حـًـ๔ــ☻ـڪــايـــ❉ـتي معـــ๕ــاڳ⚶✎♕

2019-04-08 16:16:09 ماذا سأكتبُ يا تُرى عن طفلةٍ
يَمنيّةٍ ـ فــي مهــدها مقــتولة؟
من بيتها خرجت على أقدامها
و لغير منزلها مشت محمــولة
ماذا أخـط الآن عـن حـُـوريّــةٍ
قد أصبحت في جَنَّةٍ مأهـولة؟
ذهـبت مـن الـدنيا لِجَنَّـةِ ربـّها
فهناك كل "حقـوقها" مكـفـولة
يا أيها "المُتنَاقلـونَ" حـديــثها
أعذاركم : ليست هنا مقـــبولة
هيَ إبنة اليمن السعيد فمالكم
تتشـدّقـون بأنّـها "مجـهــولة"؟!
أليجعل "الحلفاء" تلك جريمة
تبدو بحـق "صغارنا" معقــولة؟!
ألينكـر "الفُــرقـاء" أن أكـفّــهم
هي وحدها عن قتلها مسؤولة!؟
أبقتل أطفال "السعيدة" هكـذا
تبدو مشاكل بعضهم محـلولة؟!
.....................
#قتلت_بنتي_جائعه

#التحالف_والحــوثي_يقــتلو_الاطفال. باز کردن / نظر دهید

2019-04-08 16:13:51 ماذا سأكتبُ يا تُرى عن طفلةٍ
يَمنيّةٍ ـ فــي مهــدها مقــتولة؟
من بيتها خرجت على أقدامها
و لغير منزلها مشت محمــولة
ماذا أخـط الآن عـن حـُـوريّــةٍ
قد أصبحت في جَنَّةٍ مأهـولة؟
ذهـبت مـن الـدنيا لِجَنَّـةِ ربـّها
فهناك كل "حقـوقها" مكـفـولة
يا أيها "المُتنَاقلـونَ" حـديــثها
أعذاركم : ليست هنا مقـــبولة
هيَ إبنة اليمن السعيد فمالكم
تتشـدّقـون بأنّـها "مجـهــولة"؟!
أليجعل "الحلفاء" تلك جريمة
تبدو بحـق "صغارنا" معقــولة؟!
ألينكـر "الفُــرقـاء" أن أكـفّــهم
هي وحدها عن قتلها مسؤولة!؟
أبقتل أطفال "السعيدة" هكـذا
تبدو مشاكل بعضهم محـلولة؟!
.....................
#قتلت_بنتي_جائعه

#التحالف_والحــوثي_يقــتلو_الاطفال. باز کردن / نظر دهید

2019-03-25 17:20:08 جتكم يمانيةة بنكةة البن

<||>
/\
#أدمونة_جديدة باز کردن / نظر دهید

2018-08-11 19:08:31 حـًـ๔ــ☻ـڪــايـــ❉ـتي معـــ๕ــاڳ⚶✎♕:
نشرت لكم 30 بارت.

بسبب الشغل ولا بنشر لكم يومياا باز کردن / نظر دهید

2018-08-11 19:07:53 (بارت 311)

