انور خلف البيضاني

2022-07-22 14:29:12 منشد الثامه عباسسس
ركعت كدامه عباسسس
جيش وخياله
_____
استأذن من حسين وطبها
كال اليوم الحومه اكلبها لمن اهد
لجلك اسحك روس القاده
يا هيبتنه وشيخ الساده راح استعد
يمك كل العسكر يركع
ويرد ما يتقدم يرجع هيج منشد

معروفه اعلومه عباسسس
يكلبها الحومه عباسسس
___
ضلت كلها بخوف وحيره
طبها الموت وسبع الديره ****وين المفر
محد جدمه يعينه ويشرد
وطالع كله الفكر يلبد *** من الكمر
العسكر كاطع كل انفاسه
بصفه يطيح الطلع راسه**الجيش نحصر

اعليهم مر يومه عباسسس
يكضي الملزومه عباسسس
__
زمجر بيهم سيفه ويرعد
غار وضل بركبهم يحصد * لمن زعل
شده الخضره وبيده الرايه
يموت اليسمع منه حجايه** اعليهم حمل
طب للحومه بدمه الفاير
حيدر كالو هذا الغاير*** ابن الفحل

حط بيهم خوفه عباسسس
شمر بجفوفه عباسسس
_____
فرت كلها بزوده وسيفه
الراد يموت يضل بكيفه ****سيفه الهتف
تذبح صارت حتى عيونه
العكسر عزريل ايسمونه ****والكل رجف
واكف الهم وكفت حيدر
شال الطف جن شيلت خيبر * دمهم وكف

جيش يشوفونه عباسسس
يذبح بعيونه عباسسس
__
لمن رفت بيده الرايه
يرجف جاه الشط ومايه *** وضل يعتذر
العكسر محد ضل بلونه
طبهم عباس يعروفنه * من كل كتر
محد يكسر كال ازماطي
يشهد ضل اعليه الشاطي * لمن اكر

سوه اليحلاله عباسسس
محد يدناله عباسسس
__
الخادم
أنور خلف البيضاني باز کردن / نظر دهید

2022-07-06 13:54:10 بهدومكم * ضليت اصبر روحي
وعيونكم * مانمت من اجروحي
من البعد ذبلانه ** بس البجي وسهرانه
____________
ما تغفه عيني بعد ___ وين الاحبه بعد
شيصبر الروح
ماي وتبده الضعن ____محد بقالي وطن
اتسله بلنوح
عني راحو والبعد ما يرحم الضال
ما بقن حسرات وشبه جني الاخيال
بلوه ساعات اليفارك كلش اثكال

عفتوني ** وياما كثرها همومي
حاجوني ** ثكلت عليه هدومي
كلها مشت بس انه ** من البعد ذبلانه
__________
مندمعي خدي شبع __ والغربه كلها وجع
يمته تردون
انه وخيالي انتظر __والبعد دله بجمر انظر بلعيون
عشت صوت وماكو اذان التسمعه
وصرت بلدار انه اسبح دمعه دمعه
العصر جيته اعليه كلفه بيش ادفعه

لخباركم ** روحي اليجيب انطيها
وخلافكم ** اعيوني راح ابجيها
مضيع الكلب سلطانه ** من البعد ذبلانه
__________
اي جلمه منك دوه ____سولف يرب الضوه
يا كره العين
غالي وغلاتك نبي _بعدك سباني سبي
يا بويه الحسين
مداره يراد المريض وموش فركه
والكلب لمن يحن ايريد شبكه
هوه بعدك وانه روحي شلون وركه

ما ريدن ** عمري ويطول غيابك
ناسيني ** وما جني من احبابك
ما كتلي تمشي ويانه ** من البعد ذبلانه
____________
شفتك يبويه بحلم____ فوكك تجول الزلم
وتسحك الخيل
اوصلك انه ردت ___ويوسف ركضت اركضت
والمدمع سيل
نذر جنك والسيوف اتريد حصه
واليدور طعنتك صارتله فرصه
طحيتك فوك الارض يابويه غصه

هدحيلي ** منظر ابويه بعيني
ياويلي ** صاير وذر يحسيني
اغفه ردت بحضانه ** من البعد ذبلانه
____________
شفت اليشيب الكلب ____زينب بدين الغرب
وكافله مطروح
والتعثر امن الحبل _ بيها يسب النذل
ويزيد الجروح
اشبيها هاي النار ويه العدو فزعت
وزينب تصيح بخيمنه النار طبت
بيها ما بيها الحرم من عدها فرت

