2021-08-19 13:52:54
تذكير
لكي لايتكرر ماحدث سابقا
تبدأ امتحانات السادس الاعدادي الساعة (( السابعة )) صباحا
طلاب يرجى منكم النوم لمده ٥ ساعات تقريبا قبل الذهاب للامتحان
ارجوكم ناموا حتى تركزون
قبل الامتحان اذا منمت كلشي مراح تتذكر
اياكم تروحون بدون نوم او ريوك نام من ال١٠ بالليل واصحى الفجر راجع شويه وطب للامتحان
المراجعه لحد الساعه ٦ صباحا فقط اياك تراجع بعدها
تحضر وصلي ركعتين وبدل وروح للامتحان
لتشيل شي وياك بس قلمك الجاف لكتابه الاسم وقلمين رصاص ومساحه بس لا تحل وتخاف وتمسح هوايه حل بتركيز ومقطاطه ومسطره
كل فرع جاوبه بصفحه لتخبط الاسئله الدفتر المتوفر هوايه اوراقه وتكفي وزايد
كل فرع بصفحه
حسن خطك زين واكتب بقلم رصاص طوخ لا تكتب بابو النبالات الناعم الفاتح خلي خطك جبير وواضح
لتهتم لاي شي يصير داخل القاعه من تاجيل بعض الطلاب للماده
يعني اذا كم طالب حجه وكال اريد ااجل معليك بيه ركز بمادتك
وحل اخذ وقتك الكافي
لتلتهي بقرائه الاسئله وتكول هسه ارجع اكمل الحل اياك تنسى تره
كل فرع توصله حله بصفحته والناسي خليله فراغ صفحه واعبر بالنهاية حدد الفرع اللي تريد تتركه
اي مراقب جاي يراقبك هوه مو عدوك هوه وياك ويريدك تطلع درجه كامله ومسؤول على منعك للغش اولا امام الله وثانيا امام ضميره وعمله مو جايين ضدك وياك والله همه ما يتربصولك حتى يكمشوك غش او ياذوك بالعكس فلتحاول تبقي شي بجيبك او تحاول ان تغش حتى لا يضطرون انو يطلعوك من القاعه
الغش تره يحرمك سنه كامله يعني دور ثاني ما الك عسى ما غشيت اخر امتحان بس فانتبه زين ولتخاف حل الدرسته خلال هل سنه
مصيرك بهاي الايام لتضيعها
فتعامل وياهم بلطف لان ذوله اساتذه محترمين وحتشوفهم يكونون وياك ويدعولك ويفرحون من تكمل حل كل الاسئله وتطلع فرحان
لكن ايضا استثني بعض الاساتذه اللي جايين يراقبون من وره خشمهم اي واحد يحجي وياك خارج الضوابط او يكلك قبل الوقت ما ينتهي سلم الدفتر كله استاذ مع احترامي اني مستقبلي هنا فلتحجي ويايه خليني اركز
وما اعتقد اكو مراقب حيأذيك الا نادرا جدا
حتى لو القاعه صارت هوسه لتدخل انت ولتضيع وقت وحل
التوفيق من الله عز وجل لجميع الطلاب وان شاءالله الكل باحسن كليه ينقبل ربي يحفظكم ابطال
انتو سويتو الشي المحد كدر يسويه درستو باصعب ضروف فالله ما ينساكم ويوفقكم بجاه الحبيب محمد صلى الله عليه واله وسلم
367 viewst.me/yahya_alobaydie الاستاذ يحيى العبيدي, 10:52