ابو ضامن محمد الزيدي (313)

2022-08-31 21:18:37 عنوان القصيدة (هذا المشي)


هذا المشي --- ماكو أحلة منه
هذا المشي --- ماكو أحلة منه

*-*-*-*-*-*-*-*-*-*-*-*-*-*-*-*-*-

ذاك العام
مالة وصف مشينة والسنة هم ماله وصف

والخدام
كصدو الك يغــالي ورايــة على راية تــرف

يمولاي
دنيا صـفت غريبـة سيـدي بـس انـتة عرف

هــذا المشــي وبــعد ماكــو أحـله منه
كــل موكــب اليمر يســحكــله جــنه
اليمشي على نيتة ويــواسي زينــب
كاع الله لو مشــــة يترســـهه حــنـه

الله الله -- ماشاء الله

مدري هاي نجوم لو مواكب
ما تهــمهم كــل المــصاعـب
ترســو الكيعــان بمشــيــهم
الكون كله عليهم يــراقــب

*-*-*-*-*-*-*-*-*-*-*-*-*-*-*-*-*-
مــلايــين
بيهه عشك حسيني كلهه على الفطرة مشت

الخدم هاي
مــن كثر اشـتياقك زاعـلـت الـدنيا وإجـت

والگلوب
بيهه جمـر خيـامك وي حـرگ الخيمة دوت

مــن الـبحر مشــو والنـية نـحـرك
مثل المطر اجوك جا شنهي سرك
بــدربـك فــلا نـتـيه يا قـبلـة الله
يدلينة من نزور يالـغالي عطـرك

الله الله --- ماشاء الله

شني هــاي النـاس الملايــين
كلهه تمشي وتخدم بالحسين
اتـقســمـت زوار ومـعازيــب
بـأربـعـينك ياشـمـعـة الـعـين

*-*-*-*-*-*-*-*-*-*-*-*-*-*-*-*-*-
زلم هاي
كلهه وفة وشهامة علمو الدنيا درس

المعازيب
من يجي يمهه زاير يعني تقدملة نفس

بالخيام
جمرة جوت گلبهه وسفة ترجعهه شمس

شيب وشباب اجوك يابو رقية
يـمشـيهم اشتـياق للغـاضـرية
العنــدة والفـقـير نـصبو مواكب
بفرض العشك تصير كلهه سوية

الله الله --- ماشاء الله

فـقــرة ونحب دوبك يــمـولاي
يا عطــش ياســر لـــذة المــاي
شما نخــدمك هم بينة تقصير
شوية هاي الخــدمة يالهــواي

*-*-*-*-*-*-*-*-*-*-*-*-*-*-*-*-*-
اشحلاتة
دربـك اذا نگـصدة منـة فلا سـاعة نـمل

بالنهار
يبدي مشي المشاعر والدمع بخدنة يهل

والغروب
تنجمـع الـمـواكب ربنـة يــلم بيـنة شمل

مانـــعـرف التــعب لـمن نجيلـة
ماطول أبو الحسن يطينة حيلة
ماجنة كـل سنة نمشي لعمرنة
نحسب للاربعين ليلة على ليلة

الله الله --- ماشاء الله

تــحـلة بالــمشاية المشـاعر
الكون كـلة بالخـدمة حـاير
والحجي الگلنا هم نعيدة
بخت عندة اليخدملة زاير


ابو ضامن محمد الزيدي باز کردن / نظر دهید

2022-08-31 21:16:59 القصيدة : (هذا المشي )

اداء: الملا علاء التميمي

كلمات: ابو ضامن محمد الزيدي

قافلة احزان الرباب

-المشاية المقدسة 1444




باز کردن / نظر دهید

2022-08-22 04:45:08 شور كعدة ( ذابلة من الضيم )


على اعزازك ها گلبي كوم واقرة الفاتحة
ضال بس عطر الهواشم والهواشم رايحة

خــاليات بيــوت اهـلنـة من العـزاز
والمضايف شايلين زلامهه
رايـحين من الـصبح يعزازي وين
النوك تمشي والبخت كدامهه
يهلي عدكم وردة جا عفتوهه ليش
ذابلة من الضيم محد شامهه

اليوم ماهية المحنة وفارغــات بيــوت أهــلنة
شلون بيه من الصبح
الضعن شيبلي رمشي وحيلي وي ممشا يمشي
وعاف بية شجم جرح
اليوم روحي ماهي طيبة مابقتلي ولا حبيبة
الفرگة تذبحني ذبح

حجرة حجرة افتر عليهن والمدامع طايحة
ضال بس عطر الهواشم والهواشم رايحة
***
تـلاحـكـولي الـلــه ولـــحـد راح امــوت
روحي خلصت من جفوهه احبابها
يـهلي جا شنـهي اختلـف عــن الـبنـات
ليش بتكم ما حسبتو حسابها
الشمـاتة تشـوفني وحـيــدة وتـصـيح
هــاي الـبنية الأبـوهــه ذابــهـا

