آغاج آغاج وار قلم دي    اينسان الينده آغاج وار اينسانا  دار او | 🌸اوشکایا نیوز 🌸

آغاج
آغاج وار قلم دي    اينسان الينده
آغاج وار اينسانا  دار اولار بير گون
آغاج وار كورسودور يوخسول ائوينده
آغاج وار ائلينه   يار اولار بير گون

آغاج وار كؤرپودور، آغاج وار داياق
آغاج وار اينسانا   اولوبدور آياق
آغاج وار كؤلگه سي چاغيرار قوناق
ياشيل بوداغيندا، بار اولار بير گون

آغاج وار اوخ اولوب وورور ياراني
آغاج وار قاپي دي.    كسير آراني
آغاج وار "كؤنولدن"   آلير چاراني
آغاج وار سينه مده نار اولار بير گون

                     (کونول)