آدرس کانال:
دسته بندی ها:
دستهبندی نشده
زبان: فارسی
مشترکین:
533
توضیحات از کانال
📝اهلا بخدام محمد وال محمد📝
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
0
2 stars
1
1 stars
1
آخرین پیام ها
2022-07-25 20:13:01
فزاعية لخدام الحسين ..ع..
هذا يوم الخادم
خل يلوم اللايم
-------------------------------
البارده ايامه شيسولف ما عرفهه و ينعـــــــذر
الايده بالماي اشتضنه عنده صحبه اوي الجمر
تعرف اللطام نشمي من تشوفه ازرگ صـــــدر
الخير انسميه خيـــر لو ركض لجل الستــــــــر
تحچي بيه الوادم
خل يلوم اللايــــم
-------------------------------
مثل هذا ولا تكلي الشغله مو يم المثــــــــــل
العنده حب حسين هذا تمسك بخير العمـــــل
اليصيح اترك عزائك وضحت بالمستهــــــــــل
انت وين اتريد توصل استقر يابو جهــــــــــل
ما يفوز الضالم
خل يلوم اللايم
-------------------------------
واحد يگول الشوارع كلهه باچر تنكطــــــــــع
واحد يكول المواكب بذرت يا هالربـــــــــــــع
مادره الضد المواكب واللطم و اهل الدمــــــع
باچر يحشرونه چنه امشارك بكسر الضلــــــع
لاصلاه لا صايم
خل يلوم اللايم
-------------------------------
العام كلهن سامعيهن راح نسمع هالسنـــــــه
بيك آمنه خطيره و منهه ناس امسودنــــــــه
وگلي يالميمون جلطت شاب هايم بالغنـــــــه
و سكر ام فلان صاعد يبچي شايبهه اعتنــــه
و مات واحد نايم
خل يلوم اللايـــم
-------------------------------
ما نبالغ بالقضية يصيرن و كلهن جـــــــــــــرن
مره سماعات موكب قلقن اصحاب الفتــــــــن
مره بالزنجيل طرحت عاجر و گالــــــــــو لأن
حيل غثتهه القصيده الگالهه ملا وطــــــــــــن
غثهه صوت الهايم
خل يلوم اللايـــــم
-------------------------------
هي بذره امن الله عمي و موش حي الله تطــگ
الما سگاهه من دمعته ما عرف معنى العشــــــگ
الناس شيضرك لطمهه و ليش گاعد تحتــــــــرگ
الما يحب احسين خايب .. ماوصل درب الصدگ
ذكره دايم دايم
خل يلوم اللايم -------------------------------
للشاعر و سام الغراوي
347 viewsالشاعر وسام الغراوي, 17:13
2022-07-25 15:49:24
موشح في حب الحسين ..ع..
لا تأمـــــــن دنيتك غـــــــــــــداره
بغير قايد تغرگ العبـــــــــــــــاره
ــــــــــــــــــــــــ ــــــــــــــــــــــــ
دنيا لا تركض وراهه و تنفتــــــن
ورد من الشوك يطلع لا تضـــــــن
بشر من المهد تركض للدفـــــــــن
حاير و بس دمعتك تتجـــــــــاره
ــــــــــــــــــــــــ ــــــــــــــــــــــــ
موش كل الناس ناس اقصد بعـض
و البعض مغشوش و بگلبه مــــرض
تنضرب مصلحته هوس و اعتــرض
و ينكــــر العشــره و يســـل بتــــاره
ــــــــــــــــــــــــ ــــــــــــــــــــــــ
الهه لا تنقاد المضيعـــــــــــه الدرب
و انتبه وكتك تره كلش صعــــــــب
صاحبـــــــك ويـــــــاك لو دور غلب
عوفه و اخلص رگبتي الخســـــاره
ــــــــــــــــــــــــ ــــــــــــــــــــــــ
