2021-07-24 00:51:29
#انتباه كم معلومه لازم تعرفوها لان جاي تنطرح ع هواي طلاب وطاحو بيهاا وتورطو من قبل أصدقائهم
... سامكو يعود من جديد
اكو شركات نصب واحتيال منتشرة بعدة محافظات بغداد السليمانية اربيل البصرة الموصل والنجف وغيرها بصورة كبيرة جداً هدفها النصب واستدراج الشباب (ولد + بنات )
من خلال الطمع والوعود مستغلين الاوضاع المعيشية وانعدام الوظائف
الموضوع انه يتصلون بيك او يجيك احد من اصدقائك متورط وياهم ويعرض عليك مشروع ، وبعد المقدمات والمغريات لهذا المشروع يبلش يقنعك ....
انت سواء اقتنعت بفكرة المشروع او ما اقتنعت ثقتك بهذا الشخص راح تقنعك
سالفة هذا الموضوع تعتمد على الاقناع ويقول لك شركة وعملها تجارة الكتروني وتسويق وسياحة ويصيحلك استاذ يعني انت من كاعد بالبيت بلا شغل وعمل صرت "استاذ" تسأله عن التفاصيل الدقيقة يحاول تغيير الموضوع بسلاسة. (قد يكون هدفها تمويل ارهاب)
المهم شلون شغل هاي الشركة تشترك وياهم:
تدفع رسوم تبلش من 600$ توصل لحد 2500$ اوراق امريكية راح يفتحولك حساب وينطوك بطاقات مصرفيه وهدايا موبايل قيمته 100 الف دينار وينطوك مكتب بمقر الشركة يسوون الك واهس . لحد الان انته تورطت شلون راح اطلع فلوسك وتربح ؟
همه راح ينطونك الحل اشلون ؟ اول شي يدخلوك دورات شلون تقنع الواحد يجي وياك للطريق و راح يكلولك لازم تسحب مشتركين للشركة وتقنعهم وعلى أساس انته واسطتهم وكفيلهم للشركة . وكل مشترك تجيبه راح ينطونك ورقتين وهكذا كلما تجيب مشترك راح نضيف ورقتين لحسابك .
يعني انته تورطت لازم تورط الناس وياك بطريقة هرمية انت تدفع والوراك يدفع ويجيبون ناس وغيرهم هم تدفع
والمستفيد الاول والاخير الشركة
والمصيبة تجد فيها اغلبيتها ناس واعية وواصله مثل دكتور جامعي او مدرس او موظف وطالب وطالبات جامعة .
نرجوا الحذر من هكذا امور ولازالت لحد الان مستمرة والشخص الذي يعرض عليك دائما تجده قريب عليك ومحل ثقه..
الرجاء الحذر الحذر لا يغركم كلام احد ..
خلي ابالك شكد تدفع ما راح يرجعلك الشركات المعروفة بهكذا اعمال.
8.9K views℡ 𝒌𝒂𝒓𝒂𝐫 𝒂𝒍-𝒃𝒂𝐲𝒂𝒕𝐢 𖤍 ₎, 21:51