خطاب مولاتي العقيلة صلوات الله عليها مع شهر محرم الحرام دا | خادم الحسين محمـد الـربيعـي
خطاب مولاتي العقيلة صلوات الله عليها
مع شهر محرم الحرام
دار اهلالك عام بعيني والهسه ادموعي عله حسين
شتضن انسى النايم عاري لو للقدم جف وعين
يامحرم الهسه جرحك بيه
يامحرم صوت اسم مسبيه
يامحرم يمرني كل ضهريه
°°°°°°°°°°°°°°°°°°°°°°°°°°°°°°°°°°°°°°°
اني وي اهلال جرحي وذكريات اتفز همومي
نزل خالي إمن هواشم شلون مابي نوح يومي
انكسر لو طب سلفنه وماكو جف لخواني تومي
جنه طلعت ضهر عاشر وحدي والكسره برسومي
ليليه تنعاد الخيم وتنزف حنين ايامي
اذكر عيون ابو الفضل الجانت أمان ايتامي
امشي ابين ابيوت اخواني وبجفي اومي اعله البيبان
لتضنين امهوده جروحي ميته ام عون بلايه اخوان
يا نزلنه الخالي من اخواني
يا نزلنه وطن شال احزاني
يا نزلنه الطاح كوسر فّيّه
يامحرم يامحرم
°°°°°°°°°°°°°°°°°°°°°°°°°°°°°°°°°°°°°°°
يمر صباحي وسمعي يعطش جلمة الياخويه منهم
اليا صباح الخير خويه الصارت ارماد ابخيمهم
الهذا يومي عيوني تبجي وراح تعمى امدللتهم
اتذكرت يوم الطلعنه مدلله امشي بفّي علمهم
الله يا ذاك الدرب الماشيته وي اضعوني
كل ساعه قاسم لو علي بعيونه اكحل اعيوني
شلون انساهم وانه بعمري ما اطلع الها اوعباس
بالرايه يبرگعلي الهودج لا تنظرني عيون الناس
وبغيابه نشاف دمع اعيوني
وبغيابه الهضم غير لوني
وبغيابه الحبل گص ايديه
يامحرم يامحرم
°°°°°°°°°°°°°°°°°°°°°°°°°°°°°°°°°°°°°°°
كل صور ذكراك جمره تجوي كلبي بكل مسيه
صورة حسين وبناته ونايمه بحضنه رقيه
من دفوا احضانه الخرابه وشدوا ايديها بأديه
اتنام وتفز من اذنها تصيح يمته يمر عليه
تسألني بس لا والدي يمرني ويشاهد حالي
هلبت اثر عيني يخف ماريد اجرحه الغالي
جابوا راسه كبال ابنيته وكعدت تحجيله بدمعات
جا حضنك وين اوين اغفى يعني انت البحضاني اتبات
عذبتني ع الطشت من شاغت
عذبتني اشبگت راسه وماتت
عذبتني الها اون ليليه
يامحرم يامحرم
°°°°°°°°°°°°°°°°°°°°°°°°°°°°°°°°°°°°°°°
مو نهار المر عليه من حجوا طاري سبينه
عالتراب اخواني وحنه عالهزل مجتوفه ادينه
شايله اجفوفي وتاني إمن هلي جف ينشال لينه
هسه اخو يودعنه هسه ومن مشه الحادي بجينه
ما اندل بذاك الدرب يهلي وصحت مهضومه
عشت ويخوتكم عمر وتالي رحت محرومه
نمشي وروس اخواني اويانه وضعني بطوله دموع نياح
وعصبت اعيون ابنياته يموتن لو صدن لرماح
وبسبينه كل ثلاثه بناگه
وبسبينه كتل خوله افراگه
وبسبينه الهم كتل صفيه
يامحرم يامحرم
°°°°°°°°°°°°°°°°°°°°°°°°°°°°°°°°°°°°°°°
يمرنه الغروب ومواجع تنفتح وي كل غريبه
بدار ابو الأكبر يكعدن وكلمن ينوح الحبيبه
وأم رضيع اتفز وسطنه تصيح حل موعد حليبه
الليله عطشانه ارد الولي وطول ابني منين اجيبه
مشدوها تركض للمهد وتكعد تسولف يمه
ماحنت اعيونك الي مشتاكه اضمك يمه
وسطتنه اتحط مهده وتنعى وبأسمه أتوزع بالماي
بثواب ابني اليابس جبده وبالحر ضل ابلايه فياي
لا تجينه ياهو ينسى العاشر
لا تجينه بأذني صوت الحافر
لا تجينه بعيني دم ترجيه
يامحرم يامحرم