صاحب البيه لوعه من يوم الخيـــــــــم
النشمي وي احسين نشمي اويه الخدم
فــــرق ابيــــن السفينــــــــــه و البلـــــم
الموج عالـــــي و شنهـــي بالله الچـــاره
ــــــــــــــــــــــــ ــــــــــــــــــــــــ
موش كلمن دگ صـــــدر معناهـــــه حر
عيب تجني اغراب و تسميــــــه صگــر
صويحبك لو صــــــار للخــــوه جســــر
اشتنگلـــــب سلايـــــة لو جمـــــــــــاره
ــــــــــــــــــــــــ ــــــــــــــــــــــــ
ونرجــــــع لمربــــــــــط فرسنــا الاولي
بغير قائـــــــد نغــــرگ احنا و نبتلـــــي
فــاز اليقـــوده الحسيـــــن ابن علـــــي
مـــــوش حــــي الله و ركضـــت لداره
ــــــــــــــــــــــــ ــــــــــــــــــــــــ
الفـــــرع صح هو من نفس الاصـــــــل
لچن مو حلـــوه الاصــــل من ينهمــــل
الاصــــل بالطف غريـــــــــب و منچتل
و رغــــــم هذا يرحـــــب بــــــــــزواره
ــــــــــــــــــــــــ ــــــــــــــــــــــــ
بيهه معنى احچايتي و مو عن بطـــر
لاتســــاوي النــــاس بالقــــدم نحــــر
حسيـــن خـــط احمر نشبهه ابيا بشر
واحــــد وكلهـــه ابيســــــاره اصفاره
ــــــــــــــــــــــــ ــــــــــــــــــــــــ
وسام الغراوي
379 viewsالشاعر وسام الغراوي, 12:49
2021-09-01 22:27:12
(قصيده بحق الامام زين العابدين عليه السلام)
عايش بس ميت ندريك
من الطف اجروح البيك
من گبل يومك متت .. مو هذا يومك
~~~~~~~~~~~~~~
على روحك تنقري الفاتحه مرتيــــن
يوم موتك مره . مره بذبح الحسين
انت مفجوع وصرت تتسمه بأسمين
انت زين العابدين وزين الونيـــــــن
ننشد يا جرح الاذاك
ياموقف اكثر بچاك
ندري حيل استعجلت .. مو هذا يومك
~~~~~~~~~~~~~~
نبرة احساسك تسولف عطش و دموع
و تسكن بدگة فؤادك سحگة اضلـــوع
حتى من يبطل نحيبك تبقى موجوع
ايسير اعليك بصفنتك راس مگطــوع
تودع من حسين الراس
تستقبل راس العبـــاس
يا امام اتعذبت .. مو هذا يومك
~~~~~~~~~~~~~~
خيمة احزانك جمرهه ماهفـــت يوم
خيمه محترگه بعليل ايطيح ويگــوم
اتنام خلگ الله و عيونك ناسية النوم
على عمتك ندري يبن حسين مهضوم
يضربون ايتامك وتصيــح
و عمتك من الناگه اتطـيح
باليتامه اتحيرت .. مو هذا يومك
~~~~~~~~~~~~~~
كافل اضعون النوايب رحت مچتــــوف
اشلون جروهه رقية و عينك اتشــــوف
خان بيك الحيل يالماتعرف الخـــــــوف
و ضهرك المكسور يشرح ضيم الطفوف
تنحب من سكنه اتناديك
بيش اتذكرك و تبچيـــك
ليا مصاب اتألمت .. مو هذا يومك
~~~~~~~~~~~~~~
كعبه للنوح و تطوف اعليــك الالام
گلت اه و اه لمن ذكــرو الشـــــــام
عشت من مهدك لگبرك جملة اعوام
دهرك بغدره رماك ارماح و اسهــام
سيف الفرگه الصابك چان
من دم حسينك غرگـــــان
و انت بيه اتصوبت.. مو هذا يومك
~~~~~~~~~~~~~~
الشاعر وسام الخيون الغراوي
1.4K viewsالشاعر وسام الغراوي, edited 19:27
2021-08-21 22:48:17
Live stream started
19:48
2021-08-21 15:43:05
ابوذيات عن لسان حال العقيله زينب ..ع..
