_صباح الخير يا وطن =حازم أنا زعلانة منك وماشه بيت أبوي اسسسي.. _يا وطن مالك قولي بسم الله هو أنتِ حلمانه ولا شنو، الزعلك منو أسي أهو بصبح عليك ياداب ... =صباح الخير يا وطن حاااف كده، غريبة أنا؟ _اوباااا يعني الليلة مفعلين وضعية النكد، طب معليش صباح الخير يا وطن مرتي وعيوني، ارتحتي؟ =قصدك أنا نكدية؟ ارتحت؟ يعني مجبور علي ياحازم طلقني... _يا وطن عليك الله خففي شوية النكد عشان مصدع حبة لبعدين واصلي =قصدك صدعت بيك طيب لو ما استحملتني أنت بستحملني منو، اوف ياخ سلامتك وطالعة أنا _اوكي أعملي البريحك =فعلاً حبك اتغير حتى ما بهمك أطلع وين _طبيعي حتمشي لي ملاذ صحبتك =فاكرني متوحدة بس عندي صاحبة واحدة يعني أنا كعبة في فهمك؟ _ههه والله ما كده وطن الله يرضى عليك بطلي عبط = معليش ما كنت تتزوج عبيطة من الأول رجعني لأبوي _ماهو أنا أبوك ماشه مني وين = ما أبوي ولا شيء أنت بتكرهني _أكره كل الدنيا ولا أكره وطني =داير تفصلني مش يلا ما حزرت _أفصلك يعني أطلسك بس أنا حرفياً ما بقدر أفوتك شبر لا أنتِ ولا نكدك =يعني بتحبني مهما نكدت _نكدك على قلبي زي العسل، أهم شيء عندي تكوني مبسوطة والباقي يهون =حازم آسفه _يا وطن حازم ما بزعل من بتو مهما عملت =شكراً لأنك فاهمني صاح مهما غلطت =أنا أصلاً قاعد عشان أفهمك صاح مهما حصل؛ أطمني. #في_نهاية_المطاف: "معك لا شيء يُخيفني، بجوارك أنا دائماً بخير ." #ريان_عثمان. #حوارات_حب. @Yakoziyat 1.5K viewsتنزيل صابر, 05:30