جويعدة وبالباب أتاني محد من عزازي اجاني
ونشف دموعي التصب
لا كماط ولاتراجي كلبي طك من البواجي
مــنيـن اجـيـبلي گــلب
كل مسية يفور دمي الخيل تفتر فوك حلمي
وخيمة تسبيهه غرب

بالحلم جن ضعن اخوتي علي تصيح الصايحة
ضال بــس عطر الــهواشم والــهواشـم رايــحة
****
يــغالين علــى الگــلب ومحــملـين
انا شـو ما جني عدكم غالية
نوك خير من الله ضل بيهن مجان
ليش عفتوني بحجرتي الخالية
رايــحـين لـيـا ذبـح والـدنيا خيل
هونكم يهل الصدور العالية

وسفة والوسفة ثكيلة يهلي مو بتكم عليلة
ياهـــو يطـيهه دوة
بشوفكم ترتاح عيني طـايبة لو ماخــذيـني
ويترس عيوني الضوه
دنيا موش بمشتهاتي عايــفتني بلا خــواتي
الـبيهـن اشـتــم الهــوه
عالدرب ممرودة عيني وروحي الشابحة
ضال بس عطر الهواشم والهواشم رايحة
*
رايـحين لديـرة ماترحـم حنين
الله يستر يهلي من تاليهه
من تضيع بنية منكم بالطريج
براس ابوهه محد يدليهه
وخيل تعبر فوكك وترجع عليك
ياغريب ومالك احد بيهه

شجابكم ليهه يغربة كربلة يگولون صعبة
وما تحب أهل الصدك
والله بيهه كلوب صلفة عدل ميت ماتعرفة
تبـوك ثوب الينسحك
يهلي عبد الله شحلاتة السيف شيسوي بلهاته
يخرب رسوم العشك

الله لايطي اليعطشة ولا يخلي الذابحة
ضال بس عطر الهواشم والهواشم رايحة

ابو ضامن محمد الزيدي باز کردن / نظر دهید

2022-08-22 04:44:44 القصيدة - ذابلة من الضيم

•اداء | علاء التميمي

•كلمات | ابو ضامن محمد الزيدي

• موكب عشق علي (ع)

• العراق | البصرة



باز کردن / نظر دهید

2022-07-19 17:00:26 (جيش الحسين )

لوذو بالحسين لوذو بالحسين

°°°°°°°°°°°°°°°°°°°°°°°°
جيش الحسين
وگـفو استعداد لـلمخيم
خيـطو رايــات لمــحرم
دگو طبول الخدمة وصار انذار
جيش الحسين
حضرو نهران الــمدامـع
سودو حيطان الشوارع
فزعو لعاشور مــن اول تســيار

جيش الحسين
لا ما يگدرة واحد -- ما عندة هوه قائد
بس حسين
اصطفت السرايا --- وشالت بديهه راية
تكحل العين
للعـاشر اسـتعدو --- شوك وعـشك تبدو
نشــميـيــن

حي الله المجـالس وهــلال العــشك
جنود الخدمة ركضو ركضت محترك
بجـفـوف النشـامة يــا محلـة الـلـوة
رفــعـو رايــت الله لـلسبــعة الــزرك
°°°°°°°°°°°°°°°°°
مستعدين
للبــــجي وللــدم والمــجالس
عابس يحط ايدة عله عابس
وطلبو الحيل من جفـوف العباس
مستعدين
دولــة الــعشــاك شــكبـــرهه
للطــم نــذرت كــل عمــــرهه
والعــبيد البيـــهه يرفعون الراس
مستعدين
اشتعلت المواگد ------- وانكتبت القصايد
للمذبوح
بكل ديرة تلگة ناعي --- بدم الطفل يداعي
وبسمة ينوح
وجه السمة تغير --- بي صورة جنهه منحر
كله جروح
يحسين الخدم بيك شكد سولفو
من ذيجة السنة وخدامك ما غفو
وي دم الــمنـاحر نــزفـو دم الـك
وي نـــار المــخيم شــبو وانطــفو

°°°°°°°°°°°°°°°°°°°
بحزن الضعون
كبــرو خــدام الــــواكــب
لم شملهم فرض المصايب
اخوه والحب صارلهم اقدس لون

بحزن الضعون
سولفو من فدوه الحجيهم
مالح وما ينــمل بــجيـهــم
اتعلمو من عابس غيره ومن جون

بحزن الضعون
باجر يشع ضواهم ----عونه اليشم هواهم
جنهم ماي
ما تخلص الخدامه ---- لحدما تجي القيامه
خير هواي
محد وصل عشكهم ---- خدر الكمر خدرهم
عثك فياي

بيــهم مالت الـله يـنشد الضهر
ما يبرد لطمهم عالضل عالنهر
جنهم صدرك الطايح فوك الرمل
بالحـافـر گلبهم لعـيونك عثر

