نشر قصائد حسينيه مع الاحان

2023-02-17 10:31:34 (يا باب الحوائج)


فـوك الـجـسـر يـاشيـعـه    مـحـد حـضـر تـشـييـعه
الكاظم وحيده اجنازته    مـاكـو عـشـيـره الشالتــه

.               .              *---------------*---------------*

مــاكـو أهــل يـمـه وأجـت تشيله
بـيـن الـعـده ومـحـد رفــع عويله
فـوگ الـغـرب والـسـم مــرد دليله
يحجي الحزن عن قصّته الطويله

      هـاي الـسـنـن والـعـاده  
      الـمـيـت تـشيـله أولاده
      ضـل الغـريب بحسرتـه

.               .              *---------------*---------------*

نـعـشـه بـقـه بـغـربـه وثكل حديده
ياهـو اليـشـيـلـه وكـل هـلـه بـعيده
مرضوضه ساگه وجامعه اعله أيده
هذا الورث سجدت علي الصـمـيـده

       يـبـچـي الحديـد الحاله
       والــسـم مـــــرد دلالـــه
       بسجنه النواصب سمّته

.               .              *---------------*---------------*

الميت تجي وتحضر أله الـعـشـيـره
وفوگ الچتف يحله النـعش مسيره
وجنازة الكاظم بقت صعبه وچبيره
يضج بالعويل الحالته لبگلبه غـيـره

        بساگه الحديد وبيده
        أهله وعمامه أبعـيـده
        تدمي النواضر قصته

.               .              *---------------*---------------*

ساگه وصـل گيد العده العـظـمـهـه
الكاظم صـبر وشگد مـحـن کظمهه
أتگطع الگلب قصته وجرح هظمهه
صـبّـت عـلـيـه اهـل الحـقـد ظلمهه

         تجري الغيور عيونه
         بس اربعه أيحملونه
         بحزانه مات وغربته

.               .              *---------------*---------------*

مـات بسجن بين العده ضـحـيـه
وذاك الوكت مـحـد نـصـب عزيه
يـم الجـسـر ضـل النـعـش رميـه
فجعت تـره أمـلاك الـسمه الرزيه

       الليله فاضت روحــــه
       مات وبعدهه اجروحه
       حـيـل الـسـلاسـل أذته

.               .              *---------------*---------------*

أتحمله بس هل أربعه عجيبه
وين الرضا يحظر الـه بنحيبه
ليش الجنازه أبلا اهل غـريبه
ماكو بجي وواحد رفع نحيبه

      وحده وبعيده أدياره
      وين اليوصل أخباره
      هيچ المصايب خلته

.               .              *---------------*---------------*

بقلم خادم موسى بن جعفر ع
الشاعر رعد الجريخي باز کردن / نظر دهید

2023-02-16 00:03:10 بين الامام الكاظم والامام المهدي
(عليهم السلام)

آنه السم مرد جبدي
عايش بالسجن وحدي
غايب وابچي عالغايب
كل دمعي عله المهدي
ــــــــــــــــــــــــــــــــــــــ
گاعد بالسجن واتخيّل الغيبه
يمكن حته برموشه طلع شيبه
ديوان الحسن هذا ومضيف احسين
لاكن ذبّحوه بالطف معازيبه

هوّه القائم الغايب
وآنه الكاظم الراهب
اليوم ابمجلسي موجود
يصرخ آه ياجدّي
ــــــــــــــــــــــــــــــــــــــ
رگبتي إمن السلاسل خلهه تتحفر
فترة غيبتي اخمسطعش مو اكثر
آنه اعله الاقل يمي الرضه السلطان
هوّه ابلا رضا ولا موسى لا جعفر

آه الدمعته الحمره
هسه صاير اشكبره
امحدّب طوله من الضيم
يمكن صاير ابگدّي
ــــــــــــــــــــــــــــــــــــــ
آنه إوياه سويّه نطلع الجمعه
بس آنه بجنازه وهوه بالدمعه
ماتوله ضحايه اثلثطعش معصوم
عله الحيطان يوميه يدگ قطعه

