#مهم_جداً_جداً هذا البوست للطلاب قسم التخدير وخصوصاً المرحلة | عالم التخدير
#مهم_جداً_جداً
هذا البوست للطلاب قسم التخدير وخصوصاً المرحلة الأولى...يعني الي طلع قبولهم هاي السنة...بألتوفيق للجميع أن شاء الله
#شارك_البوست_لتعميم_الفائده_للجميع
نبذة بسيطة عن الكليه التقنية الطبيه قسم التخدير. بقت فقط المعدلات مانكدر نتوقعهه لان مثل مدا اشوفون المعدلات السنه ب التسعين اعداد هائله وطبعا بيهه موازي ومسائي واهلي وبالنسبة لمعدلات الاهليه احتمال تنزل حدود واحده لكل المحافظات مثل العام وبعدين صارت اعتراضات ولغوهه ف السنه ماتنعرف اذا الاهليات يصعدون معدلاهم او يبقوها نفسها ...
اول شغله خل نتفق عليها انو التقنيه الطبيه تابعه لتعليم التقني يعني خريج كلية تقنيه طبيه لقبه الوظيفي تقني طبي وحسب اختصاصه يعني اذا الكترونيك اجهزه طبيه حيكون عنوانه تقني اجهزه طبيه او مثلا تقني مخدر او تقني اشعه وهكذا ...
التعيين بيها مركزي وشهادته بكلوريوس
تجي تقريبا بعد المجموعه الطبيه من ناحية المعدلات واني انصح بيها بعد المجموعه الطبيه لان شهادة وتعيين وبيها اقسام راقيه . وهو من الأقسام الحديثة التي تهدف إلى تخريج كوادر متخصصة للعمل في مجال تقنيات التخدير والعناية المركزة في صالات العمليات وكذلك في وحدات العناية المركزة والإفاقة حيث يتم منح الخريج عنوان ( تقني طبي / اختصاص تخدير ) ويعمل في مجال المشاركة في التخدير ,المراقبة السريرية ,تشغيل الأجهزة ومتابعة المرضى في صالات العمليات و وحدات العناية المركزة والإفاقة
ملاحضات...
اولا / القسم يحتاج دراسة مستمرة وتطوير للمعلومات وكل ما تقرا اكثر وتشتغل اكثر تسطير على عملك
ثانيا / بالنسبة للمادة خطورة القسم 100% وخطورة المهن الصحية 80% يعني يصير 180% وبعض المحافظات مثل بغداد الخطورة اقل ( 130%) ونصيحة لتفكرون بالمادة لان تفشل بتخصصك وخلي ثقتك بالله بأن الرزق على قدر تعبك وعملك
ثالثا / هناك تدريب للطلبة من المرحلة الثانية وكذلك الثالثة اما المرحلة الرابعة فهي للبحث التخرج .
رابعا / لا توجد دراسات عليا بالعراق ولكن توجد ببعض الدول يحصل الطالب بعد الماجستير على لقب تقني طبي اختصاص .
خامسا / لازم تخلي ابالك تريد تصير شاطر وعبقري بتخصصك لا تتقيد بملزمة اقرا كتب .
سادسا / التعيين مركزي سواء حكومي او اهلي حسب قانون 6 لسنة 2006 لكن الافضلية والاولوية للحكومي .
س/التعيين للاهلي مركزي؟!
ج/نعم مركزي
س/المعدل للاهلي اشكد؟!
ج/من 62.5 وفوق
س/بالنسبة للدارسة ..تكون كورسات
ج/عدا سنة ٢٠٢٠ صارت مقررات يعني بكيفك تقسم المواد بالكورس الاول او الثاني
المراحل حتتقسم كـ الاتي:
المرحلة الاولى/ حتكون عامة ماتدرس شي يخص التخدير عدا شغلات بسيطة ترمو ..تشريح ..فسلجة
المرحلة الثانية/ تبدي الادوية مادة الفارما ودراسة اكثر عن التخدير وحتكون اصعب لان تخصص ويبدي التطبيق بالمستشفى عدا بعض الكليات تبدا بتطبيق بمرحلة الثالثة
المرحلة الثالثة/ حيبدي التخصص والتطبيق بالمستشفى ..وحيكثر العملي ..ودراسة مادة العناية المركزة والطب الباطني واسس الجراحة اساس التخدير
المرحلة الرابعة /والاخيرة تكملة لمواد المرحلة الثالثة بس حتنضاف مادة جديدة اسمها التمريض حيكمل تخصص
~وتكون تقني مخدر نفس شغل مساعد المخدر , الاختلاف في المسمى الوظيفي