يوسف: انا الحمدلله بخير اهم شي انتي كيف انتي ابردي لش مني
اماني بكيت: كيف ابرد وهو بسببي
يوسف: اششش لاتبكيش قولي لي مافعل بش وجعش؟
اماني: ماشي
يوسف: قوا لا تكذبيش عليا وجعش انا داري
اماني بتبكي وتتشنهج (تبكي ويقتطع صوتها ونفسها): ايوه
يوسف: اااح الله يلعني قوي وجعش؟
اماني: سهل قد خف الوجع وانت كيف بتحس موجوع؟
البنات بيدمعين ويتكبدين
يوسف اكتبد واتغير صوته: ايوه لكن فداش كله يهون والله ماافتجعت الا عليش اول ماابسرته قلت مدري عاد انتي عايشه والا ماشي
اماني: كنت ساع المجنونه في الغرفه ماناش داريه كيف افعل ولا كيف القاك قمت اشتي اتصل وتلفوني ماعاد بش شاشه قديه حارقه حرق قلبي
خلود قربت للباب تشوف اذا في حد
رغد خارج هزت راسها واشرت لها مابش حد
يوسف: لاتبكيش بتحرقي قلبي انا كيف بيعاملوش؟
اماني اتنهدت: عادي
يوسف: ابوش دري
اماني: ماشي اكرم اصلا مااتحاكاش
يوسف: الحمدلله
سكتوا الاثنين
يوسف: اماني
اماني: ها
يوسف: انا مسامح لأكرم
اماني انصدددمت: صدق
يوسف: والله انا علاسبش شتحمل اي شي وافعل اي شي
اماني: قلت لك ان قلبك نظيف سامحته وقد كان يشتي يقتلك؟
يوسف: طبيعي اللي فعله وبعدا حتى لو مش علاسبه علاسبش انتي شاسامحه
اماني: الله يحفظك ويشفيك وتقوم بالسلامه وابسرك قدامي بخير علاسب ارتاح
يوسف: آمين يارب اتطمني عتبسريني خيرات
اماني بتشوف البنات قلقه
رهف: اتحاكي مابش حد
اماني: كيف يعني
يوسف: عتفهمي لما اخرج من هانا
اماني: ان شاء الله وان شاء الله ابوك يقوم بالسلامه
يوسف: قولي يرجع بالسلامه مش يقوم
اماني: مالك قصدي يقوم من الغيبوبه
يوسف عجممممم
اماني بتشوف التلفون قصدها انه افتصل: يوسف
يوسف مصدوم: غيبوبة مه؟ من قال
صاحبه دخل
يوسف لفت له: وين ابي
اماني سمعت وبهررررت لفتت للبنات: مشو داري
البنات كلهن طننين
عهود: يوووه
صاحب يوسف: مسافر قلنا لك وقع له عمل ضروري وتلفونه.. يوسف قاطعه: وتلفونه ماهو قد كنت حاسس
اماني: يووسف
يوسف: اماني ابي ماله محد عيقول لي الصدق إلا انتي
اماني متردده ومربوشه: ابوك
يوسف: ايوه ابي انتي ماتكذبيش قولي لي وينوه قالو لي مسافر وتلفونه خرب قلت لهم ليش ولا مره اتصل يحاكيني ليييش؟؟؟
اماني: ابوك تاعب شويه تعب لما بسرك هكذا مااتحملش
يوسف اكتبددد: كيف حصل هذا كله مسرع اتغير كل شي
اماني اقتهرت: انا اصلا خربت حياتك اللي فيك واللي في ابوك بسببي
يوسف مقهور ومش مستوعب شي دموعه بينزلين اربع اربع: لا تقوليش هكذا هذا مكتوب
اماني بتكبي: يوسف بتبكي
يوسف بقهر: ااااح
اماني: لا تبكيش لا تخلينيش احس نفسي ضعيفه اكثر انا فدالك ابوك عيقوم ان شاء الله

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:53 (بارت 310)

اماني فررررحت: هو قال يشتي يحاكيني؟ بسرتين مشو كذاب قلت لكن
البنات بيشوفنها ساكتات

بيت شهد.....
شهد جالسه تقايس الفساتين والملابس الجداد
حوريه فارحه: الله مااحلا الفستان هذا قد له عاجب لي من المره الاوله
شهد قلبها مكسور: ايوه
حوريه: اسكه اقربي ابسره
شهد قربت
حوريه: الله مااجمله الله يحفظش خلاص اخلسي وارفعيهن
شهد: حاضر
اخذت ملابسها وراحت للغرفه اخذت تلفونها تشوف التاريخ بتحسب كم له اكرم محبوس ذكرت كلامهم آخر مره وكيف كان نادم اتنهدددت

بيت علا.....
علا بتتكلم مع قيس: مقهور عليه؟
قيس: قوووي ماتتخيليش كيف انا مقهور يعني حتى لو اتصايحنا وحصل بيننا خلاف ورغم انه كان شخص سيء لكن والله انه غالي عليا ومابين اعتبره الا واحد من اخوتي وحتى عيال خوالاته لو تبسري كيف كانوا هذاك اليوم مفجوعين عليه وقلقين وبيفكروا كيف يفعلوا ويهموه كم قد زعلنا كلنا وقهرنا وضر نفسه وماهوش داري بقيمته عندنا وحتى عند شهد وانا متأكد انهي لليوم تحبه وماهيش مقتنعه بخطيبها
علا: كيف
قيس: لما اسألش وتقولي مالها شي كانت بتحاكيني وهي ضابحه زاعله متوتره ولا بتتواصل مع خطيبها ولا شي هذا كله معناه ان قلبها مع اكرم وانا والله اني مقهور على الاثنين خسروا بعض لكن اكرم ااااح منه بس
علا: والله انه صدق مسكينه شهد قوي اتعلقت وهو ندم متأخر

