انت من راح تسوي عملية جراحية راح تاخذ بنج عام، والبنج العام اينومك تماماً وتفقد وعيك ، ويسترخي جسمك وعضلاتك بالكامل نتيجة اخذ ادوية التخدير ..ومم ضمن العضلات التتأثر بهالشي هي عضلة البلعوم والحنجرة،وهذي العضلات هي المسؤولة عن عدم ابتلاع الطعام والشراب من تاكل ومنعها من دخول الرئة(يعني من تاكل تنسد الحنجرة فينزل الاكل للمريء وميروح للمجاري التنفسية)..لحد الان اوك؟
خوش..فمن تنطي ادوية تخدير ومرخيات عضلية وتشل هذي العضلات،فالاكل الانت ماكلة لا اراديا ينزل من المعدة عبر المريء ويروح يدخل عن طريق الحنجرة وينزل الى الرئة ويسببلك ضرر جبير بالرئة لان حموضة المعدة كلش كلش عالية وتكون بمثابة (تيزاب) ونازل للرئة..فتسبب حالة كلش خطرة من الاتهابات الرئوية الى قد تنتهي بدمار الرئتين بالكامل وفقدانها..
لذلك المريض لازم يكطع اكل وشرب لمدة لاتقل عن ال٨ او ٦ ساعات لضمان تفريغ المعدة، وضمان عدم حدوث هذي المضاعفات للمريض...
#نصيحة: ابد لتكذب ع طبيب التخدير وتكلة اني مماكل ولا شارب وانت اصلا ماكل او شارب، لان بالنهاية انت الراح تتأذة مو الطبيب ﹎﹎﹎﹎﹎﹎﹎﹎﹎﹎﹎ • 𝒕𝒆𝒍𝒆𝒈𝒓𝒂𝒎 : @vvvav0
