حقيقي موضوع.. ـ البنات وشرابهم للشية في الشوراع وكمية من التفاصيل المؤسفة .. الواحد ماعارف يلقي اللوم علي منو بالظبط.. هل هي البت من نفسها عارفة وفاهمة وعاجبها الوضع دا اللي مخالف للشريعة ولعادات المجتمع ؟ ولا الأسرة غائبة عن المصائب الحاصلة دي وماعارفة البحصل في الشوراع وفي الكافيهات وفي الأماكن العامة دي ؟ ـ ياريت كل شخص فينا يراجع نفسه ويحاسبه .. لي الناس بقت بعيدة عن التربية الدينية لي بقت مابتخاف ربنا وبتتصرف بالطريقة دي.. ياريت الناس تستوعب انو ربنا ما خلقنا عبث خلقنا عشان الدين عشان العبادة .. ﴿أَفَحَسِبتُم أَنَّما خَلَقناكُم عَبَثًا وَأَنَّكُم إِلَينا لا تُرجَعونَ﴾. الحرام حرام ماعايز نقاش ونحن ما دورنا نحاسب الناس .. ـ بس الدين النصيحة والناس لابد ترجع لي ربنا وتتقي وتبعد من الحاجات البتعملها تحت مسمي الحرية .. الحرية لما تتجاوز الحلال يبقي ماف ليها داعي أساسا .. ـ أنت كشخص مسؤول اكيد عارف الصح والغلط يبقي ما محتاج شخص يوعيك .. ـ وأنتو كأسرة لاذم يكون دوركم ما بس الأكل والشراب تابعو أولادكم وراجعو تربيتكم .. ماتقول واثق منهم الثقة واجبة لكن أنت ما حتقدر تثق في المجتمع الحوليهم ولافي الناس البتعاملو معاهم .. أغلب الناس بتضيع بسبب أصدقاء السؤ شوف أولادك ديل مصاحبين منو وبطلعو وين وبجو من وين والحاصل شنو حاول تكون قريب ليهم .. حاول تتكلمو معاهم وتصاحبوهم هم في سن محتاجين لي الإهتمام أكتر .. ماتعملو الحرية شماعة راجعو نفسكم الموت قريب .. وصدقني السكة دي نهايتا غير التعب والمرض النفسي ما حتلاقي فيها شي وحتندم شديد وساعتها مابفيدك ندم .. حاسبو أنفسكم قبل أن تحاسبوا والموت ما بديك فرصة يخوانا الموت حايم حوليك .. أنت مستعد تقابل الموت في الوضع دا بين سجائر وشيشة وتفاصيل كتيرة ماف داعي للذكر .. الموت ما بجي يأخد أذنك يا حبيب فتح عيونك وألحق نفسك قبل ما تضيع .. والله الوجع كتير الواحد ماعارف يقول شنو ويخلي شنو رايكم شنو انتووو ... 730 views11:34