مجلس عنده يوميه
ماخلصن بواچيه
هوه الشمر الاماذيه
وآني اذاني السندي
ــــــــــــــــــــــــــــــــــــــ
تابوتي ابسلاسل لافّه الجائر
والمهدي غربته تكسر الخاطر
الكل تعرف مكاني يم جسر بغداد
وهوّه بيا كهف وبيا نوى صاير

وحيد امفارگ اعزازه
ويوميه وره اجنازه
يگعد يم ضريح احسين
وبمجلس عزاه يبدي
ــــــــــــــــــــــــــــــــــــــ
سردابي الـمقر بس للعبوديه
ساجد للاله وادعي يوميه
وسرداب الامام المهدي ياشيعه
چن مجلس عزاء والدمعه لطميه

والمامنوخذ ثاره
هايم ليله وانهاره
الشام وكربله اباله
وحادي إبعمّته يحدي
ــــــــــــــــــــــــــــــــــــــ
باچر بالجنازه المهدي تلگونه
وي مشايتي يلطم عله اعيونه
واويلي عله المسموم هم ايصيح
وياكم ولاكن ماتشوفونه

هوّه والرضه يبچون
فوگ الجسر يتلاگون
واحد يشبگ الثاني
ذوله من اعز ولدي


محمد الجماسي

#اللهم_عجل_لوليك_الفرج باز کردن / نظر دهید

2023-02-15 23:41:55 شويلي على المسجون مات بسجن هارون
ـــــــــــــــــــــــــــــــــــ
جمر المصيبه بكل كلب هاليوم لهاب
نفس الجرح هذا الجرح وي عصرة الباب
موسى بن جعفر ياخلك هسه اعلن غياب
بكثر الدمع لمصيبته ما ضلت عيون
ــــــــــــــــــــــــــــــــــــ
ياويلي من سجن السجن ومجتفه الايد
وآلامه كل يوم التمر بالفاجعه اتزيد
ماندري هارون الرجس من الوالي شيريد
جن ما يعرف الكاظم النوره مله الكون
ـــــــــــــــــــــــــــــــــــــ
السندي بن شاهك تسـّر عل امامه
ما هاب ابوه المرتضى وسره ومقامه
صاحب السجده تكفي لو هاي العلامه
بغضا لبو الحمله علي الجفه يكيدون
ماهمته قيود العده حيـّر اعاديه
ليل ونهار وبالدمع ربه يناجيه
سجانه من كثر الصلا ه ضل منشغف بيه
مو حكه كلمن شاهده يضل بيه مجنون
موسى بن جعفر صاحب السجده الطويله
ياوسفه نعشه اعله الجسر محد يشيله
حك الدمع فوك الوجن لجله نسيله
سمم جبدة الكاظم السندي الملعون
ــــــــــــــــــــــــــــــــــــ
الشاعر محمد حسن ضيغم باز کردن / نظر دهید

2023-01-30 17:02:40 (ميمر)

نـار الـسـبـي     »»»        نـار الـعِـبـي
عـنـدك عِلـم     »»»       يالـطـالـبـي

محتاره بين النارين يابو الفضل ترضاهه

*-------------------------*----------------------*

أنـتـه الـجـبـتـنـي الـكـربـلـه اتـبـاريـني
تـدريـنـي امـوت ابـغـيـبـتـك تـدرينـي
مـاتــســوه ايــام الــعــمــر وسـنـيـنـي

مـاضـل امـل      »»»»      كلشي ارتـحـل
يـگـرب الـي       »»»»       ريـت الاجــل

تـالـي العمر يـا عبـاس اخـتـك شمر وياهه

*-----------------------*---------------------*

مــا اگــدر بـدونـك تــره مــا اگــدر
عـگـبك احـامـي لـلـخـيـم والـخـدّر
يا مـن خـذيت الغانـمـه من حـيـدر

دمـعي الـيـسـح       »»»»     تــارك جــرح
  مــوتـي ردت        »»»»     بـس مـا يصح

