الإنسان ممكن يكره أجمل ما فيه، لما بيفكر إنه اتأذى بسبب الشيء | V

الإنسان ممكن يكره أجمل ما فيه، لما بيفكر إنه اتأذى بسبب الشيء ده، ممكن يكره طيبته، وصدق عهده، ومشاعره وعاطفته، ممكن يكره حتى لُطفه مع القريبين منه.. أسوأ ما في التعامل مع شخص مؤذي إن أثناء علاقتك بيه، وأحيانًا بعد التخلُّص منه، بيخليك مش متصالح مع الحاجات الكويسة اللي فيك واللي استغلها وأذاك من خلالها.. التعافي من علاقة مؤذية مبيتوقفش عند التخلُّص من العلاقة نفسها، دي أول خطوة والأساس بس مش النهاية، التعافي الحقيقي إنك ترجع تتصالح مع الحاجات الحقيقية الحلوة اللي فيك، وتستوعب إن المشكلة عمرها ما كانت في التصرفات الجميلة، المشكلة بتبدأ لما تتقدم للي مبيفهمهاش ولا يستحقها .."