2022-02-16 13:49:49
عن طريق الصدفة ،لمحت منشور لمايا دياب هو السؤال عميق كلش بي وصفنني ؟ كاتبة بي " انت عايش ؟ لو موجود ؟
شنو يعني ان تكون عايش ؟
شنو يعني انك موجود ؟
اني عندي اجوبة لنفسي بس هيج صفنت بي
الانسان الموجود برايي هو موجود ووجوده مُثبت بس قد يكون موجود وهو جثة ؟ ميسوي شي
والانسان العايش عايش ودايحس بالحياة واحيانا يكون عايش لنفسه لدرجة وجوده شبه معدوم
برأيي اعظم شي يخليك عايش وموجود انك تسعد نفسك وتسعد انسان تحبه ، حتكون عايش وموجود بحياة غيرك حتى تخليه هو اللاخ عايش وموجود مثلك ،
مثل ان تكون محقق اهدافك بنفس الوقت اهلك فخورين بيها ، ومثل ان تكون سبب برغبة انسان بالحياة ولو بكلمة طيبة يبدأ بيها يومه بعد نزاع طويل مع نفسه وهو يوبخها على انها جثة ،
مثل ان تكون سبب بوفاء حيوان الك بعد ان كان يخاف من البشر وقسوتهم
مثل ان تكون سبب باعمار ارض او زرع نبات او غيرها من الاشياء اللي نفعها يعود مو بس على شخصين او شيئ وشخص
بالنهاية الانسانية بس تخليك عايش وموجود
266 viewsDalal Khalid , 10:49
ف