بيت عبدالله.....
بعد الخطبه الطاف جالسه مع خواتها وكوكب
رهف: جين نسير المكان الثاني مارأيكن؟
البنات: تمام (وقامين)
ايمان: اسير ادي تلفوني
اماني قلبها بيدددددق
رهف: تمام اسرعي
رغد: انا شجلس اراقب
اماني: عتجلسين تهمني ذلحين (لفتت لرهف) وانتي بدل ماتفرحي وتقومي تحاكيه عتجلسي تبزيني
رهف ابتسمت: سهل فداش وبعدا انا فاااارحه وشفرح اكثر لما تحاكيه وتطمني عليه وابسرش فارحه ومرتاحه والحكا سهل شارسل له ذلحين والعشي نتحاكا (ولفتت لاعند ايمان ودعاء) فيديووو
البنات ضحكيين
اماني ضحكت: انا فدالكن
ايمان: هيا امسكي
اماني: اتصل من هانا
رهف: ايوه علاسب ننتبه لو جت خالتي مش تجي تدورش وتشك
ميار دخلت: مابتفعلو
خلود: جي ياروحي اشاورش
خلود بتشاور ميار: لو تحبي اماني وبتفتجعي عليها وماعاد تشتيهاش تبكي سيري اجلسي عند مامه وقولي لها اكليني
ميار: لكن مسنا جاوعه
خلود: ولو لو تحبي اماني سيري كلي
ميار لفتت لاعند اماني: ايوه احبها ساسيل (وخرجت)
خلود غمزت للبنات: هيا اقطبين رغد ودعاء اخرجين حوسين خارج لا به شي
اماني متوووتره بتتصل غمضت عيوووونها بتسمع دييييد.دييييد (الووه)
اماني قلبها ددددق: يوسف
يوسف بلهفه: اماني؟ اخيرا
اماني اتنهدددت: كيف انت

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:53 (بارت 309)

محمد ماسك ضحكته بيكابر: قد دخلت لو تلاحظ
خالد بيهوك: تمام بس قلت اقول لك الولد فاق
محمد فرررح: صدق من قال لك محد حاكاني
خالد: قال لي احمد اول
محمد: هيا الحمدلله
سكتوا الاثنييين
خالد: مبروك
محمد: قد قلت لي مره
خالد ابتسم يشتي يضحك: سهل زيادة خير
محمد: اجلس مالك مسنب ياسعم حانق بتتعامل برسميه
خالد ضحك: ايوه شجلس من دون ماتعزمني بس انا مراعي تفهم على نفسك وتقوم اجلس بقعتك
محمد قام: مايغلا عليك
خالد جلس: انا اسف اول اتنغفرت فوقك
محمد: سهل مابش شي احنا اخوه
خالد: خلاص مادام اخوه سير أفعل تنفاش وجي نبسر الفلم جمعه عمار قد رقد
محمد: سمحنا له دخل بحماره
خالد: والله انت اخبر الا اذا ناوي تجلس بدون زواجه لا تقومش
محمد قام بسرعه: خلاص عنفعل لا عاد تهددش

يوم الخطوبه.......
رهف فاااارحه رسلت لمحمد (ياريت وانت هانا)(بين احس ان مشو صدق)
محمد (لا تحسيش قوا)(حسي انه صدق)
رهف (ههههههههههههه تمام)
محمد (يلا اصبري لما اجي)
رهف (ان شاء الله وانت اقطب )
محمد (تمام )(المهم قد عتقعي خطيبتي)
رهف (ماهو شعور خالد اخي )
محمد (ولا شي فارح وغاثي لأنه بعيد قلت له اسكت هنيت لك انا بعيد بكلي وهي خطوبتي رجعوا يضحكوا هو وعمار)
رهف (ههههههههههههه انا فدالكم)
محمد (اليوم عنخرج نحتفل احنا وصاحباتنا )
رهف (انت وجدتك )(اتأدب ماشي شاقول مشنا موافقه واهرب)
محمد (ههههههههههههه ماع خلاص)
اماني دخلت وقربت تسلم عليها
رهف حطت التلفون وحضنتهاااا: افتجعت لو ماتجنش
اماني حاضنه لهااا وساكته
رهف استغربت: مالش؟
بتحاول تفكها واماني حاااضنه لها بتبكي
رهف اكتبدت: ماااهو مالش
اماني: مقهوره
رهف: قوا لا تسخيش على نفسش ولا تسخي عليا تشتي تقهريني؟
اماني سكتت: ماشي
ايمان ودعاء دخلين: مالكن
رهف: ولا شي (وبتسلم عليهن)
ايمان فاااارحه شافت اماني: معي لش حاجه حاليه
اماني مقهوره: حاجه حاليه لي انا؟ ههه ضحكتيني
ايمان: والله انهي حاجه حاليه
رهف: ماهو كلمتني برقطه انا اليوم مخطوبه بدون خطيب لحد يزيد يكملها عليا
رغد دخلت بتضحك: طياره بدون طيار مابه محوشات
ايمان لفتت تطمن مافيش حد: شاخليش تحاكي يوسف
اماني اتجممددددت: يوسف!!!
ايمان: ايوه يوسف
اماني بكيت: احلفي ايحين
ايمان: بعدا اصبري لما نبسر كيف الوضع
رغد ورهف فرحين واتأثرين من اماني كيف فرحت وفرحتها دموووع
اماني حضنت ايمان: انا فدالش معش رصيد خيرات اشتي احاكيه خيرات قوا
ايمان: تمام قد عبيت كرت
رهف: كيف عتحاكيه لينه؟
ايمان: شتصل لا عند صاحبه حاكاني في المعهد قال يوسف يشتي يحاكيها وقال تتصل في اي وقت وانا قلت له ان احنا اليوم يمكن نلتقي يعمل حسابه
اماني فررررحت......

