2022-03-02 19:44:45
السلام عليكم و رحمة الله
جيت نعطيكم شويا نصائح للتفوق في مادة الفيزياء (علامة اكبر من 17 ان شاء الله)
1-قراءة الدرس و فهم مضمونه جيدا بمعنا كي تكون تقرا درس اعرف قبل الفايدة تاعو و على واش يهدر بالضبط
2-خصصو كراس ديرو فيه القوانين تاع كل درس و افكار التمارين مثلا الوحدة الاولى ديرو ملخص على اهم العناصر و القوانين لي موجودين فيها + افكار التمارين مثلا حليت تمرين و حصلت في سؤال ، اكتب السؤال و الحل تاعو في هذاك الكراس المخصص
3- المراجعة المستمرة للقوانين اي لازم تحفظوهم مليح و تركزو فيهم و خصوصا الملاحظات لي تكتبوهم باش ما تعاودوش نفس الاخطاء
4- كي تكملو كامل الدروس ديرو مراجعة شاملة و ابداو حلو تمارين البكالوريات تاع كل وحدة من 2008-2021 و كذلك مواضيع الاستاذ شنايت فيها افكار جميلة
5- كي تشوفو روحكم والفتو تمارين البكالوريات تما ابداو حلو المواضيع كاملة مع احترام المدة المحددة لكل موضوع مثلا موضوع فيه 3h30 حاول ما تفوتش 4h فالحل تاعو هكا تتعود على مواضيع البكالوريات
6-لي ميحبوش الفيزياء نقوللكم والله هي مادة سهلة و حلوة اعرف برك تقراها مشيهاش عقدات بزاف و تشبه للرياضيات 1+1=2 مكانش حل اخر فننصحكم تعتمدو على 70% فهم و 30% حفظ
ربي يوفقكم و لي عندو استفسار على مادة الفيزياء يخليها فالتعليق
https://t.me/way2021
461 viewsghachi rachida fifi, 16:44