اته انو جاي موكب كبير موكب التنهي ومليونية6ابريل يالله حسيت ان | رﯛ̲୭يِٰـِۢآتِٰـِۢ يِٰـِۢسِٰـِۢرآ جِٰـِۢيِٰـِۢلِٰـِۢآنِٰـِۢيِٰـِۢ ₎✿💥 ⁞“❥

اته انو جاي موكب كبير موكب التنهي ومليونية6ابريل
يالله حسيت انهم بجد مبسوطيب وراضين عنن بس لسع لمن نجيب حقهم
لانو دم الشهيد م راح
ولله دمكم ماراح يارفاق

روايـــــــة من اجـــل ســـودان جديد
بقــلم▣يـــسر جيــــلاني
الناس كلها وعت وبقت فاهمة
وانا في البيت منتظرة شلتي تجي عشان نمش القيادة
جاني محمد بتونس معي
قولت ليو ونستك دي متنفع اراح القياة هناك محل الامان والاطمان وعدله وسلام
قال لي يازول انت م عندك شغلة ولاشنو
امش براك انا دا صابيها هنا بس
قلت ليو اسي صبياها دي حقنا نحن واخير ليك ارح صباها في القيادة هناك
تعال احكي ليك:حياتنا في القيادة البقت زي بيتنا واحسن.. وتحديد
خليني الليلة اتكلم عن الجنود البكونو دايما ورا الكواليس ....
الناس البتنظم ، والناس البكونو مسؤولين عن حياة ملايين داخل ساحة الاعتصام في القيادة ...
الناس الفي عز السخانة والشمس في نص الراس ، الواحد فيهم مبتسم
وبيخلي الزول البيتفتش مبتسم برضو ، ناس بسيطيييين سودانيين لط ، ديل هم الناس الحتوها موكب موكب وما خلو بمبان ما شموهو ، لغاية ما وصلو مرحلة الاعتصام و شغالين تأمين فينا كلنا ، أقل حاجة تعملوها ليهم ابتسمو ليهم ياخ ، سلمو عليهم كانكم بتعرفوهم خشو فيهم حضن ، وهظرو معاهم ، ديل ناس لا طمعانين في سلطة ، لا بياخدو مرتب على شغل التأمين، ديل عندهم جرعة بتاعة وطنية كدا ، ممكن تكفي الشعب السوداني دا كلو .
ناس (ارفع يدك فوووق التفتيش بالزوق) ، والله ماعارف اقوليهم شنو.
بس شكرا جزيلا ليهم هم الشباب الحيتكل عليكم الوطن .
الله يقويكم ويسدد خطاكم يارب.

ولاديل كمان ياخ براهم رواية
أول م تجي داخل القيادة .. يقولو ليك أرفع يدك فوق التفتيش بي ذوق ... شفاتة بي جاي ... كندكة بي جاي
و لمن تجي طالع من القيادة البقولو م تمشو تخلونا بالليل بجازفونا
و الماشين يقولو ليهم ... ماشين نخليكم الجيش بيحميكم ... و البقولو ليك الصباح بدري تعالو عليك الله البيت بيتكم م تتأخرو و الولد الشايل كيس نفايات بقول خرد خرد نفايات وداد بشير خرد خرد و الشايلين الكيزان و جارنها بالأرض و الولد الشايل عصاية و فيها كباية مطفوجة و بقول الداير يجضم وداد يجي هنا و الأولاد الواقفين و بقولو حصل الجرد عمر بي جنيه وداد مجان حصل حصل و بجو الناس بدوهم جنبه لعمر و الحلة العملوها في القيادة و الجبنة و الشاي (الشاي بي جاي شاي م عادي شاي كوفتي كمان بي موية صحة و معاو كيكة) و الرش بالموية عاملين فيها هنود و يحنسوووك علشان تشيل منهم و تاكل و يجيبو ليك عصير كمان و لمن يكونو مشغلين السماعات بأعلى صوت و أغنية أنا سوداني أنا فيها مقطع بالإنجليزي أول م يجي كل الناس بتسكت و بتعاين لبعض و يقعدو يضحكو و لا هدوم الأمنجية المعلقنها فووووق ف اللافتة و الأوراق المكتوب عليها لرفع الدعم النفسي #إبتسم .... و كمان أوراق مكتوب عليها لو م ابتسمت انت كوز ... و الفي النفق فوووق اللافتة و يقولو حرية سلام و عدالة الثورة خيار الشعب ...
و البدقو و برقصو و بقولو لا إله الا الله الكيزان أعداء الله ... و لا الولد اللونوهو باللون الأصفر شايلنو و حايمين بيهو و بقولو رجعنا دهب وداد .
و لا البغنو و بقولو السودان دا غالي عليا الليلة وين ي عينيا ي وداد و م هماكي السودان دا غالي عليا سعودية م هماكي السودان دا غالي عليا هوووووي ف لندن م هماكي السودان دا غالي عليا سعودية م هماكي كان تسوقي بشة معاااااكي السودان دا غالي عليااااا ...
كدا ي وداد كضاااااااابة ... سقطت م سقطت صاااااااااابناها ... و البقولو كنداكة م أدونا غشونا غشونا ... و الولد الشايل الورقة المكتوب فيها داير أعرس .. و كمان الولد الشايل الجريدة عنوان عريض البشير و علي عثمان ف كوبر الولد حايم بالجريدة و يوري الخبر للكل و يهتف هو و المعاهو دايرين يغشونا كيزان بغشونا .. والناس البصحوك من صباح الرحمن وادقو ليك فوق راسك صباح الخير ..قوم يا ثااير .. والله ارفعو الكثافه .. بس والله تعاين ليهم وهم بعملوها في باقي الناس الضحك اشرطك
و العمارة القصاد القيادة لمن تجي ماشي جنبها بقولو ليك أرقد عشان ما تموت
شيروها عشان ما نننساها واولادنا يجوا يقروها..
#بعض -احداث الثورة
الجزء الاول الجزء