بعيوني ** شفت الحصل لخواني
وياهم ** متمنيه اموتن إني
كل الحرم عطشانه ** من البعد ذبلانه
___________
الخادم أنور خلف البيضاني باز کردن / نظر دهید

2022-07-05 20:56:37 قريباً
سيتم بعون الله وتوفيقه نشر قصائد شهر محرم الحرام ١٤٤٤ هجري باز کردن / نظر دهید

2022-04-21 02:17:35 استشهاد الامام علي( عليه السلام)


لا تكربني يا عيد
شوفي لمدت الايد
ابو تراب وصبح فوكاه الاتراب
وجيتك هاي تفتح للحزن باب
_________
يا عيد لا توصل الي تحزن لون تجيني
وما تلكه مني اي هله بفراك المخليني
عيدي انه بس شوفت علي وبغيره تغمض عيني
وبغيابه ما اريد العمر وتكصر يريت سنيني

اذيه العمر لوطال
تصير اهمومك جبال
صلب كلبي لجن بغيبتك ذاب
جيتك هاي تفتح للحزن باب
_________
متعوده اشوفن ضحكتك فركاك ابد مو وكته
معلم الناس اعلى الصبر بس كلبي ما علمته
العيد لليفكد ابو شامت يجيه بسكته
الغربه عليه تهل دمع اشلون تسكت بنته

بعد ماتسكت العين
لو مرنهه عيدين
معذوره لون ثكلت العتاب
جيتك هاي تفتح للحزن باب
_________
مو حلوه كعدتنه غدت واحد يبجي الثاني
وبانت عليه فركتك يغفه الدمع بحضاني
واتنطرك وادري بعد ما اشوفك وتلكاني
راح انه اضل بهل وجع وللموت اضل بحزاني

تجوي دموع الفراگ
وبنتك الك اشتاگ
هندس دارنه وخالي من الأحباب
جيتك هاي تفتح للحزن باب
___________
ياعيني ما ملت ابد عالباب ضلت تنطر
صامت عليك وتنتضر او بيك رادت تفطر
مامره كاسر خاطري خلصت عمرك تجبر
بس هسه مو بس خاطري خاطر الشامت اكسر

بالدار عطرك موجود
يابويه رد ليه اردود
تمنيته خبر جاكتله جذاب
جيتك هاي تفتح للحزن باب
__________
اشما اكولن مايرد عالباب تبجي الفقره
وشيسكت عيوني بعد يابعد روح الزهره
ماترجع ادري ياعلي بس اني اضل منتضره
السافر يرد الهله بس شيرد البكبره

الدمع بعده حلالي
فاركني خيالي
شيسوه العيد و اني عندي غياب
جيتك هاي تفتح للحزن باب
____________
محمد السعد
أنور خلف البيضاني باز کردن / نظر دهید

2022-01-02 14:22:57 الرواية الثالثة الليالي الفاطميه



شد حيلك الها ___ هاي الليالي
_______
مثل عاشور انته شده احزامك
هاي فرصه ولا تضيع ايامك
علمجالس تعب انته اجدامك
وخلي تدخل دمعتك كدامك

لا لا تملها ____ هاي الليالي
شد حيلك الها ___ هاي الليالي
_______
الدنيه فخ وفاطمه خيط الصدك
وبالك انته بغيرها اطيح بعشك
خلها بس هيه بوسط هذا اليدك
ويصعد العالي اليريد ايكض عثك

صير انته خلها ___ هاي الليالي
شد حيلك الها ____ هايالليالي
_______
اتعيش بين الناس شانك مرتفع
من تواسيها وتصب اله الدمع
جفك بصدرك تخليه ينطبع
وانعل الجان بسبب كسر الضلع

وكع حملها __ هاي الليالي
شد حيلك الها ____ هاي الليالي

_______
احسين خله امتاعك انته بكل سفر
وانته تدري بحبهم ايعبرك سقر
صملله تلكاهم لون جدمك عثر
لو عطشت بطيف تلكاهم نهر

بس همه اهلها ___ هاي الليالي
شد حيلك الها __ هاي الليالي
_______
هذا لطمك تدري بي ملح الحيات
وباجر اينفعك لون حان الممات
كونك انته المجلس بابه تبات
اطلب من الزهره تبقه بهل ثبات

