السلام عليكم، ثبته المنشور على رحمت ولديك من اول مادخلت الكلي | مناهج كلية الهندسة - جامعة طرابلس

السلام عليكم، ثبته المنشور على رحمت ولديك
من اول مادخلت الكلية ولا مرة نزلت كلام طويل زي توا لكن:
(((عندما يكون الظلم قانون يكون التمرد واجب)))

لاحظت كلكم تتكلموا على موضوع رياضة 2 الي صار اليوم
اني صح مش من دفعتكم،(اني من الدفعة الي قبلكم) المادة فاهمها وقراها دبل بس نتفاجأ اليوم بالأسئلة الي ماتعتبرش تقيم ليا او ليكم لانه احني اقوا من هكي كل منقرا سؤال نلقا فيه خطأ حترت هل اني جاي نمتحن او جاي منصلح اخطاء مطبعية او اخطاء مقصودة من قِبل الشخص الي دارها باش الطالب يصبح في حالة توتر ويبدا يشك في روحه ويقول اني مقريتش والي قريته مافيش منه شي ولي ناخاد فيه في الكورس مافيش منه شي ويترفكس ويصبح في حالة نسيان وبي ذالك معاش يقدر يحل باقي الاسألة الي هيا في الاصل مش العدد الكبير الي على الاقل يقدروا يديروا حل يعني حتى لو حليت 8 مش حاتضمن النص لانه مش متأكد من حلك لانه هوا في الاساس في خطأ مطبعي في سؤال ويزيد يفاجئك ان وقت الامتحان ساعة ونص ورياضة 4 ساعتين عنصرية عيني عينك،عفواً،شوية بس،رياضة 4 شن خير منا مع (احترامي ليهم خوتي وصحابي)باش يمتحنوا ساعتين واحني نمتحنوا ساعة ونص والمفروض العكس اسألتهم تنحل في ساعة واحني مفروض في ثلاثة ساعات وهادا كله والاسئلة فاها اخطاء،اما الموضوع المهم من هادا الكلام هوا إلى المهندس اسامة انّ اتجيب اسألة غير منطقية وتعجز طالب ليه يقرا من شهر رمضان هادا بروحه تطيح معناويات وتطيح قدر وعدم احترام لي جهده الي داره،قرينا واحني صايمين وقرينا بعد رمضان وقرينا واحني فاطرين انته مرات معندكش خوك ولا اختك في رياضة 2 مرات جبتها ساهلة لو كان عندك حد فاها لكن بي ما انّ اني متأكد ان معندك اي قريب معانا في رياضة 2 حبيت ادير حاجة الا وهي التغربيل بي ما تسميه انته باش دفعة 2002 الي مضايقينك على خاطر ناجحين بي واسطة اسألة استرشادية مايتخصاصوش وانته بروحك اتوعدت فيهم في هلبا ناس شاهدة على الكلام هادا تبي تغربل وانته جياب 16 سؤال جيبلي 4اسئلة تميز بيها الممتاز و12 سؤال تميز الجيد من الضعيف او كان مضايقينك جماعت الكورسات انته بروحك تعطي في كورس لكن في الكلية تعطي على راس الكاشيك وهادي ربي مايرضاش باها حلل قرشك باش تنفتح الدنية قدامك نذكر فيه اول محاضرة حضرتها في الجامعة رياضة واحد وانته الي عطيتها شرحت حاجات بسيطة فتحت منسجل المحاضرة قوتلي طفيه التسجيل زي ماقوتلك انته متحسس من الطلبة،وطبعاً اني مش نعلم فيك كيف تحط في الأسئلة العفوا منك انته واضح اكبر من هكي لكن ننصح فيك باش ماتصيرلكش اشكالية مستقبلاً وربي يكون في عونك{حاليا لازم تتخذوا قرار وتتواصلوا مع منسق المرحلة العامة ورئيس اتحاد طلبة كلية الهندسة باش تاخدوا حقكم ومتقولوش نبو هوم ورك، نبو اعادة او يحتسب الامتحان من 20 والافضل يكون يوم الثلاثاء هوا موعد وقفتنا وكان موقفناش مع بعض قبل مايتموا الامتحانات بتاخدوا كف وبيرصدوا درجة الامتحان}

وخليكم ديما ماشين بالأية هادي

(إِنَّا لَا نُضِيعُ أَجْرَ مَنْ أَحْسَنَ عَمَلًا)
#كلام_زميلكم