امية اتفاخرت بالطـــــف بچتـــــلاه
اخوي الـ حته گاع الله بچتــــــــلاه
الشمر يسأل علي .. زينب بچت لا ه
بچيت و ترس دمعي الغاضـــــــرية
وحي الموت بوداع احسين يوحاي
گلت لا عمره عنده اليوم يو حــــاي
من صاحن بناته مات يو حــــــــاي
متت مرتين من نشغت رقيـــــــــة
تنيته يعود الي و مافاد متنـــــــاي
و انه لو ما عزيز الضاع متنــــــاي
اخافن لا يجي و يشوف متنــــاي
تره الكافل تهظمه اسياط اميــــة
ها عباس وعــــــــدك ذاك چا ويـــــن
على حالي الصخر لو حاس چا ويــن
چوو گلبي عليك و بعد چاويــــــــــن
عباتــــــــــــــــــي لمن احترگت علية
ينسه كل الم.. كلمن يره المـــــــــاي
اون لو ناضري مره يره المـــــــــــاي
عسه لا بالنهر بعدك يره المــــــــــاي
ضامي اتموت .. وتشربه ال امــــية
~~~~~~~~~~~~~~~~~~
الشاعر وسام الغراوي
1.6K viewsالشاعر وسام الغراوي, edited 12:43
2021-08-19 11:27:22
قصيدة بحق يتيمات الحسين سكينه ورقية عليهما السلام
لمينه بعباتــــچ ..يعمه
احسبينه بناتچ ..يعمه
يعمه وين ابــونا
شيريدون اجونا
يعمه
ــــــــــــــــــــــــــــــــــ
شنهو ضهر محني .. وچلمة سبي اشتعني
بعدنا ازغار ياعمه الرمل حار
عمه عليچ اللـــــــه .. ماشفنه عبــــــد الله
لعابه السهم لو يذبح ازغــــار
خيمتنه حرگوهــه ..ومن صحنه طفوهـــه
ذبو نار شو ياعمه عالنـــــــار
حصتنا البواچي.. يعمه
ماردنا التراچـي ..يعمـه
ليش يطـــاردونا
شيريدون اجونا
يعمه
ــــــــــــــــــــــــــــــــــ
عمه اجو لينــــه .. وصاحو بأسامينه
تعالن للسبي صرتن يتيمات
خفنا وتطشـــرنا .. والسوط لاحگنـــا
عمه هم يذبحون الزغيرات
نبچي ويضربونا .. نشكي ويشتمونا
ويگولون عمچن عالنهر مات
عمنه اللي يحبنه ..يعمه
ليش الهم تركـنه .. يعمه
بالخيل اسحگونا
شيريدون اجونا
يعمه
ــــــــــــــــــــــــــــــــــ
تجرحنا نضرتهم .. ترعبنا صيحتهم
ماعدهم بنات ازغار هالنـــاس
ماضل رحم بيهم .. ياعمه حاچيهم
اذا ضربونا والله نصيح عباس
سكنه ورقيه احنه .. وحسين والدنه
ما عدنا ذنب بالخيل ننـــداس
من عالگاع نعثــــر ..يعمه
نسمع صوت منحر ..يعمه
گمنه وطيحــونا
شيريدون اجونا
يعمه
ــــــــــــــــــــــــــــــــــ
زينب تجاوبهـــن .. تبچي وتسكتهن
ردن يا بنات السحگته الخـــــــيل
ياسكنه يرقية .. اتوجهن ليـــة
عطشانات مابيچن بعـــــد حيـــــل
يا بعد عمتچن .. الركض تعبچن
لتضيعن يعمه جاينـــــا الليـــــــــل
يا بعد النواضـــر ..يعمه
مكسورات خاطر ..يعمه
عدوان وسبــونا
شيريدون اجونا
يعمه
ــــــــــــــــــــــــــــــــــ
ياعمـه خل نمشي .. عمه انتهى كل شي
نامو عالتراب ومـــــا يـــــــــردون
اعزازنه الراحـــو .. مثل الورد طاحــــو
هسه انه الكفيله لهاي الضعـــــــون
خوتهم الحلوه .. لله غدت فدوه
ماعندچ بعد خـــوان يم عــــــون
سفرتنا طويله ..يعمـه
عالنوگ الهزيله ..يعمه
بالطف هألولونـه
شيريدون اجونا
يعمه
ــــــــــــــــــــــــــــــــــ
لخادمكم الشاعر وسام الغراوي
@wsamkh انضمام
@Wskh12 تواصل
1.2K viewsالشاعر وسام الغراوي, 08:27
2021-08-18 21:02:07
(قصيده لسيدي عبد الله الرضيع ..ع..)
هذا نحر لو عطــــــر ..شيريد منه النبــــــل
يستهدفون الضـــوه ..يحسين غطي الطفل
اسمر اگماطـــــه لأن.. مثل الشمس مشـتعل
~~~~~~~~~~~~~~~~~~~~~
ضم الطفل .. مو تدري عدهم مشكله اوي الورد
ضم الطفل .. خافنه يصعد للسمه و مايــــــــرد
لا تنتضــر .. الماي عدهم اغله من الشــــــــــرف
لا تنتضــر .. نيتهم ايذبحون در النجــــــــــــف
ما عدهم اگصص تنز .. يحسين صبخه الگصص
ما شامين الشـــــرف .. بس سامعينه بقصــــص