المثلي تموت وترتاح اشعدهه بـقـه بدنياهه

*-----------------------*---------------------*

تـرضـه الشماته امـيسـره شـافـتـني
ونـار الـمـصايـب والـمـحـن چـوتـني
اشـگــف بـديـه لـلـسـيـاط ومـتـني

مـوقـف صـعـب      »»»»     مـن انـضـرب
حـيـلـي انـهـدم       »»»»     وانـه بـغـرب

هيچي تعيش بنيران المنهه يروح أحماهه

*----------------------*----------------------*

الـمـن اعيش بدنيتي ومـا شـوفـك
فـدوه اروح الـرايـتـك وچـفــوفـك
ما ترضه روحي اتـفـارگك وتعوفـك

مـثـل الـحـلـم       »»»»    بــيــن الــزلــم
ويـنـك صحت     »»»»     خـويـه الـشـهـم

اتيسرت بين أجناب وسفه الدهر سواهه

*-----------------------*------------------------*

عايفني لـيـش امـسـلـبـه يالـهـيـبـه
يالعلمتــني اعـلـه الخـدر والـطـيـبـه
يـاهـو الـيـبـاري الهودجي ويـجيـبـه

جـفـني يـهـل       »»»»      شـفـت الـهـزل
بُـعـدك عَـلّـي        »»»»     يـكـتـل كـتـل

يحلالك شلون النوم يالچنت بيك اتباهه

*-----------------------*---------------------*

ريـت الـعـيـون بـغيـبـتـك مـعـمـيـه
انـه الـعـقـيلـه وصـبـحـت مـسـبـيـه
نــار الاعــادي بــالــخــيـّـام وبــيّــه

عـنـدك عـهـد      »»»»    ويـن الـوعـد
راح الـخـدر      »»»»      شـنـطـر بـعـد

اسمع يخويه ايگولون هاي الگمر جاباهه

*----------------------*----------------------*

خـادم الحسيـن (ع)
الشاعر رعد الجريخي باز کردن / نظر دهید

2023-01-25 22:11:00 ((يدنيا))

بــيــن الــدمــع بــيــن الألـم
مـاتـطـفـه نـيــران الـخـيّــم

يـدنـيـا      **     يـدنـيـا

*----------------------*---------------------*

اذكـر البـِعـدو عـليّـه ويـقـتـرب مـوتـي احس
تـركـو ابـالي صـورهـم  الضلوا بـحـر الشمس
مــرت ايــام ولـيـالـي والـصـور چـنـهـه امـس
اسكت وتحچي المدامع وگوه اصبرهه النفس

فـوگ الـتـرب عـفـتِ الاهـل
بـكـل دمـعـه اردد مـستـهـل

*---------------------*---------------------*

آنـه يادنـيـا الـعـقـيلـه أتحمليت اشكـم جرح
يالخذيتي اعزاز عـمـري وراحه منچ ماتصح
أبـتـدّت رحـلـت عـذابـي بـيـن سلّاب ورمح
ليلي أخلصنه بواچي ودمعي يـنـزف للصبح

منــچ تـره حـصـتـي السهر
عـمـري خـلـص نـوح وقهر

*---------------------*---------------------*

ماشـفـت غـيـر المدامع الـجـرن فـوگ الجفن
كـربلـه سـلـبت حياتي وخـلـت اثياب الحزن
تطبگ اعيوني وافـزّن وحنّـت الـثَكـلـه أحـن
اليـنـدفـن مـره ابمماته وآنـه يـومـيـه أنـدفن

أصعب جرح جرح  الـغـرب
مـنـه احـس شـاب الـگـلـب

*-----------------------*--------------------*

الغـابـوا احـبابـه يويَلـه غـيـر مـوتـه أشينتظر
ايـكـابـر ويحسب ثواني وعايش ابـنـار الهجر
بظلمت اسنينه وجروحه ايدوّر الساعت فجر
الينكسر گـلبـه وشـعـوره هـذا شيفيده الصبر