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:53 (بارت 308)

نرجع للحبس
اكرم والرجال جالسين بعدما خلصوا يصلوا
الرجال: هيا جابرني
اكرم: قول مره مخزن مع الخبره وعيال خوالاتي المهم اذن مغرب وقاموا كلهم يصلوا بقيت انا وابن خالتي بين اقول له عتقوم تصلي قال لي ابرد اليوم ماشاصليش القات طعيم وانا اتطمنت علاسب مااقومش قلت له وانا ماشاقومش مابسرته الا قرح ضحكه قال قوم صلاه لك ناصل قال وانا ماشاقومش يعني مراعي لحد يقول ماعيصليش علاسب تطمن وانا اصتررررعت (وبيضحك)
الرجال ضحك: يعني بتقوم ومابش قناعه من داخل
اكرم: استغفر الله العظيم بيجي كسل
الرجال: وبعدا قمت والا مافعلت
اكرم: الا قمنا الاثنين ابسر انا شاقول لك هم كلهم ماهمش مطاوعه ولا هذك الدرجه اللي قديه مبالغه لكن للامانه احسن مني في كل شي ومعي اثنين اخوه واحد اكبر مني وواحد اصغر وهم نفس الشي مصليين وطايعين وفيهم اشياء وطبايع حاليه انا اللي طلعت مختلف ورغم هذا امي تحبني وتدلعني وطلباتي كلها اوامر
الرجال: انك لاتهدي من احببت ولكن الله يهدي من يشاء

بيت فيصل.....
اماني في المطبخ بتجهز الغداء
ميار: كملتي؟
اماني بتقطع خضار للمكرونه وتبكي
ميار: مالس
اماني: ولا شي
ميار: خلاص لا تبكيس ولا اسغلي انا سفعل
اماني ساكته
ميار: تمام اصبلي
خرجت ورجعت وفي يدها كرسي صغير
اماني: ماعتفعلي
ميار: اغسل الصحونات
اماني: شاغسول انا
ميار: ماسي يااماني
حطت الكرسي وطلعت: يوه انا قصيله جي احضنيني
اماني: أين احضنش
ميار: دخليني هانا اجلس اتسبح واغسل
اماني ضحكت: اين تتسبحي
ميار شافتها ضحكت فرررحت: انتي ضحكتي عليا
اماني: ايوه
ميار بتضحك من قلبها: والله انا قصيله جحفه
اماني ضحككت: وجحفه؟
ميار: ايوه
اماني: اجلسي عندي وانا شفعل كل شي
ميار: تمام
نزلت من فوق الكرسي وضعته جنب الجدر وجلست
اماني بتخلص عملها
ميار: اكلم سال عند اسف؟
اماني اكتبدت: مادراش
ميار: هو قال لما كسل التلفون انا سمعته
اماني: هذا سر ماتتحاكيش قدام امي
ميار: ماعادوس سل قدهم داليين
اماني سكتت
ميار: لكن مسو انا اللي قلت لهم والله ماهو انا
اماني: تمام انا داريه اسكتي لا تجي امي
اماني سرحت بتكلم نفسها (اكرم سار عند يوسف وياريته ماسار ويوسف جا يدي عطر عربون محبه وياريته ماجا ياريتني ماقلت له تمام ماكنتش داريه انه هذا اللي عيحصل مدري كيف حالتك يايوسف! بس كيف يشتي ينتقم من اكرم؟ وانا ولا مره حسيت انه مايحبنيش ولا وجعني بكلمه معقول يكون صاحبه بيكذب بس ليش عيكذب؟ ماعيستفيد وهو اصلا قال لي انه حبني صدق وكان مفتجع عليا والله ماعاد انا فاهمه شي ولا شي)

