لما ببص فـ المرايه عيني مبتجيش غير علي العيوب اللي فـ وشي وبس | إنِتُ إسًـتُثًـنِآئيّ

لما ببص فـ المرايه عيني مبتجيش غير علي العيوب اللي فـ وشي وبس فيه حبايه هنا وفيه بقعه هنا وتحت عيني اسود, فـ كنت بستغرب اوي اما واحد معرفوش يقولي انت حلو كده ليه واقول ايه دا هو مش شايف الحبايه ؟ طب والهالات مخدش باله منها ؟ لا هو اكيد بيجاملني, واما الاقي اكتر من حد يقولي الله أنت جميل جدا ووشك سمح وعسول مبفرحش, لا بالعكس اقعد افكر هو ليه انا مبشوفش ف نفسي الحاجات الحلوه ال هما بيشوفوها دي! ؟ اصل اكيد مش كل دول بيجاملوني يعني, قعدت أربط كل حاجه بعضها, انا اما بشوف حد جميل اقول الله دي ضحكته حلوه اوي دي عينيهاة جميله ما شاء الله , كدا مبشوفش فيه غير الحلو, يعني معني كدا انهاة كمان لما بيبص لنفسه اول حاجه بتيجي عنيه عليها هي عيوبه ؟.

-قرأت قبل كدا ان فيه دراسه بتقول ان الانسان دايما بيشوف نفسه أقل من الحقيقه ال هو عليها مبيشوفش فـ نفسه غير العيوب.

-الريكوردات ال بنبعتها لبعض واتساب, أو ماسنجر اما بنيجي نسمع الصوت تاني بنقول ايه دا ! ايه القرف دا ! مع ان الطرف ال انت بعتله الريكورد ملاحظش اي تغيير ف الصوت وانه عادي جدا وبالعكس ممكن يكون إذاعي وجميل.

معني كدا ان احنا مش ناقصين احنا ال بنقلل من نفسنا بيتهيألي احنا محتاجين نحب نفسنا اكتر من كدا, جربي كدا وانتي بتبصي ف المرايه تضحكي وشوفي قد ايه ضحكتك مميزه او قد ايه عنيكي حلوه, بطلوا تبصوا ع الجانب الوحش, ثقوا ف نفسكوا ع اي شكل واي وضع واي لون, اصل محدش هيتجرأ يقلل منك طول ما انتو عاليين ف نظر نفسكوا.
#انت_مميز