مـن الـصـبـر بـس الـتـعـب
الـگلبـه على احبابـه التهب

*------------------------*------------------*

ابساعت العفتِ الغوالي والشمر حادي الضعن
مـابـقـه كلشي بـحـيـاتـي الـبـقـن بـس المحن
اسـرح بـعالـم صفنتي وأذكـر اسـنـيـن المضن
وحـدي عـافـنّي الليالي وشمعة اعيوني خذن

عمري انـتـهه اشعندي بعـد
وشـمـل الأهـل عني أبتعـد

*-----------------------*--------------------*

كلشي سلّبّتي يـدنـيـا روحي عـفـتيهه أشعجب
راحوا أحبابي بشملهم  ومارحت شنهي السبب
اشـبـعـد خليتي عـنـدي كـافـي ما احـمـل تعب
شوفي خلصّتة ابعذابچ والـگـلب جرحه التهب

مـثـل الـشـمـع آنـه أحـتـرگ
مــن اذكــر امـتـونــي الـزرگ

*----------------------*---------------------*

خادم زينب ((ع))
الشاعر رعد الجريخي باز کردن / نظر دهید

2022-12-09 11:21:36 (وإن)


وإن وإن     فاطمة بالــدار
وإن وإن     أغضِب الجبار

هذا ما قالَ اللعين   يا اميرَ المؤمنين
---------------------------------------
صبرك شكبره يحيدر من سمعتـــه
ادري صعبه وجرحتك كلش كلمتـه
جايب النار وحطب يالوالي شفتــه
قصده بيتك بالحقد يهتك حرمتـــه

قصد قصد     قاصد الملعون
قصد قصد     عدهم يسوون
اصبر والله المعين
-----------------------------------
يا علي صابر تضل عندك وصيـه
حتى لو هجمو عليك الجاهليـــــه
تحفظ الدين وعهد سيد البريــــه
وانت حيدر والنعم حامي الحميه

علي علي     اسمك المعروف
علي علي     تآمن الملهــوف
حافظ الدين المبين
--------------------------------------
يعرف بچفك ابد ميجر حسامــــــه
الضالم بناره اعتنه لباب الامامــــه
اجرء وجاب الحطب وبلا شهامـــه
ويصعب عليك الجره وصار بختامه

هضم هضهم     بابك المحـروگ
هضم هضم     بالحزن مخنوگ
بالصدر حزنك رهين
---------------------------------------
بابك الچان النبـــي يـــوكف يقدســـه
صعبه يا حيدر ترى الضالم يرفســـه
صابر وحزنك وسط كلبـــك تحبســـه
اليحترك بيته شيصبره وساعه ينسه

صعب صعب     عايش وحزنان
صعب صعب     بالكلب نيـــران
عايش وكلبك حزين
----------------------------------------
الحاقد اتعنه و وصيتك يدري بيهه
ودارك بنار الحقد يجسر عليهـــــه
روع الزهره الزجيـــه وام ابيهــــه
وان قالَ و كلمتـــه يتباهــه بيهـــه

جرح جرح     ذكريات البـــاب
جرح جرح     للجروح اسباب
جرحتك وسفه السنين
--------------------------------------
التنكسر فجئة بأبــو وتضل يتيمــه
بكلمة الطيبه يجيهـه العده شيمـــه
فاطمة بالنار اجوهه بيـــا جريمـــه
جرحت عيون الطهر هاي الهظيمه

دمع دمع     بالمحاجر ســال
دمع دمع     يشرحلهه الحال
فاطمه تخفي الحنين
----------------------------------------
بقلم خادم الزهراء ع
     الشاعر رعد الجريخي باز کردن / نظر دهید

2022-08-03 14:07:49 نزله (لمسلم ابن عقيل ع)

