشان يسند اهلو ولا يكون نفسو ولا ولا ، ويومو القدر سند اهلو و بدا يفكر في نفسو ح يلقى روحو تااني في دوامة الشيلة سد المال الصالة المعيشة السكن مدارس الاولاد و مليارات مربعة لما يبدا يصحى منها ح يلقى العمر سرقو ،
كان الله في عون أي واحد بعافر و روحو طالعة و لسه حاسي انو م قدم شي والراجيهو اكتر ،
كان الله في عون الشباب البعافروا للحلال و بقوا عمدان بيوت و اتكسروا هم عشان م تتكسر عين زول من بيتهم ، ربنا يسهلها عليكم محل ما تقبلوا …
صوت الجامعة صوت كل طالب