هلا بالساحگ زلمها وخيلهه هلا بالكاسر گفاها وحيلهه طبها وعيونه | خادم الحسين محمـد الـربيعـي
هلا بالساحگ زلمها وخيلهه
هلا بالكاسر گفاها وحيلهه
طبها وعيونه زعل متروسات
اليمنه عل يسره بصطرته يميلهه
طباها هلا بعم الساده
خلاها حدر جدمه القاده
ليخزره بعينه يخطف لونه
بالحومه الجيش اجه رداده
أبو فاضل أبو فاضل
°°°°°°°°°°°°°°°°°°°°°°
وطبها يتبسم ابن البدويه
بعين أبو فاضل الجيش اشويه
من جهنم أحر غيض اجفوفه
ينسه اسمه الطگه اخو العلويه
ادخيله اذا مال الحاجب
بعيونه غضب الله جايب
يامية هلا براعي الغيره
بجفوفه شرها شارب شارب
أبو فاضل أبو فاضل
°°°°°°°°°°°°°°°°°°°°°°
يالمغير بالحرب قانونهه
ادخيل جفك يلمشلع اعيونهه
الجيش شارد كله منه ابلايه روس
يلمرجع الزلم حد امتونهه
گدامك الجيش يركض حافي
ودخيلك كلها صاحت كافي
شايلها الحومه ريشه بإيدك
من صوته بگبره فز الغافي
أبو فاضل أبو فاضل
°°°°°°°°°°°°°°°°°°°°°°
شلت بجفوفك الحومه وناسهه
قد نزل في المعركه خلاسهه
الزلم حنطه وتطحن ايدك بيهه
امنين ما شردوا طلع عباسهه
اطشرها اتلمها انت بكيفك
بالحومه خذت منهم حيفك
محتاره الزلم تركض صاارت
يابخته السلم من شر سيفك
أبو فاضل أبو فاضل
°°°°°°°°°°°°°°°°°°°°°°
موت احمر عل زلم من جيتهه
وصعدوا اعله النخل من طبيتهه
اتيها اركاضه التخزره اعيونك
والمشرعه خيل وزلم طميتهه
أبو فاضل ومنو گد ازماطي
گتلهم آنه مگطع اگماطي
معبرهم ورى احدود الكوفه
المملكته رجع ملك الشاطي
أبو فاضل أبو فاضل
