نصائح مهمه 1-لو انت بتتعلم اي مجال ،، هتحتاج تتعلم مهارات ا | Zero Security
نصائح مهمه
1-لو انت بتتعلم اي مجال ،، هتحتاج تتعلم مهارات الSoft skills ودي مهارة بتكستبها مع التجربه والوقت مش بس باكورسات و بتبقا زي (الإدارة - الاقناع - التواصل - التفاوض -الخ..)
2-لو انت في مجال الCyber security أو في مجال الMarketing أو في مجال بيطلب منك انك تقنع شخص معين ف هتحتاج تتعلم شوية علم نفس وأساليب الاقناع المختلفة و في كتب معايا في المواضيع دي قوية وهتفيدك باذن الله هنشرها
3- لو انت مشددة في كذا مجال زيي و مش عارف تخش في ايه وتسيب ايه ف ده طبيعي جدا انك تبقا مشدد انا بقا جاي اقولك انك تستمر في التعلم حتا لو مشدد و مش عارف تمشي في ايه ..اهم حاجه تستمر و انت مع الوقت هتعرف المجال الي عايزه
4-موضوع الشغف واجري وراه ده كذب و مش كذب ! ،، هتقولي ازاي؟ ده موضوع طويل شوي،، بس هقولك علي حاجه بسيطه لو انت شغال اي حاجه مثلا و تعبان ومضطر ف متسيبش شغلك حتا لو مش بتحبه الا لما تلاقي الشغل الي بتحبه و ده انت مع الوقت هتعرف اذا كان شغل محتاج (مجهود بدني أو مجهود عقلي )
5-الذكاء مهارة مش شي بتتولد بيه بس و عن تجربه وتجارب ناس كتير ،، هتقول ازاي ؟ هقولك ان الذكاء ده انوع مش زي ما بتشوف شخص عالم أو شخص شاطر في الرياضيات يبقا ذكي الذكاء انوع ( عاطفي ، نفسي ، ذكاء ف المهارة مثلا ، وهكذا ) تقدر تبقا ذكي لو بقيت (مثقف ، بتقرا كتير ، معاك اكتر من لغة ، و بتسمع اراي و ناس كتير مفيده )
6-صحتك اهم حاجه ، يعني متجيش تكون قاعد علي الفون مشغل مثلا تيك توك ليل نهار ، او تقعد بلسعات تذاكر مجال معين أو تشتغل شغل تقيل اوي علي نفسك (الا إذا كنت مضطر وقتها تحاول تنقل من الشغل لشغل تاني ) ف انت لما بتعمل كده انت بتدمر جسمك ، جسمك هو المكنه و عقلك هو الي راكب المكنه وبيتحكم بيها ، فلو حاجه باظطت ف انت كده هتوقف ومش هتنجز زي م انت متصور.
7-اصعب حاجه في الدنيا هي النجاح ، لا تفتكر انك تتعلم مجال أو تاخد كورس وتشتغل وتنجح ! لا خليني اقولك أن الموضوع مش بلسهولة دي انت هتتبع وتحبط و تلف كتير و تتعلم وتطبق وحجات كتير وعقبال ما تنجح ف خليك عارف ده كويس علشان متحبطش