مانعوفك مستحيل..ابخدّمتك يبنَ عقيل
هايمسلم هايمسلم
****
كلنه هاني انصير الك...لا ابد منبدلك.
بينه لو دار الفلك.... عدنه عالي منزلك.
واشنقدملك قليل.....ابخدّمتك يبنَ عقيل
هايمسلم هايمسلم
*****
خدًمتك مسلم شرف......عنهه ابدآ مانكف.
ياسفير المنوصف..........منهو شخصك ماعرف.
عن طريقك مانميل.......ابخدّمتك يبنَ عقيل
هايمسلم هايمسلم
**
انطينه لحسينك عهد.....مانعوفك للأبد.
خدمة احلى من الشهد.....بيهه حسينه ابسعد.
واشنرد من الجميل....ابخدّمتك يبنَ عقيل
هايمسلم هايمسلم
***
حكنه لجلك ننفجع..........نحضر انهل الدمع.
اوطوعه حضرة بالجمع.......لطاري ذجرك تستمع.
ليك مدمعهه يسيل......ابخدّمتك يبنَ عقيل
هايمسلم هايمسلم
***
كلهه اسمك نادته......... حاضرين لخدمته.
ابحق حُسين اوغرّبته......تنطي كلمن حاجته.
باب انته للجليل............. ابخدّمتك يبنَ عقيل
هايمسلم هايمسلم

لخادم مسلم بن عقيل
الشاعر
ابو عبد الله الشمري
https://t.me/zaidHassan0 باز کردن / نظر دهید

2022-08-02 10:23:10 #قصائد_منبريه
#محرم_١٤٤٤
#ليلة_ام_البنين_ع
اساسيه

خل تسمع العرب وين التحمل حطب
والأنجبت زلم بالطف نزلو غضب
ذيج نارهه ذات لهب
هاي طاهره ونعم النسب
...............
نقره تاريخ النساء بكل زمن الهن اداء
وبمواقف تختلف جن فرق ارض وسماء
اكو بيهن دين ربنه تكمل بأياته معنه
وبيهن اتلم الاعادي وبحطبهه اتسد دربنه
والصنعت الرجال ضمتهم للنزال
شهم يتبع شهم يتوسد الرمال
كون الهه أحرف من ذهب
هاي طاهره ونعم النسب
...............
مِن ظهر الفحول نعِم بنت الأصول
تزوجهه علي لجل ولِد البتول
فاطمه وبيهه الهدايه فاهمه احروف الولايه
للحسين اتربي اخوته حته متمسه المنايه
رجل للمشرعه ورجال القارعه
للحق ولدهه صوت أُممنه تسمعه
نور عد ولدهه منحجب
هاي طاهره ونعم النسب
...............
بالمدينه بقت بضعنهم مامشت
تباري فاطمه العليله ام البخت
وبيهه تشتد المصيبه حسين بالطاري تجيبه
هوه بالغربه وعياله منهم بنيه غريبه
بقت تبجي وتون يلوعهه الحزن
يلوح اسكينه سوط ويألمهه المتن
جان اتحس متنهه انضرب
هاي طاهره ونعم النسب
...............
على جمر الصبر كَلبهه ينتظر
يردلهه الحسين تخدمه بهالعمر
هيه اول خادم امهم صارت شكد دللتهم
لبو اليمه واخته زينب كل عمرهه وكبرتهم
وتحس يوم الاجل على حسين اكتمل
فدت اربع بنين لجل خير العمل
راح كل عمرهه لهالطلب
هاي طاهره ونعم النسب
...............
تمرعَشرة رمح تكّبر بالجرح
أي واحد من يعود فوك الجرح ملح
الينذبح راح انتظاره اويه العمر اكبر خساره
ذبحته سيوف الاعادي وبالحرب حركَوهه داره
شتتاني وبالسفر ما الهم اي اثر
بالعيون العمت لحد فكَد النظر
وين بعد من عدهه العجب
هاي طاهره ونعم النسب

الشاعر
ياسر العارضي
https://t.me/zaidHassan0 باز کردن / نظر دهید

2022-08-01 14:11:22 لسان حال الزهراء .ع. مع خدمة الحسين.ع.


