عايز اقول ان اصحاب الجامعة اخدو حيز كبير اووي في حياتنا كلنا و | لَيطمئن قَلبُك🤍.
عايز اقول ان اصحاب الجامعة اخدو حيز كبير اووي في حياتنا كلنا وبقو مهمين جداً واساسين … يعني مثلاً لما حد ينزل صورة تلاقي اغلب اللي بيرأكتو هما اصحاب الكلية … دايماً بيعملو ريبلاي علي اي استوري منزلها ويدخلو يبوظو بوستات الفيس لبعض…بقينا دايما بنسأل علي بعض ونهتم ببعض … وده غصب عنا او لا إرادي يعني مثلاً احنا بقينا نشوف بعض كتير كل يوم تقريباً … بقينا نشتغل تيم واحد عشان نخلص ابحاثنا والمطلوب منا ومش بنبخل علي بعض بحاجة … السكاشن اللي بنحضرها وبتجمعنا سوا… الصياح اللي بنصيحه مع بعض قبل كل امتحان …القعدة اللي بنقعدها مع بعض اخر كل يوم…ولا لما حد يغيب ويلاقي نفسه متكتبش ف الغياب… ف هو تلقائي كدا لقينا ان اصحاب الجامعة بقو مهمين جداً في حياتنا وحقيقي انا بحبهم كلهم اوي علي الرغم اني ممكن اكون ببين اغلب الوقت اني مش طايقهم بس حقيقي هما كلهم في قلبي اووي وكل حد بقي ليه مكانة كبيرة اوي عندي…