حلوه بشملها ____ هاي الليالي
شد حيلك الها ___ هاي الليالي
_________
الخادم
أنور خلف البيضاني باز کردن / نظر دهید

2021-10-06 01:30:55 الفاكد مثلك شيضل عنده
يا جيت اليل اعلي شده
يبويه يبويه
____________________________________________

البيت ضل يخنك ولا نسمه هوه
وصار ضلمه وراح وياك الضوه
جن عمود البيت من بعدك هوى
يا حلات الموت لو متنه سوه

بطبكت جفنك حيلي اتبده
يا جيت اليل اعلي شده
يبويه يبويه
_________________________________________

روحي بويه تعلعلت من البعد
وكون وياك اندفن نفس الحد
روحتك مثل النهر ماجن ترد
ونار كلبي بغبيتك ما تنخمد

ذبلت ذيج الجانت ورده
يا جيت اليل اعلي شده
يبويه يبويه
__________________________________________

يل جنت سندانه اليه وجنت ادين
فاهيه الدنيه وغلاتك يلحنين
راح اعيش امجتفه بحر السنين
وابقه صبح وليل ما ابطل الونين

دمعي يصب وماضن يهده
يا جيت اليل اعلي شده
يبويه يبويه
___________________________________________

فراكك ولا ينحمل كلش صعب
وما وكف دمعي مثل نبض الكلب
شلون اصبر ما اشوفك من اطب
ويه كل اذان ضليت انصلب

تطلع روحه الفاكد وده
يا جيت اليل اعلي شده
يبويه يبويه
__________________________________________
أنور خلف البيضاني باز کردن / نظر دهید

2021-09-09 19:48:47 ((لسان حال المعزب وابو الموكب ))



حرز ينشال تراب اجدامك
مثل الهلال انتضرها ايامك
يمشاي يمشاي
________________________________________
إني من اشوفنك تجي * مثل الرزق احسبك
واتمنه مو خادم الك اتمنه اصيرن دربك
هذا العشك من المهد * يشهد عليه ربك
علفطره من دون البشر ** من الزغر أحبك

اني موجود تره كدامك
مثل الهلال انتضرها ايامك
يمشاي _ يمشاي
________________________________________
يا شوكي الك ما ينحزر ولجيتك اني متاني
من اكعد وياك اشكثر * جنهن بضع ثواني
يا راحه ابد ماكو تعب **** لمن اخدمك اني
والله عزيز انته علي * يلواحد من اخواني

لو تعبت اني اصير احزامك
مثل الهلال انتضرها ايامك
يمشاي يمشاي
_____________________________________________
تربي عليك بكل شغف * * منتضره منك جيه
لمن اشوفن رايتك يستقر كلشي البيه
واتمنه اخدمك يا محب مو كل سنه يوميه
إني افرح بجيتك الي ومتفضل انته اعليه

كون بي تصير كل الامك
مثل الهلال انتضرها ايامك
يمشاي _ يمشاي
___________________________________________
بلسم يحس جيتك اله وتقلل انته جروحه
ولو شافك يبطل بعد عبدلله يركد نوحه
كون بسبيله اطي العمر * الفادينه حتى بروحه
خيط اليوصلك للنعم * بهذ الطريق تلوحه

حقق الجانت تجيك احلامك
مثل الهلال انتضرها ايامك
يمشاي ___ يمشاي
______________________________________________
افضل وسيله للبشر *يمشي بوجل لحسينه
ويترك درب كل معصيه وللمقتل تهل عينه
ويأخذ عبر من البقه * فوك النهر جفينه
وبهايه شنهي النطلبه * ربك مطر يطينه

التمشي الحسين يعلي امقامك
مثل الهلال انتضرها ايامك
يمشاي _ يمشاي
________________________________________
الخادم
أنور خلف البيضاني باز کردن / نظر دهید