أنه أم حسن * سجل عزائك عندي
أنه أم حسن * يلطم أوياك المهدي

هاليله أنه ونرجس * نفرش أفراش
المجلس* ونبچي على حسين

**

أنه ضيفـه اليله عدكم * حسين وده ألكم سلام

يـمـه كــلي اويـاچ أخذي * للـعزه أرماد الخـيام

يــمــه کلي الـناسـي ما يـكـدر يـجـيـكـم

حـــســيــن عـالـتل هـسه ويباوع عليكم

خـيامه كـبرن بـيـهـه خـضر لطم أديكـم

أبــنــه عــبــدلله كـبر يــسـأل عـلـيـكـم

وياي أجه * يـبـچـي ويــون عـبـدلله
وياي أجه * أليعـثـر يكله صمله

لـمن دخـل لـلمجـلس * بالباب كال أرد أجلس * ونبچي على حسين

****

أقره مقتل أمشي وأسأل * عن مجالس أبني وين

يالـعـشـكـتـة أني وانتـة * خلي نبچي على الحـسين

مــنــبــره والمجلس بـدمـعـي فـرشــتة 

 صحت يحـسـين أنـه أمك وينك أنـتة

نـرجـس أم الـمـهـدي طاحت من ذكرتـة 

 الـمـهدي يــوكع وانـه بضلـوعي لـزمتة

يبچي كعد * أبـاب الحـسـيـنـيـة
يبچـي كعد * ودموعه لاذت بيه

يشم الهوه بالكوه * ويالطم بصدره بقوه ونبجي على حسين

****

کلبي يبرد بلبس الاسود * المجلـس أوليدي تعال

صفي نيتك لايهمك * أشكال هـذا وذاكه كال

ما أريدك واكــف أتــبـــاوع عــلـيــه 

أتواضع اوأدخـل عــزاء أبن الزجيه

حسين سواه الله مــو لـلطائـــفــيـه 

 الــمـواكـب كـلـهــه تـتـنـفـس رقيه

أبكل عزه * صفي الكلب من تدخل
أبكل عزه * بالك عليهم تشكل

حب اليحب المنبر * بعيني وحقك تكبر
ونبجي على حسين

 

***

يالـتحبني أحترمني * واحـترم مـعـنى الـعزاء

ضم غـرورك والـتكبر* حـسـين أخدمه بـلا رياء

حـسـين مو مـعـنـا لطـم والخدمه زنجيل 

 حــسـيـن لـتـذبـحـه بـعد وتكـلي تـمـثـيل

أكــبـالي لاتـحـرك خـيـم والـهـــودج يميل

نــقـي كــلـبـك لاتـصافــح أيــد قــابـيــــل

أخذ الحذر * ينذبح أبني لسه
أخذ الحذر * ثوب الحسد لتلبسه

أخلص أشكد ما تكدر* بالك بعد تـتكبر
ونبجي على حسين

**

ثـوبه جبـتة للمجالس * بحاله شـمسوي السهم

لـونـه أحمر مـنه يكطـر* دمه وعــضامه ولحم

 عظام بي مطحونه وانه بردنه أشمه

أمنين ماشيل القميص تطيح عظمه

جبتة على المنبر وضعتة وسال دمه

حرت من علكتة أنه أمـنـيـــن ألزمه

كله نزف * بجفوفي من خليتة
كله نزف * بعــبـــايتي غطيتة

المنبر بعد مو عرشه * بيناتنه خن فرشه
ونبجي على حسين


*

أبـمحرم الخدمه أعظم * الـيوم ينـعد بـسنة 

الـمجالس من تـطبهه * أبـتعد عـن حب الأنـه

محـبسك من تـدخـل المجلس أنزعه

حسين بجفوفه بقـــن أيــات تــسـعـــه

خنصرك خالي تجي أكرامن للصبعه

يـا هـضـيـمه الظالـم بـخـنـجر يكطعه

حسين أنسلب * والشمر بيه أشسوه
حسين أنسلب * وبالرمل جسمه أتجوه

لا تنسى يوم أوليدي * للجنه أدخلك
بيدي * ونبجي على حسين



عـــاشـــق الــعــبـــاس

أمــــيــر الــســعــيـــدي
https://t.me/zaidHassan0 باز کردن / نظر دهید