2021-08-23 21:43:33
#هام
أهم النصائح لطلاب الثانوية العامة الدفعة الجديدة :
- خليك منظم
- متفوتش دروس
- متقولش مفيش وقت
- ابسط نفسك
- ذاكر اول بأول
- مش لازم تسيب موبايلك بس متقعدش عليه وانت بتذاكر او متحطوش جنبك احسن
- ذاكر ساعه بتركيز ولا تذاكر اليوم كله ودماغك في حتة تانية
- ابعد عن المحبطين
- روح لمدرسين بتحبهم
- روح لمدرس بيعمل امتحانات كتير
- روح لمدرس بيتابعك على طول وبيسأل دايما
- متغيرش مدرسين كتير
- متقعدش عند مدرس مش مرتاح معاه
- اظبط نومك وحاول تصحى بدري تذاكر
- متضيعش وقت كتير بعد الدروس
- اختر الصديق قبل الطريق
- متتكبرش
- متيأسش
- اما الدنيا تضلم عليك ريّح حبة عشان تعرف تكمل
- اما تضايق ابقى شوف حد تروح تتكلم معاه وتحكّي معاه بس ياريت يكون حد هيفرفشك مش هيضايقك بزيادة
- اعرف انك هتتعب
- العب رياضة حتى لو ساعه في الاسبوع
- كمّل في هوايتك ومتوقفهاش
- لو معندكش هواية ، دور على هواية السنة دي بس
-المذاكرة اهم من الدرس
- متروحش درسين في مادة مثلا وانت اصلا مش بتزاكرها.
واخيرا خد مبدأ انك مش هتغش كلمة في الامتحانات، متضيعش صلاة ، اليوم الي هتبدأه ب 5 دقائق قرآن هتلاقيه مختلف وفيه بركه ، السنة مش صعبة ، بس متعبة ورخمة ومرهقة نفسيا جدا ، خد نفس كده واستعين بالله وكله بيعدى
ربنا يكرمكم ويوفقكم .
𝖙𝖊𝖑𝖊𝖌𝖗𝖆𝖒: @Virus_Ho
316 viewsAbo Eliwa, edited 18:43
ت
