"أتتقّى عن عيون الناس وأعاف الوجود وأتصدد .. كل مالدمع قرّب ينهمل وين أروح وقلبي الغضّ حساس وحِشود وكل ماجرحه تشاوى ختل كتفه حِمل شيء ينهب راحة النفس ويعقد القيود وينفث العتمه على الكون ويبرّك جمل ليّم بصدري قطيع جروح وبعيني عدود ملحهن يجرح ظما الورّاد ويفرق شمل وفي سراير أوحش من الليل والرجفة تزود لبسوني بُردة الخوف .. وأزرقها المُمل شافوا عيني كيف ولهى ووجهي فيه جود ! وكيف أصادم فيه جرحي وأحاول وأحتمل كنت أقاوم شهوة الموت ياحلم الخلود بين شفٍ مالحقته .. ومشهد ماكمل كن في صدري لهالحلم غارات وجنود ولـْ عيونه تحشد القوم ويساق الزمل ! موغلته بـ رمل الاحلام والما مايجود لو يجود إطمأنّ الرمل والحلم إكتمل". 20 viewsخالد السلمي, 23:50