°°°°°°°°°°°°°°°°°°
جنهم اخيام
محترك لحسين كلشي بيهم
اسـباع مـن عـين الله عليهم
هــيه هـيج الخـدمه لـو مـا تـراد

جنهم اخيام
أحـله مـا بـالدنيا عطرهم
اسم زينب شاده فكرهم
ما يـدورون ويا اهل البيت مراد

جنهم اخيام
ينضح وفه حزنهم ---- لا ما طفه جمرهم
ضاوي الشوك
منـهم اخـذ محنه ----- بـاجر نلـم شـملنه
بدم محروك
كلهه الزلم تناطر ---- ذبحولك الخواطر
يالمسحوك

مــــا رادو حــيـاة ولا رادو عــمــر
عدهم غايه وحده ينصرون الخدر
ماهز شعرة منهم يحسين الحجي
تكبـر نارة كلـما يخـتاض الجمـر


محمد الزيدي & أنور السهلاني باز کردن / نظر دهید

2022-07-14 19:49:54 ابو ضامن محمد الزيدي (313) pinned « القصيدة - جيش الحسين •اداء | علاء التميمي •كلمات | محمد الزيدي انور السهلاني • هيئة جواد ال محمد (ع) • العراق | الديوانية

باز کردن / نظر دهید

2022-07-14 19:47:13 القصيدة - جيش الحسين

•اداء | علاء التميمي

•كلمات | محمد الزيدي
انور السهلاني

• هيئة جواد ال محمد (ع)

• العراق | الديوانية



باز کردن / نظر دهید

2022-06-17 01:41:50 قناة الشاعر الاستاذ حسن نسيم الكعبي

سوف يتم نشر قصائد محرم

مع الالحان في القناة

https://t.me/yahussan98 باز کردن / نظر دهید

2022-05-17 16:18:05 قصيدة [ سيـــف الحـــرب ]

دخيــلك يا أيها الساقي
لا وجه الا وجهك الباقي

ياسـيف يالبــحرب يحتار بيـك الـدم
عـبـاس لـمــن تـغيـر الـمـوت يتــلثـم
يا زلمــه مثـلك يطب للعركه يترهدن
يذبحله سبعين الف بس يطلع مهندم

طـاريـك لمـن ينـجـاب
لا جيش يبقـه ولا بـاب
على حيله
رمشك وسيفك يكحيل
يتـشابهـن جـانن حـيـل
بـالـمـيلـه

يبن علي ومن علي وفي علي أبا الفضل
مــعتمـدي وسـيــدي وكـافـلي أبا الفضل

<><><><><><><><><><><><><><>

يـا عـيـن مـاتنـطبـك لـو حان يوم الكر
شاهين وكت الحرب فوك الزلم تفتر
مـاشـايف آنا إزلمه يدخن اذا يـغضب
لاشــايف آنـا گـمـر منه الشمس تحتر

محـــتار عبــدك مـحتار
يهــواي وعــيوني زغـار
شتشوفك
قـران مالـــك تـــفســـير
من حگهه لو عيني تحير
بجفوفك

بيك الخلك من سولفو گالو كــمر ابا الفضل
ليش الشمس لو شافتك تعرك نهر ابا الفضل

<><><><><><><><><><><><><><>

ليش على كبر الأرض مثل الهوه تعرض
وغير أنته واكف جنت ليش الزلم تركض
سـهران خصمك شهر بس انته مـا مهتم
أنته الطلابه بحلم من تدخل الهه تفض

يحــتار بيـك الخيال
بس انته ما داير بال
لعلومه
مخبوصه والدنيا صياح
بس انته واكــف مـرتاح
بالحومه

نايم جنت وكبالك تطيح الزلم ابا الفضل
يافارس الكبلك يعارج بالحلم ابا الفضل

<><><><><><><><><><><><><><>


لا هــيه شغــله عمـــر وي العــمر تنقص
لا هيـــه شغلة وكــت وي الوكت تخلص
حبيـــنه جفــك لأن جفك صدك ينحب
يرخص عليك النفس بس انته ماترخص


الــناس ختــحب الناس

واحـــنه نحب العبــاس

شعلينه

ما نــندل الدنيــا منــين

خلــينــه بيــك متيهــين

خلينه

فوك الضلع موش الگلب أنته التدك ابا الفضل
ونهز ادينه شما يمر غيــرك عـــشك اباالفضل


-ابو ضامن محمد الزيدي باز کردن / نظر دهید

2022-05-17 15:23:47 خدام الحسين (عليه السلام) يشرفني تواجدكم داخل القناة
قصائد منبرية حسينية

شكثر ما أستحي لو انجرح يــوم
اندبك ونسه جسمك شابع اجراح

للتواصل.....
@Mohamed_moslim
https://t.me/mohmed_mosslim باز کردن / نظر دهید