2021-08-18 00:54:55 هوسات تطبير




حط بهامتك طبرات مو طبره
وخلي اليوم تنزل دمعتك حمره
حسين خيول داست كسرت صدره

والقامه البيدك دميها
_________________________________________

عابس ثوبه شكه وانته شك راسك
ولحسين العشك بيله احساسك
استذكر بلطفوف اشسوه عباسك

بعاشوره ترخص كل هامه
________________________________________

شوفه الناصبي والرايد ايذمك
خل دمك يسيل واسبح بدمك
ويرضه عليك كون حسين كل همك

وللخنصر روحك بديها


الخادم
أنور خلف البيضاني باز کردن / نظر دهید

2021-08-14 13:32:04 نزلة


جابته وربته ام البنين الكلف
بغيرته ويمتنه طب علسبعين الف
___________________________________________
طب عليهم واليلزمه اول الودام حطب
زلزله الثابت يهزه وعاصفه بوكت الغضب سيفه يمنه ويسره يكتل ونعوج من الركب
رجف الجيش بخزرته واحد بواحد ضرب

الفحل من وصل يبست ارياج الزلم
واليحس بلنفس عايش يكول بحلم
__________________________________________
كالغظنفر كلب شايل والعزم ذاك العزم
والتفر منه تردله بدائرة حطها الزلم
ما كدرله جيش اميه رايه رفعو للسلم
غصه صار اله العساكر يابو فاضل هل اسم

ما يمر ينسطر لو يجي اعليهم هوه
من كثر ما كتل بأسمه صارت نينوى
____________________________________________
مثل ابوه شمرت ذراعه يشطر الفارس شطر
ورحه بيده الحومه صارت منها ماكو اي مفر
والكتايب من يجيها صاحو الموت الحمر
الما حصل سيف ع راسه خده تلكاه بي اثر

بلحرب جن علي محد اكباله وكف
والزلم ترتجف طاري اله لمن خطف
___________________________________________
كسر ضهور التزامط بلركب سيفه يرن
نينوى كلها احتواها صارت بجفه سجن
ورايته لمن ترفرف تختلس كل اللسن
بين اعليها العساكر عاشت بيومه حزن

ما هده والعده طبت الكوفه ركض
بلوغه سيف اخذ كربله طول بعرض
_________________________________________
فرت التحمي الشريعه لمن اعليهم عبر
وباوع لزينب دكله عاشت ايدك يلكمر
اترس الجربه يخويه كلها اجيبلج نهر
حار أبو فاضل تشوفه ما برد جنه سقر

ينجوي من بعد كلمن يباوع علي
الأرض من زعل تنكلب رادت بدي
___________________________________________
الخادم
أنور خلف البيضاني باز کردن / نظر دهید

2021-08-07 20:39:14 اريدك عضيدك يمه خله بعينك
يوفاي اله فياي سوي من جفينك
___________________________________________
يومك هذا يازين ******* تحمي ظهر الحسين
ودريك انته غيره
بالك عينك اتنام ******* احرس يمه الخيام
واحميها المسيره
غيّم ومطر افياي ******* وروي الضامي ياماي
يا شيخ العشيره

اله تروح يا عباس فدوه كل اسنيك
يوفاي اله فياي سوي من جفينك
__________________________________________
امك يبني ياحيد *******جيب الغانمه اتريد
وتفنيها الجحافل
تدخل خلها بنذار ****** الحومه سوها طشار
بجفك يابو فاضل
غيّر وكبّر وصول ***** واكسر ظهر الخيول
يل كلك مراجل

بلحروب درع صير احمي يمه حسينك
يوفاي اله فياي سوي من جفينك
_________________________________________
كضها الميمنه وغير ** خلي العسكر يحير
وحميها الوصيه
بيدك قدمه قربان******** ابني الهيبه عثمان
لحسينك ضحيه
نشمي جعفر وحوك******* نزله يشك الحلوك
ربيته ابديه

عبد الله بلطفوف اجه حتى يعينك
يوفاي اله فياي سوي من جفينك
_____________________________________________
شتطلب منك ام عون*******ماي اعصرها العيون
وخلك يمها حاضر
افزع كبل الاصياح ***** وخطف يبني الأرواح
وكسرها الخواطر
دوم اعله الخيم طوف ******* وزرّع يمهن الشوف
وجفك خله ساطر

الي هذا يعباس كله يرجع زينك
يوفاي اله فياي سوي من جفينك
___________________________________________
صوتك خله مسموع******** يا لثار الضلوع
يعله خل ندائك
احصد روس الكبار ******** بلطف اشتعل نار
راويهم وفائك
اطي الجف والعيون*********للحب هيج يضحون **
وترخص خل دمائك

وذر صير اله يهون حسين يمه ودينك
يوفاي اله فياي سوي من جفينك
___________________________________________
الخادم
أنور خلف البيضاني باز کردن / نظر دهید