الحامل تصوم؟ علميا اي ممكن هواية تعليمات عالمية محبذت فترة ط | Pharmacist 💊💉
الحامل تصوم؟
علميا اي ممكن هواية تعليمات عالمية محبذت فترة طويلة للصيام يعني مو محبب انه الحامل تبقى فترة طويلة بدون اكل بس مو ممنوع ابدا واني عن نفسي باطفالي الاربعة صمت رمضان والحمدلله
شوكت افطر ؟ من احس اوجاع او تقلصات. من يصير الادرار مركز جدا وقليل بشكل ملحوظ. من فقر دم عندج قبل الحمل ٩ وبدا ينزل اكثر. من اي شي طارئ يصير يعني لاسامح الله نزل السائل الامينوسي او صار نزف او نزول حاد بالسكر بهالحالة افطري اكيد مو وكت بطولات والجنين ممكن يتأذى
مريضة عدها ارتفاع الضغط ومنتظمة عالحبوب كل ٦ ساعات ويادوب مسيطرة عالضغط شي طبيعي مننصحج تصومين
عندج تخثر سابق وهسه حامل لتصومين افضل لان تزيد احتمالية الخثرة مرة ثانية.
كذلك التؤام وبالاشهر الاخيرة الافضل متصوم لان حاجتهم للتغذية اكثر وتعقيدات الحمل بالتؤام اكثر فالافضل متصوم او تصوم يوم وتفطر يوم
طريقة الصيام والفطور مهمة جدا جدا اهمشي تنظيم الاكل بعد الفطور شوربة خفيفة الافضل بس اذا وجبتج الرئيسية الشوربة ممكن تضيفين اي خضار بيها بالي يعجبج سحور لتعوفيه مددي عالصفحة اليسرى بعد الاكل ب ساعة حاولي تتمشين نص ساعة بعد الاكل لتنسين فيتامينات الحمل رمضان كريم
