2023-05-13 10:01:41
_تكلت راسها على الشُباك وقالت ليهو انا عايزة أعرسك بدون حاجات كتيرة ممكن !
*قال ليها كيف
_قالت ليهو ما دايرة حفلة وراضية والله بعقد وبعد كدة أمشي أعيش معاك في بيتكم
*قال ليها وين ؟
_قالت ليهو محل انت قاعد بس
غرفتك صالتكم حوشكم اي مكان ان شاء الله أهلك يدونا غرفتهم ايجار ..قعد يضحك زيييين
وقال ليها
*إنتي بتتكلمي ببراءة كدة عشان ما قادرة تتخيلي
العيشة حتكون صعبة كيف وأنا ما راضي ليك الحياة المجهجهة إنتي بتستاهلي جوطة وحفلة وحااااجات كتيرة زي ااالبنات البعملوها انتي ما شبهك البسيط
_صرت وشها وقالت ليهووو :
أنا عارفة روحي بقدر أستحمل معاك و أي يا زول
ما شبهي البسيط وااالكلفتة لكن أنا عايزة أتكلفت عشان إنت الحبيب واااالقريب
_لو كان زول غيرك ما كنت حأشوفو بستحق لكن إنت ما بتشبه الناس و لا ح يجي زيك اتنين ..
...
تكل كتفو على الحيطة وووبقى بعاين لعيونها السمحة شديد وحلف بالخلق جمالها ..انها ما بتشبه البنوت
وقال ليها :
لو إنتي رضيانة بي بحالي دة أوعدك إنك تفخري بي في كل سنيني الجاية صرت قبل ما يتم كلامه تاني.
قال ليها سنيني الجاية الحتكوني فيها ست الريد وام الحنين
#منقول
25 views07:01