ومن الله تدري بعـــد .. الغيره ما تنشتــــــــــــل
اسمر اگماطــــــه لأن.. مثل الشمس مشـتعـــــل
~~~~~~~~~~~~~~~~~~~~~
يشرب وفه .. الما شرب من ماي گوم الشمـــــر
يشرب وفه .. لو غيمه ترفه اعله الثغر تنعصــر
من شيبتك .. دني رضيعك خله يشرب ضـــوه
من شيبتك .. لا مو اقل عبد الله هالمستـــــوى
يستاهل ابنك بعـــــــد .. يشرب رحيـــق و برد
و لشفافه يمشي النده .. جيت فراشـــــــه لورد
و اهلال بس من عسل .. فوگ الشفايف يهـــــل
اسمر اگماطــــــــه لأن.. مثل الشمس مشـتعــل
~~~~~~~~~~~~~~~~~~~~~
لا مو طفل .. ياقوت حر و من ضهر يا ذهب
لا مو طفل .. بس عمت عيني ذابل امن التعب
لا ينحسد .. سويله محبس ازرگ امن السمه
لا ينحسد .. لا يگ عليه حتى العطش و الضمه
احساسه عالي يحس .. بالجنه لازم يمــــــــر
و المحسن ا يصاحبه .. متقاربين العمـــــــــــر
و يسولفون المضــــن .. بسمار نبله و حبــــــل
اسمر اگماطـــــــه لأن.. مثل الشمس مشـتعــل
~~~~~~~~~~~~~~~~~~~~~
لحظة جرح .. عبد الله ناغاه السهم بالنحـــــــــــر
لحظة جرح ..مدري العرش مدري الحسين انكسر
دمه صعــــد .. ولهذا يوم الله بعـــــــــــــد ما نزل
دمه صعــــد .. نورس ذبيح بحضن ابوه انكتــــل
چنه ابتسم هالطفــــل .. حسباله ماي السهـــــم
مرت ثواني و عــــرف ..كوكب رگبته انثلـــــــم
شمعه و طفاهه النزف .. مابعد يلتم شمــــــــــل
اسمر اگماطــــــــه لأن.. مثل الشمس مشـتعــل
~~~~~~~~~~~~~~~~~~~~~
يحسين اخذ .. عبد الله لمه لازم اتودعـــــــــه
يحسين اخذ .. دمعات منك بلچن اترضعــــــه
ما ينوصـــف .. حالك بهالموقف يشيخ الصبـر
ما ينوصـــف .. ماينجبر والله وچبير الكـــسر
شتگلهه امه بعــــــد .. وانت مصابك اشـــــد
و شيحچي ياهل تره .. ذاك المضــــــــيع ولد
مو بس ولد ينحسب .. شيال غيره و حمــــل
اسمر اگماطـــــه لأن.. مثل الشمس مشـتعــل
~~~~~~~~~~~~~~~~~~~~~
الشاعر وسام الغراوي
1.4K viewsالشاعر وسام الغراوي, edited 18:02
2021-08-18 17:30:05
قصيدة ليلة العاشر من محرم
الليله ماننـــــام ..باچر حرگ خيام
باچر كطع چفوف ..يازينب الطفوف
الليله نسهر زينب ايسهر حزنهـه
نحط ملح بالعين لا يطبگ جفنهـه
اشلونهه بيا حال وبياطور ونهــه
باچر ايروحون كل اخوتهه منهـه
خل اليلوم يلــوم ..نوح وعزاء اليوم
فوگ الخيم نحوم ..يازينب الطفوف
الليله بالمجلس نواسي الزهرة بيهم
غربه خلونه سوه نبچي لبچيهــــــم
بلچي هاي دموعنه اتهون عليهــــم
وتروي باچر طفل يتلوه بديهــــــم
صب يادمع نهران ..اروي طفل عطشان
مو بالخيم نيـران .. يازينب الطفـــوف
اليريد ايواسي شوغات اليتامــــــه
بچفه كون اعله الصدر يرسم علامـه
اتخيل العباس من جرد حسامــــــه
وشمر چفينه امن اجل نصرة امامــه
ون اعله راعي الجود ..واتخيل العامود
وينه حليف الــــزود ..يازينب الطفوف
باچر اصعب موقف بطف المنايــــه
من يجروهه بحبل جر السبايــــــه
تعاين لعباس مارفتله رايــــــــــه
ولاحسين يگوم من بين الضحايــــه
ينسطر خدهه وحيف.. محد يهد بسيف
ولايجي حيدر ضيــف ..يازينب الطفوف
الفاگده اخوان اليسليهه بچيهـــــه
من يرد الگام يتجاسر عليهــــــــه
وتدري معذورالكفلهه مايجيهـــــه
ولو يجيهه يموت من احبال اديهـــه
بنت الجواد اشلون ..تمشي اوي اليكرهون
ايساعد الله ام عون ..يازينب الطفـــــوف
الناس تعرف ساسهه وتعرف نسبهه
اشلون هذا وذاك بت حيدر يسبهــه
ياهو يفزع لونذل بيده ضربهـــــــه
المن اتوجه يهالوادم عتبهــــــــــه
متيسره بين انذال ..بت فاطمه بيا حال
وكافل ضعنهه شال .. يازينب الطفوف
لخادمكم الشاعر وسام الغراوي
لمتابعة كل جديد.. @wsamkh انضمام @Wskh12 تواصل
933 viewsالشاعر وسام الغراوي, edited 14:30
ا
