انا هسقط 'قال ومن يقنط من رحمة ربه إلا الضالون' الامتحان | 🎓تاريخ🎓تالتة ثانوي ⚡zakir⚡
انا هسقط "قال ومن يقنط من رحمة ربه إلا الضالون"
الامتحان جه صعب و هيضيع تعبي كله "وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لاتعلمون"
انا مهما عملت مش هنجح ، دة انا حاسب الدرجات "إنه لا ييأس من روح الله إلا القوم الكافرون"
طب انا دلوقتي ذاكرت بس خايف و مش عارف اعمل ايه "وإذا سألك عبادي عني فإني قريب، أجيب دعوة الداع إذا دعان، فليستجيبوا لي وليؤمنوا بي لعلهم يرشدون"
انا دايما مقتنع بإن "من توكل على الله فهو حسبه" و شايف انك مش محتاج تعمل اي حاجة غير انك تاخد بالاسباب.. انت كل حاجة بتحصل في حياتك ربنا كاتبها و مدبرها و ما عليك بس غير انك تسعى و تجتهد و حتى لو ربع اجتهاد و ربنا و الله هيقدر تعبك و يكرمك
التفاؤل ربنا بيشيد بيه في آياته فمتهزرش كل شوية بكلمة انا هسقط انا هشيل المادة انا مش هعدي السنة دي عشان اللي بيهزر بالبلاء ، البلاء بيصيبه تفائل ، ثق في ربك ، توكل عليه و خش في اي حاجة و ربنا هيكرمك
عن تجربة عمري ما وثقت في ربنا من كل قلبي و انا عارف بجد بكل ذرة فيا ان ربنا بس اللي هيحل اللي انا فيه دة و قريت الفاتحة و الإخلاص و المعوذتين و آيه الكرسي و استغفرت بنية ان ربنا يحل اللي انا فيه دة ، و ربنا مكرمنيش اخر كرم و فرجها من عنده
- الامتحان اللي مش مذاكرله بضمير دة هتعديه - الدرجات اللي حسبتها ٥ مرات و مجبتش درجة النجاح هتتعوض في مادة تانية و تنجح برضو - الاورال اللي خايف تدخله و شايف كله طالع مصدوم انت هتخش و هتتسأل في اسهل حاجة انت عارفها