2021-07-10 22:30:03
انا ولا مدرسة ولا حاجة وطالبة زيي زيكم وعارفة كده كويس ولست أهل للنصيحة برضو ولكن معلش ادوني من وقتكم دقيقة
الامتحان صعب، سهل مش فارقة كتير هو خلص وخلاص الصياح المستمر ده ملوش اي لازمة فعليا ده أولا
ثانيا يا ريت متنساش ان اخواتنا في ادبي رايحين يمتحنوا بكرة تخيلوا احنا مكنش في امتحان قبلنا و كنا مرعوبين ما بالكم الغلابة اللي رايحين بكرة وهما سمعوا الصياح ده كله والزن !!
راعوا بعض يجدعان وحبوا الخير لبعض وأي حد ليه صاحب في ادبي يهديه وانا برضو بقول لادبي اهدوا ومتستعجلوش خالص ولا ترعبوا نفسكو عملتوا اللي عليكو وتعبتوا خلاص اتطمنوا خالص انت مش هتسأل عن النتيجة انت هتحاسب على مذاكرتك تعبك وقتك مجهودك لا أكثر ولا أقل واكيد ربنا مش هيضيع تعب حد وده كلام مفروغ منه بنبقى بنهبد وبتطلع صح عادي هل ده فزلكة منك يعني ؟ لا والله ده ربنا عارف انك تعبت فبيكرمك مش اكتر
نصيحتي لطلاب ادبي بقى..
إياكم تسهروا او تطبقوا لازم تناموا على الاقل 4 ساعات لازم لازم لازم
الامتحان معتمد عالتركيز أكتر من ما هو مذاكرة والله يعني تخيلوا 4 نصوص وقراءة متحررين وش لو واحد مش مذاكر من اول السنة حرف واحد وركز في قرائتهم هينجح فلازم تروحوا فايقين ضروري بالله.
تاني حاجة بلاش الله يكرمكم تسألوا عن امتحاننا وهو كان عامل ازاي وفي قصة؟ طب في بلاغة ؟
بلاش فعلا .. عشان انتو متعرفوش دماغ الوزير بتفكر ازاي ممكن مثلا لما يعرف أنكو سألتوا وكده وهتهملوا القصة يقوم رازعكوا كذا سؤال قصة فبلاش فعلا ذاكروا كأننا ممتحناش وانتو متعرفوش عننا حاجة واعملوا اللي تقدروا عليه وبس
وهدعي لكم كتير خالص قد البحر وسمكاته
طالب علمي بقى... اهدى وقوم شوف المادة الجاية كده واعتبر ان اول امتحان فرنش او ألماني او ايطالي مش عربي
1.0K viewsG T, 19:30
ت