كندا......
محمد جالس في غرفته بيشوف فلم في اللاب توب
خالد دق الباب ودخل: ادخل؟

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:53 (بارت 307)

محد يجامل ارحم الرحمين ماهوش مراعي لصلاتي ولا لصلاتك (ومد يده لأكرم)
اكرم مسكه وقام: انت داري
الرجال: ماهو
اكرم: خلاص مش وقت المجابره نصلي وارجع اجابرك لا فجر
الرجال ابتسم: تمام

في المستشفى......
يوسف ممدد وبيتكلم بثقل شويه لأن عاده تاعب: وينهم
صاحبه: مدري ذلحين عيجوا
يوسف: وابي
صاحبه اكتبد: عيجي بعدا
يوسف امتلين عيونه دموع: قول لي ماحصل
صاحبه: في مه؟
يوسف: اماني واكرم
صاحبه جالس يشوفه: اكرم محبوس واماني اتصلت لا عندي بتبكي وقوي مقهوره
يوسف نزلين دموعه: المهم هي بخير
صاحبه هز راسه: ايوه
يوسف: ماقلت لها
صاحبه جلس: قلت لها ان انت في البدايه كنت تشتي تنتقم من اكرم بس حبيتها صدق
يوسف بهرر اتحرك وحس بوجع: اح
صاحبه خااف وقام: مالك
يوسف بيتكلم وهو بيتوجع: ليش قلت لها
صاحبه: اتوقع ان اكرم فهم الموضوع عيقول ماهي هذه الصدفه مابلا اختي من بين البنات كلللهن قلت احاكيها انا بالصدق قبل ماتدرا من نفسها وتقتهر منك ويمكن تكرهك وتقول ان انت لعبت عليها هكذا احسن تدرا أن انت صدق حبيتها
يوسف بيكابر وبيحاول يتحمل الوجع غمض عيونه: والله اننا حبيتها صدق ماسخيتش عليها البنت قلبها طيب مسكينه بعد حالها وهذه اول مره احاكي بنت اتعلقت بها بدون رضايا
صاحبه اقتهر: انا داري
يوسف: اشتي احاكيها
صاحبه: كيفه؟
يوسف: من اين اتصلت لك
صاحبه: اصبر (فتح التلفون بيوريه) هذا الرقم
يوسف: مشو رقمها
صاحبه: ماتشتي تقول لها
يوسف: اشتي اسألها مافعل بها
صاحبه: ماعاد بتجيش المعهد حتى
يوسف: اكيد ماعاد عيخلوهاش
صاحبه: خلاص ماعليك إلا تحاكيها
يوسف فرح: كيفه
صاحبه: خليها عليا
يوسف: تمام
اخوة يوسف دخلوا شافوه فرحوا
يوسف فرررح
اخوته: اخيرا فجعتنا عليك
يوسف ابتسم بقهر: اسف (ذكر ميار وابتسم)
اخو يوسف: المهم انت بخير
يوسف: الحمدلله
اخوه الكبير: مابلا اشتحط يلا وقوم نخزن واذا تشتي تشرب شقاره اشرب قدنا داري
يوسف انحرج: يعني مسموح
اخوه ضحك: مسموح
يوسف: وين ابي
اخوته شافوا بعض
واحد من اخوته: مشغول قد عيحااول يجي
يوسف اقتهر: مشغول؟ تمام
صاحبه خرج
يوسف: وامي اشتي ابسرها والبنات
واحد من اخوته: شاسير اديهن ذلحين كانين يشتين يجين امس اول مادريين لكن كان ممنوع حد يدخل
يوسف: ها
الدكتور دق الباب ودخل: كيف انت الان
يوسف: الحمدلله
الدكتور: مابتحسش بشي؟
يوسف: بين احس جسمي مخدر ولساني شويه ثقيل وعيوني حاميات
الدكتور: سهل هذه اعراض طبيعيه عتخف معك معك في فتره قصيره يعني
يوسف: ان شاء الله

للكاتبه: غدير عبدالخالق rwayat.sanaa باز کردن / نظر دهید