عباس بيقول : الحقني الحقنونا اغثونا صاحب عباس بيرد عليه : ايه | YoZecur Security
عباس بيقول : الحقني الحقنونا اغثونا صاحب عباس بيرد عليه : ايه في ايه يبني ايه الي حصل ..!
عباس : اسكت يسطا انا كنت بتكلم مع هكر بيخش الديب ويب و بيهكر حسبات و بيهكر ناس و كده
صاحب عباس : ايوا ايه الب حصل هكرك؟
عباس : لا يسطا ده عرف معلوماتي
صاحب عباس : معلومات ايه يبني الي عرفها هو انت مهم اصلا
عباس : يسطا عرف اسمي و رقمي و عرف انا منين و سني و الحجات دي كلها
صاحب عباس : طب م ايه المشكله يبني احنا عارفين كل ده و المدرسه و الناس كلها عارفه ده في ايه المشكله ؟
عباس : يسطا ده كده عرفني و انا خايف يهكرني ده هكر كبير و بيهكر يعني سبحان الله هكر و بيهكر كمان وانا خايف يهكرني أو ينشر معلوماتي دي وسط الناس كده و حد فيهم يهكرني أو اتفضح ويكنوا عرفوا انا مين ومعلوماتي
صاحب عباس : يبني انت عبيط ؟ منا قولتلك أن دي مفهاش مشكله انت عامل جو علي الفاضي ...
صاحب عباس : يبني يعني حد هيموتك ولا هياذيك من مجرد أنه عرف اسمك و حجات كلها عاديه
عباس : يسطا ده بيخش الديب ويب و بيكلم هكر زيه و هما كبار و بيهكروا ناسا و أميركا و استراليا و الخارجه و الداخله و الدخله واي مصطلح تاني
صاحب عباس : واو شكلها فعلا هبه منك و شكلك مجنون
عباس : منت ما اتعملت معاهم و شوفت هما بيعملوا ايه لو كنت مكاني كنت هتترعب ، انا هختفي و انا كمان هكر بس مش زيهم انا مستوياا ضعيف اوي ، و هعمل كل طرق للحمايه الي سمعتها من عمنا طيطو (Various 7x)
وبعد شهور ، عباس ملقاش اي حاجه حصلت أو اتغيرت و مفيش اي إذا حصله ، الي عاوز أوضحه من القصه كلها أن الناس هنا علي التليجرام بالذات بتخاف تقول علي اسمها او تخاف تقول علي سنها و الحجات البسيطة دي ، و هما فاكرين أنها حاجه قيمه لما يقول اسمه كده الدنيا كلها هتجري وراه ، زي ما شوفت رساله واحد كان بعتها أنه عاوز يكلم شخص واتس بس من غير ما يعرف رقمه وشخص تاني مش فاهم حاجه وواحد عمال يقوله الديب ويب ده حاجه كبيره وعالم تاني ووو وغوزعبلات عمال يقولها ليه و التاني خاف اكتر و قاله أن الناس عارفها منطقتي الي انا فيها اعمل ايه ؟
تحس أن الشخص الي اتعرف مكان عامل زي الفرخه الي الجزار بيدور عليها و كشف مكنها علشان يدبحها
حبيبي انت مش مهم ولا مطلوب مين هيدفع فيك فلوس علشان حد يقتلك
حبيبي عمليات القتل مش حاجه سهله عشان تقول اول محد يعرف مكاني انا كده خلاص في البا باي
انا شوفت حجات كتير غريبه هنا في التليجرام و هبد و كميه حجات كده تحس انك اول ما تفتح التليجرام أن الناس كلها بتدور عليك و كل واحد قافل اي حاجه عن نفسه و مش بيقول حتا اسمه
كمان تبقا مصيبه لو حد عرف اسمك او رقمك انت كده يمعلم في الباي باي
و زي واحد تاني يقولي ده معلوماته في الشارع ازاي ما تخترقه و فاكر أن شخص بمجرد انك تعرف اسمه و رقمه خلاص انت ملكت الجهاز بتاعه ايوا منا عاوز افهم برضوا لما تيجي تخترق شخص هتحط اسمه و رقمه و عنوانه وتدوس انترنت هتخترقه؟
حجات غريبه و غوزعبلات كتير و هبد كتير ، يلا منهم لله الي كانوا السبب في كميه الهبد ده
ياريت تفهم يا عم الهكر الي مستحيل حد يعرف اسمك انك كده شخص مش فاهم حاجه ، انت يعم الهكر مش مطلوب ولو كنت مطلوب مكنتش هتكون بتتكلم مع العامه كده
وبس أنشأ الله المقال الجاي هيكون عن غوزعبلات الديب ويب و غوزعبلات الهكر
