#كلية_تربية سلاموا عليكوا عارفين الكلية اللي ناويين نتكلم عن | 🎓تاريخ🎓تالتة ثانوي ⚡zakir⚡
#كلية_تربية
سلاموا عليكوا عارفين الكلية اللي ناويين نتكلم عنها النهارده ممكن نسميها كلامنا النهاردة عن كلية تربية .. تمام كدة.. ليه بقي بنقول انها كلية التعويض عن احلامنا ؟ مثلا لو حد عاوز يدخل هندسة لانه بيحب الرياضة والشغل مع الارقام والحسابات بس للاسف مجموعه مجبش الكلية فهو ممكن يدخل كلية تربية قسم عام رياضة . ولو حد كان علمي علوم و لسوء الحظ مدخلش الكلية اللي نفسه فيها فهو هيدخل تربية بيولوجي او كميا وهيتعامل بردو مع المعادلات والحاجات اللي متعود عليها . ودة طبعاً غير اللي نفسه يبقي مدرس اد الدنيا وبيحب مجال التدريس فاكيد دة مكانك الطبيعي.
مبدأيا الكلية اربع سنين .. وممكن تدخلها من علمي او ادبي .. وبالنسبة للتنسيق فتربية من ادبي بتبقي رابع كلية ليك بعد سياسة واقتصاد واعلام والحاجات ديه .. وبتبقي بعد كليات الطب والعلوم لو كنت يعني علمي علوم ولو كنت علمي رياضه فهي بتكون بعد هندسة وعلوم .. وعموما كليه تربية تعتبر اول كلية بعد كليات المجموعة الطبيه والهندسية
واللطيف ان فيه ناس كتيير بيحولوا من كلية السن لتربية .. لو ملحقوش او معرفوش يدخلوا الاقسام اللي هما عاوزنها .. يعني ( موقع د محمد رزق التعليمي ) لو ملحقتش السن انجليزي او فرنساوي .. عشان شروطهم مكنتش ماشيه مع مجموعك في مواد اللغات .. فممكن تدخل تربية عام انجليزي او فرنساوي
تعالوا نتكلم بشكل اوضح عن الكلية ونفهم كل حاجه عنها كلية تربية بشكل عام بتتكون من 3 اقسام رئيسية الي هما تربية عام وتربية اساسي وتربية طفولة
و دة بالنسبة للبنات لكن للولاد فهمي قسمين بس الي هما تربية عام وتربية اساسي
والتخصص في اي حاجه منهم بيبدا من سنة اولي
والفرق بين عام واساسي انك لما تتخرج ان شاء الله لو كنت تربية عام فانت هتشتغل مدرس اعدادي وثانوي لكن لو كنت تربية اساسي فانت هتكون مدرس ابتدائي اواعدادي
نتكلم عن تربية عام شويه زي ماقولنا انك بتشتغل مدرس اعدادي وثانوي والقسم دة اعلي قسم في الكلية من ناحية المجموع .. بمعني انه بياخد الي جايبين اعلى مجموع في ثانوية عامة
والقسم بيتكون من كذا قسم حسب طبعا انت عاوز تتخصص في ايه وبيقي فيه اقسام ليها تنسيق داخلي او شروط بمعنى اصح عشان تقدر تدخلها موقع د محمد رزق والاقسام عموما بتبقي زي قسم لغة عربية .. قسم انجليزي .. وقسم رياضة .. و فرنساوي .. وقسم فلسفة .. وقسم جغرفيا .. وقسم الماني .. وقسم علم نفس .. قسم بيولوجي .. قسم كميا .. قسم فيزيا .. وقسم تاريخ وعيش بئي .
وانت بتختار انت حابب تكون مدرس ايه او هتدخل في انهي قسم فيهم .. خلي بالك ان دول كلهم ليهم تنسيق داخلي يعني على حسب مجموعك في المادة بتاعتها .. يعني مثلا لو عاوز تدخل قسم لغة عربية لازم تكون جايب درجة حلوة في العربي بتاع ثانوية عامة وهكذا .
بس في ملحوظة مهمة لو انت كنت علمي علوم فانت قدامك بس اقسام احياء وكميا وفيزيا موقع د محمد رزق التعليمي .. لو كنت علمي رياضة فانت قدامك بس قسم رياضة بس اما بئي لو كنت ادبي فعيش بئي في اي قسم من بتوع ادبي
وملحوظة كمان ان قسم بيولوجي وفيزيا وكميا بيكون بمصاريف ممكن تلاقيها مثلا في شوية جامعات حوالي 3 الاف جنيه في السنة زي جامعه عين شمس مثلا وعلى فكره انت بتختار قسم من اللي قلنا عليهم دول بردو من سنة اولى
نيجي لقسم اساسي ودة القسم اللي بعد قسم عام على طول من ناحية مجموعك في الثانوي برده وبتتطلع منه عشان تبقي مدرس ابتدائي وبعد ماتترقي بتبقي مدرس اعدادي اقسام اساسي بتبقي زي لغة عربية بردو ورياضة و مواد اجتماعية وعلوم وخلي بالك بردو وانت بتختار القسم اللي انت عاوزه من مجموعك في المادة الخاصة بيه وهنا هتلاقي نفس الملحوظة .. لو كنت علمي علوم فانت ممكن تدخل تربية اساسي علوم .. ولو كنت علمي رياضة فانت ليك قسم رياضة وهكذا
من نحية الشغل العملي فييقي في المدارس .. و بيكون من سنة 3 و4 وبيبقي ليك يوم في الاسبوع محدد ليك .. ومتحدد ليك مدرسة فصل موقع د محمد رزق التعليمي . وتعيش بقي مع الواقع والطلبة وخلي بالك انك في سنة تالته بتنزل مدارس اعدادي ورابعه بتنزل مدارس ثانوي.
## نتكلم بئي عن القسم البنانيت .. فبصي بئي لو انتي بتحبي الاطفال و بتحبي اللعب والاعمال اليدوية والشغل دة .. انصحك ياحلوة تدخلي قسم طفولة ..هتستمتعي اوي لان شغلك هيكون مع لاطفال. وهتشتغلي بايدك شغل كتير زي انك تعملي اعمال ابتكارية ويدوية زي العرايس مثلا ولوح و قص ولصق وبتتعلمي ازي تتعاملي مع لاطفال وايه هي طرق التدريس الكويسة ليهم
مواد القسم دة بتكون دراسة كاملة عن الطفل واي حاجه بتخصه في المرحلة دي مثلا فيه ماده اسمها قصص الطفل .. وبتدرس فيها ازاي تقدر توصل معلومة للطفل من القصة دي .. وكلام نظري عن الفرق بين القصة والمسرحية وغيرها من انواع الادب
